XCHANOBIL 47
¿Mi chapalot xa sventa xavichʼ voʼ?
Ep xa kʼusitik achanoj ta stojolal Jeova ti kʼu xa sjalil achanoj talel li Vivliae. Oy xa van kʼusitik avakʼoj tal ta akuxlejal li kʼusitik achanoj tale. Pe muʼyuk to van avakʼoj aba ta stojolal Jeova xchiʼuk muʼyuk to avichʼoj voʼ ta skoj ti oy kʼusi tsmakot chavaʼie. Li ta xchanobil liʼe, ta jkʼeltik kʼusitik la spasik junantik sventa xichʼik voʼe xchiʼuk ta jkʼeltik kʼusi xuʼ xapas ek.
1. ¿Mi persa skʼan xanaʼ skotol li kʼusi chal Vivlia sventa xavichʼ voʼe?
Sventa xavichʼ voʼe, skʼan xavojtikin «lek li kʼusi melele» (1 Timoteo 2:4). Taje maʼuk me skʼan xal ti xtakʼ xa avuʼun skotol li kʼusitik chavichʼ jakʼbel ta sventa Vivliae. Moʼoj, yuʼun li buchʼutik voʼne xa yichʼojik voʼ eke, oy to kʼusitik skʼan xchanik ek (Kolosenses 1:9, 10). Pe skʼan onoʼox xavaʼibe smelolal li chanubtaseletik chal Vivlia ti tsotsik skʼoplale. Li moletik ta tsobobbaile jaʼ tskʼelik mi xavaʼibe xa smelolal li chanubtaseletik taje.
2. ¿Kʼusitik skʼan xapas sventa xavichʼ voʼ?
Xi chal li Vivliae: «Suteso avoʼontonik xchiʼuk sutanik tal» (kʼelo Echos 3:19). ¿Kʼusi smelolal taje? Jaʼ ti chopoluk tajek xavaʼi aba ta skoj li kʼusitik chopol apasoje xchiʼuk ti xakʼanbe perton li Jeovae. Skʼan jpʼeluk ta avoʼonton ti mu xa xapas li kʼusitik chopol chil Diose. Jech xtok, skʼan xabat ta tsobajeletik xchiʼuk ti xachol mantale.
3. ¿Kʼu yuʼun skʼan mu xaxiʼ?
Junantike chiʼik mi mu xkʼot ta pasel yuʼunik li kʼusi chalbeik ta jamal Jeovae. Pe mu xaxiʼ. Bateltike, oy onoʼox van bu chachʼay jech kʼuchaʼal li yajtuneltak Dios ta voʼnee. Teuk ta ajol ti snaʼoj Jeova ti lum achʼelutik noʼoxe (kʼelo Salmo 103:13, 14). ¡Xmuyubaj avuʼun mi chavakʼ persa spasel li kʼusi leke! Jech xtok, jaʼ tskoltaot ta spasel. Jamal yalojbutik stuk Jeova ti muʼyuk kʼusi «xuʼ xchʼakutik lokʼel li ta kʼanelal [yuʼune]» (kʼelo Romanos 8:38, 39).
JCHANTIK TO BATEL MAS
Ta jkʼeltik batel chaʼtos kʼusi xuʼ skoltaot sventa xavichʼ voʼe. Li baʼyele jaʼ ti xavojtikin lek li Jeovae, li xchibale jaʼ ti xavakʼ akʼo skoltaote.
4. Ojtikino lek li Jeovae
¿Mi persa skʼan xavojtikin xa lek Jeova sventa xavichʼ voʼe? Mu persauk. Pe skʼan onoʼox xavojtikin jutuk sventa xlik akʼan xchiʼuk ti xlokʼuk ta avoʼonton xchʼunbel smantale. Sventa xavakʼ venta kʼuxi la spasik junantik ermanoetik taje, kʼelik li VIDEOE. Mi laje, albeik skʼoplal li sjakʼobil liʼe:
-
Jech kʼuchaʼal laj kiltik ta videoe, ¿kʼusi la spasik junantik sventa xichʼik voʼe?
Kʼelik Romanos 12:2 xchiʼuk albeik skʼoplal li sjakʼobiltak liʼe:
-
¿Mi oy to kʼusi mu xavaʼibe smelolal li kʼusi chal Vivliae? ¿Mi achʼunoj ti melel li kʼusi chakʼik ta chanel li stestigotak Jeovae?
-
¿Kʼusi skʼan xapas mi oy to kʼusi mu xavaʼibe smelolale?
