XCHANOBIL 5
¿Kʼusi tskʼan Dios ta sventa li balumile?
1. ¿Kʼu yuʼun la spas balumil li Diose?
Ti kʼu yelan la spas balumil li Jeovae jaʼ sventa xijnaki-o. Kʼalal la spas Adan xchiʼuk Evae, maʼuk sventa snojesik ta krixchanoetik li vinajele. Yuʼun li Diose spasoj xa onoʼox anjeletik sventa chnakiik ta vinajel (Job 38:4, 7). Li Jeovae te laj yakʼ li baʼyel vinik ta jun alakʼ sba nichimaltik ti Eden sbie (Jenesis 2:15-17). Jech xtok, albat ti xuʼ ox skʼupin xkuxlejal ta sbatel osil liʼ ta balumil xchiʼuk li xnichʼnabtake. Kʼelo Salmo 37:29, 115:16.
Li nichimaltik Edene maʼuk toʼox ta spʼejel balumil, yuʼun uni jsep noʼox. Li Adan xchiʼuk Evae skʼan xil yalab xnichʼnabik sventa snojesik spʼejel li balumile xchiʼuk ta kʼunkʼun chkʼataj ox yuʼunik ta jun paraiso (Jenesis 1:28). Li balumile jaʼ chkom-o ta snakleb li krixchanoetike, jaʼ yuʼun muʼyuk chichʼ lajesel. Kʼelo Salmo 104:5.
Kʼelo li video ¿Kʼu yuʼun la spas Balumil li Diose?
2. ¿Kʼu yuʼun maʼuk jun paraiso li balumil avie?
Yuʼun li Adan xchiʼuk Evae muʼyuk la xchʼunbeik smantal Dios, jaʼ yuʼun laj yichʼik nutsel lokʼel li ta Edene. Ta skoj taje, chʼay li Paraisoe xchiʼuk muʼyuk buchʼu pasem yuʼun yan velta. Li Vivliae chal ti laj yichʼ akʼbel buchʼutik toj chopol li balumile (Job 9:24). Kʼelo Jenesis 3:23, 24.
Vaʼun chaʼa, ¿mi jaʼ skʼan xal ti muʼyuk xa tspas Jeova li kʼusi oy ta yoʼonton ta stojolal krixchanoetike? Moʼoj, yuʼun li Diose skotol xuʼ yuʼun xchiʼuk chkʼot onoʼox ta pasel li kʼusi tskʼane (Isaias 45:18). Ta jelavele, li Diose ta xakʼ kuxiuk krixchanoetik jech kʼuchaʼal onoʼox tskʼan ta slikebale. Kʼelo Salmo 37:11, 34.
3. ¿Kʼuxi chchaʼta yav li Paraisoe?
Li Jesus ti jaʼ li Ajvalil vaʼanbil yuʼun Diose ta skʼatajes ta paraiso li balumile. Li Jesus xchiʼuk li anjeletike tslajesik skotol li yajkontratak Dios li ta paskʼop ti Armajedon sbie. Vaʼun, ta Apokalipsis 20:1-3; 21:3, 4.
xchuk jmil jabil li Satanas ti jaʼ li chopol anjel la sloʼla Adan xchiʼuk Eva sventa mu xchʼunik mantale. Li yajtuneltak Diose kuxul chkomik li ta paskʼop taje, yuʼun jaʼ chbeiltasatik xchiʼuk chchabiatik yuʼun li Jesuse, vaʼun ta skʼupin xkuxlejalik ta sbatel osil li ta Paraisoe. Kʼelo4. ¿Bakʼin chlaj li vokolile?
¿Bakʼin tslajes choplejal li Diose? Li Jesuse laj yakʼbe «senyail» kʼusi ora chkʼot ta pasel taje. Li kʼusitik yakal chkʼot ta pasel avi ti chakʼbe svokol li krixchanoetike jaʼ senyail ti «poʼot xa xlaj skotol li kʼusitik oy ta balumile». Kʼelo Mateo 24:3, 7-14, 21, 22.
Kʼalal jaʼo yakal ch-ajvalilaj ta jmil jabil ta vinajel li Jesuse, ta kʼunkʼun tslajes li kʼusitik chakʼ vokolile (Isaias 9:6, 7; 11:9). Maʼuk noʼox ajvalil li Jesuse, yuʼun jaʼ mero bankilal pale xtok, jech oxal, jaʼ ta xchʼaybe smul li buchʼutik skʼanojik Diose. Jaʼ yuʼun, li Diose tstunes Jesus sventa chakʼbe slajeb li chamele, li malubele xchiʼuk li lajelale. Kʼelo Isaías 25:8; 33:24.
5. ¿Buchʼutik chkuxiik li ta Paraisoe?
Li ta Salon sventa Tsobobbaile te chavojtikin krixchanoetik ti skʼanojik Diose xchiʼuk ti tskʼan chchanik spasel li kʼusi tskʼan yoʼontone
Li buchʼutik chchʼunbeik smantal Diose chkuxiik ta Paraiso (1 Juan 2:17). Li Jesuse laj yalbe mantal yajchankʼoptak ti akʼo saʼik li krixchanoetik ti oy ta yoʼontonik mantale xchiʼuk ti xchanubtasik kʼuxi xuʼ lek x-ilatik yuʼun li Diose. Li avie, li Jeovae yakal xa chchapan ta smiyonal krixchanoetik sventa xkuxiik li ta Paraisoe (Sofonias 2:3). Li buchʼutik te tstsob sbaik li ta Salon sventa Tsobobbail yuʼun Stestigotak Jeovae chchanik kʼuxi xuʼ xkʼotik ta lekil malalil, ajnilal xchiʼuk ta lekil totil meʼiletik. Koʼol chtunik ta stojolal Dios li totil meʼiletik xchiʼuk yalab xnichʼnabike xchiʼuk chchanik kʼuxi xuʼ stabeik sbalil li lekil achʼ aʼyejetik ta Vivliae. Kʼelo Mikeas 4:1-4.