XCHANOBIL 59
Xuʼ me xkuch avuʼun akʼo mi xavichʼ kontrainel
Ta onoʼox xkʼot yorail ti tsots chkichʼtik kontrainel yoʼ mu xa xijtun ta stojolal Jeovae. ¿Mi ta van xijxiʼ-o mi jech kʼot ta jtojolaltike?
1. ¿Kʼu yuʼun mu labaluk sba chkaʼitik mi laj kichʼtik kontrainele?
Xi xa onoʼox jamal yaloj li Vivliae: «Skotol li buchʼutik tskʼan chichʼik ta mukʼ Dios ta sjunul yoʼontonik ta xkuxlejalike xchiʼuk ti tskʼan jmoj oyik xchiʼuk li Kristo Jesuse ta onoʼox xichʼik kontrainel ek» (2 Timoteo 3:12). Li Jesuse laj yichʼ kontrainel ta skoj ti muʼyuk la skap sba ta sbalumil Satanase. Li voʼotike muʼyuk te kapal jkʼoplaltik ek. Jaʼ yuʼun, mu labaluk sba chkaʼitik mi la skontrainutik li ajvaliletik xchiʼuk li relijionetike (Juan 15:18, 19).
2. ¿Kʼuxi xuʼ jchapan jbatik yoʼ xkuch kuʼuntik li kontrainele?
Avie, skʼan masuk to jpat koʼontontik ta stojolal li Jeovae. ¿Kʼuxi xuʼ spas kuʼuntik taje? Jaʼ ti jchʼakbetik yorail yoʼ jpastik orasion xchiʼuk ti jchan li Jvivliatike. Jech xtok, skʼan mu jchʼay jbatik li ta tsobajeletike. Taje jaʼ me tskoltaot sventa xkuch avuʼun mi oy buchʼu tsots la skontrainote akʼo mi avutsʼ avalal noʼox. Xi laj yal li jtakbol Pablo ti nopolik noʼox laj yichʼ kontrainele: «Jaʼ jkoltavanej kuʼun li Jeovae; muʼyuk chixiʼ» (Ebreos 13:6).
¿Kʼusi to yan xuʼ skoltautik sventa tsotsuk koʼontontike? Jaʼ ti mu xkikta jbatik ta xcholel mantale. Kʼalal ta jcholtik mantale, jaʼ tskoltautik sventa jpat koʼontontik ta stojolal li Jeovae xchiʼuk ti mu jxiʼtatik li krixchanoetike (Proverbios 29:25). Mi la jtsatsubtas xa noʼox koʼontontik avie, muʼyuk me chkiktatik cholmantal mi lik skontrainutik li ajvaliletike (1 Tesalonisenses 2:2).
3. ¿Kʼuxi ta jtabetik sbalil mi kuch kuʼuntik li kontrainele?
Muʼyuk onoʼox buchʼu lek chaʼi ti chichʼ kontrainele. Pe kʼalal chkuch kuʼuntike, mas to tstsatsub li xchʼunel koʼontontike. Jech xtok, mas to chijnopaj ta stojolal Jeova, yuʼun te chkakʼtik venta ti jaʼ chakʼ kiptik kʼalal mu xa xuʼ chkaʼitike (kʼelo Santiago 1:2-4). Li Jeovae kʼux chaʼi kʼalal chkil jvokoltike, pe xmuyubaj kʼalal muʼyuk chijlubtsajutike. Xi chal li Vivliae: «Mi kuch avuʼunik vokolil ta skoj ti chapasik li kʼusi leke, lek chil li Diose» (1 Pedro 2:20). Li Jeovae chakʼbe xkuxlejal sbatel osil li buchʼu chkuch yuʼun xchiʼuk ti tukʼ chakʼ sba ta stojolale. Jun xa noʼox yoʼonton chichʼik ta mukʼ Jeova ta skoj ti muʼyuk xa buchʼu chkontrainvane (Mateo 24:13).
JCHANTIK TO BATEL MAS
Jkʼeltik batel kʼuxi xuʼ tukʼ chkakʼ jbatik ta stojolal Jeova akʼo mi chkichʼtik kontrainel. Jkʼeltik batel xtok kʼusi jmotontik chakʼbutik Jeova mi kuch kuʼuntike.
4. Xuʼ me xkuch avuʼun mi tskontrainot avutsʼ avalale
Li Jesuse laj yal ti xuʼ van xlik skontrainutik kutsʼ kalaltik ta skoj ti chijtun ta stojolal Jeovae. Kʼelik Mateo 10:34-36 xchiʼuk albeik skʼoplal li sjakʼobil liʼe:
-
¿Kʼu van yelan chaʼi sba yutsʼ yalal li buchʼu chlik tunuk ta stojolal Jeovae?
