XCHANOBIL 44
¿Mi lek chil Dios skotol li kʼinetike?
Li Jeovae tskʼan ti jkʼupin li jkuxlejaltike xchiʼuk ti jpastik kʼin bakʼintike. Pe ¿mi lek van chil skotol li kʼinetike? ¿Kʼuxi chkakʼtik ta ilel ti jkʼanojtik li Jeovae xchiʼuk ti ta jtsaktik ta venta ti kʼu yelan chaʼi sbae?
1. ¿Kʼu yuʼun oy ep kʼinetik ti muʼyuk lek chil Jeovae?
Xuʼ van labal sba chavaʼi ti oy ep kʼinetik ti te likem talel ta jecheʼ chanubtaseletike. Xuʼ van te nitil skʼoplal ta jecheʼ relijionetik, ta kʼusitik ti mu stakʼ nabel lek skʼoplale o ti chakʼ ta chʼunel ti oy to la kʼusi kuxul chkom kuʼuntik kʼalal chijchame. Jech xtok, tspasik kʼinetik ta skoj ti oy kʼusitik jecheʼ xchʼunojik o ti oy kʼusi tsmetsʼtaike xchiʼuk ta sventa li suertee (Isaias 65:11). Jaʼ yuʼun, xi tspʼijubtas yajtuneltak li Jeovae: «Chʼako abaik [...], mu xa xapikik li kʼusi ibal sbae» (2 Korintios 6:17). a
2. ¿Kʼu yelan chil Jeova li kʼinetik ti tstoybe skʼoplal li krixchanoetike?
Li Jeovae tspʼijubtasutik ti mu jchanbetik li buchʼu «tspat yoʼonton ta stojolal li krixchanoetike», yuʼun jaʼ jun petsʼ (kʼelo Jeremias 17:5). Junantike tspasbeik skʼinal ajvaliletik, soltaroetik, skʼinal vandera o yan kʼusitik ti tstunesik sventa jlumaltike xchiʼuk tspasbeik skʼinal krixchanoetik ti la spojik junuk jteklume (independencia) (1 Juan 5:21). Junantik xtoke tspasbeik skʼinal organisasionetik sventa politika o sventa yan kʼusitik. ¿Kʼu van yelan chaʼi sba kuʼuntik Jeova mi ta jtoybetik skʼoplal junuk krixchano o junuk organisasion, mas to mi skontrainoj kʼusi chal Dios li kʼusi tspasike?
3. ¿Kʼusitik chichʼ pasel ta jun kʼin ti xuʼ chopol xa xvinaje?
Li Vivliae chal ti muʼyuk lek ‹li buchʼutik ch˗uchʼbolajik ta mase, li kʼinetik ti solel muʼyuk xa smelolale xchiʼuk ti ch˗uchʼbolajik sventa stsal sbaike› (1 Pedro 4:3). Ta junantik kʼinetike muʼyuk xa smelol kʼusi tspasik xchiʼuk chmulivajik. Mi ta jkʼantik ti jaʼuk-o kamigotik li Jeovae, skʼan mu jpastik skotol taje.
JCHANTIK TO BATEL MAS
Jkʼeltik batel kʼusi xuʼ skoltaot sventa lekuk kʼusi xkʼot ta nopel avuʼun ta sventa li kʼinetike xchiʼuk ti xmuyubajuk avuʼun li Jeovae.
4. Mu xabat ta kʼinetik ti chopol chil li Jeovae
Kʼelik Efesios 5:10 xchiʼuk albeik skʼoplal li sjakʼobiltak liʼe:
-
¿Kʼusi skʼan jtsaktik ta venta mi ta jtikʼ jbatik ta spasel kʼin o mi muʼyuk?
-
¿Kʼusitik kʼinal tspasik ti bu nakalote?
-
¿Mi lek van chil xanaʼ li Jeovae?
Kalbetik skʼoplal liʼe, ¿mi lek van chil xanaʼ Jeova li kumpleanyoe? Li Vivliae muʼyuk chal mi oy la spas skumpleanyo junuk yajtunel Dios, jaʼ noʼox chalbe skʼoplal chaʼvoʼ krixchanoetik ti la spas skumpleanyoik ti muʼyuk chtunik ta stojolal Diose. Kʼelik Jenesis 40:20-22 xchiʼuk Mateo 14:6-10. Mi laje, albeik skʼoplal li sjakʼobiltak liʼe:
-
¿Kʼusi kʼot ta pasel ta skumpleanyoik li chaʼvoʼ krixchanoetik la jkʼeltik ta tekstoe?
-
Vaʼun chaʼa, ¿kʼu yelan chil Jeova li kumpleanyoe?
Pe xuʼ van xi to chajakʼbe abae: «¿Mi ta melel chopol chil Jeova ti jpas jkumpleanyoe o ti xibat ta junuk kʼin ti chal Vivlia ti muʼyuk leke?». Kʼelik Eksodo 32:1-8. Mi laje, kʼelik li VIDEOE xchiʼuk albeik skʼoplal li sjakʼobiltak liʼe:
-
¿Kʼu yuʼun skʼan jkʼeltik lek ti lekuk xil Jeova li kʼusi ta jpastike?
-
¿Kʼuxi xuʼ jpastik taje?
¿Kʼuxi xuʼ jnaʼtik mi lek chil Dios junuk kʼin?
