XCHANOBIL 60
Masuk to xavamigoin li Jeovae
Ep xa kʼusi achanoj ta stojolal Jeova ti kʼu xa sjalil avichʼoj tal estudioe. Xuʼ van avakʼojbe xa akuxlejal Jeova xchiʼuk avichʼoj xa voʼ ta skoj ti akʼanoj xa tajeke. Mi muʼyuk to jech apasoje, xuʼ van jutuk xa skʼan. Mi laj xa ox avichʼ voʼe, skʼan me jechuk˗o xachʼi batel ta mantal. Xuʼ me mas to xavamigoin Jeova ta sbatel osil. Jkʼeltik batel kʼuxi xuʼ xapas.
1. ¿Kʼu yuʼun skʼan masuk to xavamigoin li Jeovae?
Skʼan jpastik bu kʼalal xuʼ kuʼuntik yoʼ masuk to xkamigointik li Jeovae. ¿Kʼu yuʼun? Jaʼ sventa mu xijchʼay jsetʼuk ta be xchiʼuk ti mu xijnamaj ta stojolale (Ebreos 2:1). ¿Kʼusi van tskoltautik sventa tukʼuk˗o xijtun ta stojolal li Jeovae? Jaʼ ti baxbolukutik ta xcholel li mantale xchiʼuk ti jkʼeltik kʼusitik to xuʼ jpastik li ta yabtele (kʼelo Filipenses 3:16). ¡Muʼyuk kʼusi xkoʼolaj˗o ti chijtun ta stojolal Jeovae! (Salmo 84:10).
2. ¿Kʼusitik to skʼan xapas batel?
Akʼo mi tstsuts xa li a˗estudioe, ep to me kʼusitik skʼan xapas. Li Vivliae chal li kʼusi skʼan jpastik ta jujuntale: «Skʼan xalapik li achʼ [talelale]» (Efesios 4:23, 24). Mi jech˗o chachan batel li Vivliae xchiʼuk mi muʼyuk chavikta aba li ta tsobajeletike, mas to me chavojtikin batel li Jeovae. Nopo kʼusitik xuʼ xapas sventa xachanbe li stalelale xchiʼuk akʼo persa yiktael li kʼusitik chopol chile.
3. ¿Kʼuxi tskoltaot Jeova yoʼ xachʼi˗o batel ta mantale?
Li Vivliae xi chale: «[Li Diose] jaʼ tstsʼakubtas li chanubtasel chavichʼike. Jaʼ tskoltaoxuk sventa tukʼuk-o oyoxuk, jaʼ tskoltaoxuk sventa tsotsukoxuk˗o» (1 Pedro 5:10). Jkotoltik onoʼox chkichʼtik akʼel ta preva, pe li Jeovae tskoltautik sventa stsal kuʼuntik (Salmo 139:23, 24). Jech xtok, li Jeovae jamal yaloj ti tstij koʼontontik ta spasel li kʼusi tskʼane xchiʼuk chakʼ kipaltik (kʼelo Filipenses 2:13).
JCHANTIK TO BATEL MAS
Jkʼeltik batel kʼusi xuʼ xapas sventa jechuk˗o xachʼi li ta mantale xchiʼuk jkʼeltik kʼusi bendisionetik chakʼbot li Jeovae.
4. Jechuk˗o me xakʼopon abaik xchiʼuk li avamigo Jeovae
Mi jech˗o chachan Avivlia xchiʼuk chapas orasione, mas to me chavamigoin li Jeovae. Pe ¿kʼuxi xuʼ xanopaj mas ta stojolal Jeova mi jech chapase?
Kʼelik Salmo 62:8 xchiʼuk albeik skʼoplal li sjakʼobil liʼe:
-
Mi mas to lek ti kʼu yelan chapas orasione, mas to chavamigoin li Jeovae. ¿Kʼuxi xuʼ xapas taje?