Sventa xavojtikin junantik ermanoetik ti laj yichʼik kontrainele, kʼelik li VIDEOE. Mi laje, albeik skʼoplal li sjakʼobil liʼe:
-
¿Kʼusi van chapas mi la skontrainot junuk avutsʼ avalal o junuk avamigo yoʼ mu xa xatun ta stojolal Jeovae?
Kʼelik Salmo 27:10 xchiʼuk Markos 10:29, 30. Kʼelik ta jujun li tekstoe, mi laje albeik skʼoplal li sjakʼobil liʼe:
-
Li teksto liʼe, ¿kʼuxi tskoltaot sventa xkuch avuʼun mi la skontrainot avutsʼ avalal o avamigotake?
5. Mu me smakot ta yichʼel ta mukʼ Jeova li kontrainele
Akʼo mi chkichʼtik kontrainel, skʼan tsotsuk koʼontontik yoʼ jechuk˗o xijtun ta stojolal Jeova. Kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼu yuʼun tstsatsubtas avoʼonton yaʼel li video liʼe?
Kʼelik Echos 5:27-29 xchiʼuk Ebreos 10:24, 25. Kʼelik ta jujun li tekstoe, mi laje albeik skʼoplal li sjakʼobil liʼe:
-
Akʼo mi mu xa xakʼ jcholtik mantal o jtsob jbatik li ajvaliletike, ¿kʼu yuʼun toj tsots skʼoplal ti jechuk˗o xijtun ta stojolal Jeovae?
6. Jaʼ tskoltaot Jeova sventa xkuch avuʼun
Oy stestigotak Jeova ta yantik lum xchiʼuk ti jelajtik sjabilalike kuchem yuʼunik li kontrainele. Sventa xanaʼ kʼuxi yutojike, kʼelik li VIDEOE. Mi laje, albeik skʼoplal li sjakʼobil liʼe:
-
¿Kʼusi koltaatik yoʼ xkuch yuʼunik kontrainel li ermanoetik ta videoe?
Kʼelik Romanos 8:35 xchiʼuk 37-39 xchiʼuk Filipenses 4:13. Kʼelik ta jujun li tekstoe, mi laje albeik skʼoplal li sjakʼobil liʼe:
-
Jech kʼuchaʼal chal li teksto liʼe, ¿kʼu yuʼun apatoj avoʼonton ti chkuch avuʼun kʼusiuk preva xanuptane?
Kʼelik Mateo 5:10-12 xchiʼuk albeik skʼoplal li sjakʼobil liʼe:
-
¿Kʼu yuʼun xuʼ xamuyubaj akʼo mi chavichʼ kontrainel?
Ta smiyonal xa noʼox yajtuneltak Jeova kuchem yuʼunik li kontrainele. ¡Xuʼ me xkuch avuʼun ek!
JUNANTIKE XI CHALIKE: «Naʼtik mi xkuch onoʼox kuʼun mi laj kichʼtik kontrainele».
-
Mi oy buchʼu jech laj yal avaʼie, ¿kʼusi tekstoetik xuʼ xakʼelbe yoʼ xatsatsubtasbe yoʼonton?
¿KʼUSI LA ACHAN?
Li Jeovae ep tajek sbalil chil ti jech˗o chijtun ta stojolal akʼo mi chkichʼtik kontrainele. Ta skoj ti tskoltautike, ¡chkuch kuʼuntik kʼusiuk noʼox ti jnuptantike!
Svulesobil ta joltik
-
¿Kʼu yuʼun mu labaluk sba chkaʼitik mi laj kichʼtik kontrainele?
-
¿Kʼuxi xuʼ xachapan aba yoʼ xkuch avuʼun li kontrainele?
-
¿Kʼu yuʼun apatoj avoʼonton ti xuʼ xatun˗o ta stojolal Jeova akʼo mi oy kʼusitik xanuptan?
XUʼ TO XAKʼEL LIʼE
Kʼelavil kʼuxi koltaat yuʼun Jeova jun ermano kʼalal laj yichʼ tikʼel ta chukel ta skoj ti muʼyuk la stikʼ sba ta paskʼope.
Kʼelavil kʼusi koltaatik˗o jun nupultsʼakal yoʼ tukʼ xtunik ta stojolal Jeova akʼo mi laj yichʼik kontrainel epal jabil.
Chitunkutik ta stojolal Jeova kʼalal yorail chjel kʼusitike (7:14)
Kʼelo kʼusi xuʼ xapas sventa xkuch avuʼun li kontrainele.
«Jchapan xa noʼox jbatik ta sventa li kontrainele» (Li Jkʼel-osil ta toyole, julio ta 2019)
¿Kʼusi xuʼ jpastik mi la skontrainutik li kutsʼ kalaltike? ¿Kʼuxi xuʼ junuk noʼox koʼontontik xchiʼuk ti tukʼuk˗o xkakʼ jbatik ta stojolal li Jeovae?
«Chakʼ ‹espada› li kʼusi melel ta Vivliae» (Li Jkʼel-osil ta toyole, oktuvre ta 2017)
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