-
¿Mi chal Vivlia ti muʼyuk leke? Sventa xanaʼe, sabo skʼoplal kʼuxi lik talel.
-
¿Mi tstoybe skʼoplal krixchanoetik, organisasionetik o kʼusitik sventa xichʼik-o ta mukʼ li jlumaltike? Muʼyuk kʼusi yan chkichʼtik ta mukʼ, jaʼ noʼox Jeova xchiʼuk jpatoj koʼontontik ti jaʼ tslajesbe skʼoplal li jvokoltike.
-
¿Mi chal Vivlia ti chopol li kʼusitik tspasik tey une? Teuk ta joltik ti muʼyuk ta jpastik li kʼusi chopole.
5. Oyuk kʼusi xapas sventa stsakik ta venta li kʼusi achʼunoje
Vokol onoʼox chkaʼitik ti mu xijbat ta junuk kʼin ti chopol chil Jeova mi oy buchʼu tsujutike. Ta slekiluk me avoʼonton xaval li kʼusi kʼotem ta nopel avuʼune. Sventa xavil kʼuxi la spas jun ermanae, kʼelik li VIDEOE.
Kʼelik Mateo 7:12 xchiʼuk albeik skʼoplal li sjakʼobiltak liʼe:
-
Jech kʼuchaʼal chal li tekstoe, ¿mi skʼan van xavalbe avutsʼ avalal ti mu spasik junuk kʼine?
-
¿Kʼuxi xuʼ xavakʼbe yil avutsʼ avalal ti chatsak ta venta xchiʼuk ti akʼanoj akʼo mi muʼyuk chachiʼin ta spasel junuk kʼine?
6. Li Jeovae tskʼan ti xijmuyubajutike
Li Jeovae tskʼan ti jmojuk kʼusi jpastik xchiʼuk kutsʼ kalaltik xchiʼuk li kamigotaktike. Kʼelik Eklesiastes 8:15 xchiʼuk albeik skʼoplal li sjakʼobil liʼe:
-
Li teksto liʼe, ¿kʼuxi chakʼ kiltik ti tskʼan Jeova ti xijmuyubajuk noʼoxe?
Li Jeovae tskʼan ti xchʼay yoʼontonik jlikeluk li yajtuneltake xchiʼuk ti jmojuk kʼusi spasik xchiʼuk li yantike. Sventa xavil ti jaʼ jech chkʼot ta pasel li ta asamblea internasionaletike, kʼelik li VIDEOE.
Kʼelik Galatas 6:10 xchiʼuk albeik skʼoplal li sjakʼobiltak liʼe:
-
¿Mi persa van skʼan jmalatik junuk kʼin sventa oyuk kʼusi lek jpasbetik li yantike?
-
¿Bu mas xamuyubaj: mi jaʼo kʼalal oy spersail chavakʼ matanal ta junuk kʼine o mi jaʼo kʼalal chlokʼ ta avoʼonton atuke?
-
Ep stestigotak Jeovae oy kʼusitik tspasik bakʼintik xchiʼuk li yalab xnichʼnabike xchiʼuk chakʼbeik yuni moton xtok. Mi oy avalab anichʼnabe, ¿kʼusi xuʼ xapas ta stojolalik?
JUNANTIKE XI CHALIKE: «Mu ventauk kʼusi kʼinal jpastik o xijbat, jaʼ noʼox venta mi ta jchʼay koʼontontik xchiʼuk kutsʼ kalaltik xchiʼuk kamigotaktike».
-
¿Kʼusi chanop voʼote?
¿KʼUSI LA ACHAN?
Li Jeovae tskʼan ti jchʼay koʼontontik xchiʼuk kutsʼ kalaltik xchiʼuk kamigotaktike, pe mu skʼan ti jtikʼ jbatik ta spasel kʼinetik ti muʼyuk lek chile.
Svulesobil ta joltik
-
¿Kʼusi xuʼ jakʼbe jbatik yoʼ jnaʼtik mi lek chil Jeova junuk kʼine?
-
¿Kʼuxi xuʼ xkalbetik smelolal kutsʼ kalaltik xchiʼuk yantik ti kʼu yuʼun muʼyuk ta jpastik junuk kʼine?
-
¿Kʼuxi jnaʼojtik ti tskʼan Jeova ti xijmuyubajuk noʼoxe?
XUʼ TO XAKʼEL LIʼE
Kʼelavil junantik kʼinetik ti muʼyuk tspasik li yajtuneltak Diose.
«¿Kʼu yuʼun muʼyuk tspasik junantik kʼinetik li stestigotak Jeovae?» (Xuʼ te xata ta jw.org)
Kʼelavil chantos kʼusi xuʼ skoltaot sventa xanaʼ kʼu yuʼun muʼyuk lek chil Dios li kumpleanyoe.
«¿Kʼu yuʼun muʼyuk tspasik skʼinal kumpleanyo li stestigotak Jeovae?» (Xuʼ te xata ta jw.org)
Kʼelavil kʼusi la spas jun kerem kʼalal labanat yuʼun xchiʼiltak ta chanun ta skoj ti muʼyuk tspas li Navidade.
Li yajtuneltak Jeovae muʼyuk tspasik li Navidade. ¿Mi jun van yoʼontonik ta skoj li kʼusi kʼotem ta nopel yuʼunike?
«Oy kʼusitik yan lik spasik» (Li Jkʼel-osil ta toyole, xchanobil)
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