Kʼelik Salmo 1:2 xchi’uk ts’ib ta yok vun xchiʼuk albeik skʼoplal li sjakʼobil liʼe:
-
Mi mas to lek ti kʼu yelan chachan Avivliae, mas to chavamigoin li Jeovae. ¿Kʼuxi xuʼ xapas taje?
¿Kʼuxi xuʼ mas xlekub ti kʼu yelan chachanunaj atuke? Sventa xavil kʼuxi ta pasele, kʼelik li VIDEOE. Mi laje, albeik skʼoplal li sjakʼobiltak liʼe:
-
Jech kʼuchaʼal laj avil ta videoe, ¿kʼusitik chakʼan chapas ek?
-
¿Kʼusitik mas chakʼan chachanbe skʼoplal?
5. Kʼelo kʼuxi xuʼ mas xatun ta stojolal Jeova
Mi chakʼel kʼuxi xuʼ mas to xatun ta stojolal li Jeovae, mas to chachʼi ta mantal. Kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼusi koltaat Cameron sventa xtun mas ta stojolal li Jeovae?
Mu onoʼox xuʼ kuʼun jkotoltik sventa xbat tunkutik ta yan lum. Pe jkotoltik xuʼ jkʼeltik kʼuxi xuʼ xijtun mas ta stojolal li Jeovae. Kʼelik Proverbios 21:5 xchiʼuk albeik skʼoplal kʼusi mas xuʼ xapas...
-
... li ta tsobobbaile.
-
... li ta cholmantale.
Li teksto liʼe, ¿kʼuxi tskoltaot sventa spas avuʼun li kʼusi oy ta avoʼontone?
Li kʼusitik xuʼ xapase
-
Masuk to xlekub a˗orasion.
-
Kʼelo sliklej li Vivliae.
-
Ojtikino skotol li ermanoetik ta atsobobbaile.
-
Saʼo junuk a˗estudio.
-
Tunan ta prekursor auksiliar o ta regular.
-
Mi keremot o mi vinikote, akʼo persa yoʼ xakʼot ta siervo ministerial.
6. ¡Kʼupino akuxlejal ta sbatel osil!
Kʼelik Salmo 22:26 xchiʼuk albeik skʼoplal li sjakʼobil liʼe:
-
¿Kʼusi xuʼ xapas sventa xakʼupin li akuxlejal avie xchiʼuk li ta sbatel osile?
¿KʼUSI LA ACHAN?
Masuk to xavamigoin li Jeovae xchiʼuk kʼelo kʼuxi xuʼ mas xatun ta stojolal. Mi jech la apase, ¡ta me xakʼupin akuxlejal ta sbatel osil!
Svulesobil ta joltik
-
¿Kʼu yuʼun jpʼel ta avoʼonton ti tskoltaot Jeova sventa tukʼ xatun ta stojolale?
-
¿Kʼusi xuʼ xapas sventa masuk to lek xavamigoin li Jeovae?
-
Mi la akʼel kʼusitik mas xuʼ xapas li ta yabtel Jeovae, ¿kʼuxi tskoltaot sventa masuk to xachʼi ta mantale?
XUʼ TO XAKʼEL LIʼE
¿Kʼusi ti mas oy sbalil chil li Jeovae? ¿Mi jaʼ ti oy kʼusi labal sba jpastik ta stojolal jkojuke o mi jaʼ ti tukʼ chkakʼ jbatik ta sjunul jkuxlejaltike?
Akʼo mi jal xa chijtun ta stojolal Jeova, xuʼ van xijchibaj. Kʼelavil kʼuxi xuʼ xijtsatsub yan velta.
Chaʼta-o yan velta li muyubajel kʼalal cha chanunaj xchiʼuk chanopbe smelolale (5:25)
¿Kʼusi xuʼ jpastik sventa masuk to xijtun ta stojolal li Jeovae?
«Oyuk kʼusitik jpastik ta mantal» (Li Jkʼel-osil ta toyole, 15 yuʼun julio ta 2004)
Kʼelo kʼu yuʼun tsots skʼoplal ti xatsatsub ta mantale xchiʼuk ti kʼuxi xuʼ spas avuʼune.
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