5. Mu me kʼusi xchibajesot
Jkotoltik oy kʼusitik ta jnuptantik kʼalal ta jnop chkakʼ jbatik ta stojolal Jeovae xchiʼuk kʼalal chkichʼtik voʼe. Sventa xavil kʼusi la snuptan jun ermanae, kʼelik li VIDEOE. Mi laje, albeik skʼoplal li sjakʼobiltak liʼe:
-
¿Kʼusitik preva la stsal Narangerel sventa xtun ta stojolal Jeovae?
-
¿Kʼuxi koltaat ti skʼanoj li Jeovae?
Kʼelik Proverbios 29:25 xchiʼuk 2 Timoteo 1:7 xchiʼuk albeik skʼoplal li sjakʼobil liʼe:
-
¿Kʼusitik tskoltautik sventa stsal kuʼuntik li prevaetike?
6. Pato avoʼonton ti tskoltaot li Jeovae
Li Jeovae tskoltaot spasel li kʼusi lek chile. Kʼelik li VIDEOE xchiʼuk albeik skʼoplal li sjakʼobiltak liʼe:
-
¿Kʼu yuʼun mu toʼox skʼan xichʼ voʼ li vinik laj kiltik ta videoe?
-
¿Kʼusi koltaat sventa masuk to spat yoʼonton ta stojolal Jeovae?
Kʼelik Isaias 41:10, 13 xchiʼuk albeik skʼoplal li sjakʼobil liʼe:
-
¿Kʼu yuʼun jpʼel ta avoʼonton ti spas avuʼun li kʼusi chavalbe ta jamal Jeova mi laj avakʼ aba ta stojolale?
7. Tojbo ta vokol Jeova ti skʼanojote
Kʼalal chanopbe skʼoplal ti skʼanojot tajek li Jeovae, mas to chakʼan chatojbe ta vokol xchiʼuk mas to chakʼan chatun ta stojolal ta sbatel osil. Kʼelik Salmo 40:5 xchiʼuk albeik skʼoplal li sjakʼobil liʼe:
-
¿Kʼusitik matanal yakʼojbot Jeova ti mas ep sbalil chavile?
Li profeta o j˗alkʼop Jeremiase skʼanoj tajek li Jeovae xchiʼuk li Skʼope. Jech xtok, jaʼ jun matanal chil ti chtun ta stojolal Jeovae. Xi laj yale: «Li akʼope jaʼ xmuyubaj-o koʼonton xchiʼuk jaʼ xkuxet-o koʼonton, yuʼun kichʼoj abi, Kajval Jeova» (Jeremias 15:16). Takʼo li sjakʼobiltak liʼe:
-
¿Kʼu yuʼun jaʼ jun matanal chavaʼi ti jaʼot stestigo Jeovae?
-
¿Mi chakʼan chavichʼ voʼ sventa xakʼot ta stestigo Jeova?
-
¿Mi oy kʼusi tsmakot yaʼel?
-
¿Kʼusitik xuʼ xapas sventa xavichʼ voʼe?
JUNANTIKE XI CHALIKE: «Mu jkʼan xkichʼ voʼ, yuʼun chixiʼ mi jpas jmul».
-
¿Mi jech chanop ek?
¿KʼUSI LA ACHAN?
Li Jeovae jaʼ tskoltaot sventa stsal avuʼun kʼusiuk noʼox prevail sventa xavichʼ voʼe.
Svulesobil ta joltik
-
¿Mi persa skʼan xanaʼ skotol li kʼusi chal Vivlia sventa xavichʼ voʼe?
-
¿Kʼusitik skʼan xapas sventa xavichʼ voʼe?
-
¿Kʼu yuʼun skʼan mu xaxiʼ?
XUʼ TO XAKʼEL LIʼE
Kʼelavil kʼu yuʼun ti skʼan xavichʼ voʼe.
«¿Mi chapalun xa sventa xkichʼ voʼ?» (Li Jkʼel-osil ta toyole, marso ta 2020)
Kʼelavil kʼusi xuʼ skoltaot mi oy kʼusi tsmakot sventa xavichʼ voʼe.
«¿Kʼusi tsmakun sventa chkichʼ voʼ?» (Li Jkʼel-osil ta toyole, marso ta 2019)
Kʼelavil kʼusi la spas jun vinik sventa stsal komel li kʼusitik chmakat˗o sventa xichʼ voʼe.
Jun vinik ti Ataa sbie mu toʼox skʼan xichʼ voʼ, pe kʼelavil kʼusi tijbat yoʼonton.
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
