CHANOB VUN SVENTA J-AL LEKIL AʼYEJETIK YUʼUN AJVALILAL YUʼUN DIOS. Li prekursoretik ti oy ta yoʼonton tskʼan chepajes li yabtelik ta cholmantal xchiʼuk ti tskʼan chbatik li ta chanob vun liʼe, takbilik ta ikʼel ta jun tsobajel ti chichʼ pasel li ta domingo ta mal kʼakʼale. Xuʼ xkʼotik li buchʼutik yichʼojik xa 23 kʼalal to ta 65 jabile. Chichʼ alel ta plataforma li yorail xchiʼuk ti bu chjelave.

DEPARTAMENTO SVENTA BUCHʼUTIK CH-IPAJIK TA ANIL. Li departamento liʼe jaʼ noʼox me sventa MI OY KʼUSI KʼOT TA PASEL TA ANILE.

ICHʼVOʼ. Chichʼ makel li chotlebaletik ta yeloval plataforma sventa li buchʼutik chichʼik voʼe, jaʼ noʼox mi jelel chichʼ alele. Jaʼ yuʼun skʼan xa noʼox te chotolik kʼalal mi lik li mantal ta sob savadoe. Jech xtok, skʼan xichʼik batel stoayaik xchiʼuk skʼuʼik sventa ichʼvoʼ ti lek noʼox sba ta kʼelele.

JCHOLVANEJETIK. Li jcholvanejetike jaʼ sventa xuʼ skoltaikot, jaʼ yuʼun chʼuno li kʼusi chalboxuk ta sventa li bu chichʼ kotanel li karoetike, kʼalal chijxanav ta yut salone, li smakel chotlebaletike xchiʼuk li ta yan kʼusitike.

LI KʼUSITIK CHʼAYEME. Skotol li kʼusitik chʼayeme skʼan xbat yichʼ akʼel li ta Departamento de Objetos Perdidos. Mi oy kʼusi chʼay avuʼune xuʼ te xbat asaʼ li ta departamento taje. Jech xtok, skʼan te xichʼ ikʼel batel li ololetik ti chʼayemike. Jaʼ yuʼun, sventa mu xkil jvokoltike, jaʼ mas lek ti jchabitik li kalab jnichʼnabtike xchiʼuk ti teuk noʼox jsatike.

LI BUCHʼUTIK TSKʼAN CHKOLTAVANIKE. Mi chakʼan chakoltavan ta jtosuk abtelal li ta asambleae, xuʼ xabat li ta Departamento de Información y Servicio Voluntario.

MATANAL TAKʼIN. Ep takʼin chlaj sventa oyuk ep chotlebaletik, ti oyuk lek sonido, video xchiʼuk yan kʼusitik ti chtun sventa jkʼupintik li asambleae xchiʼuk ti xijnopaj mas ta stojolal Jeovae. Kʼalal chavakʼik li matanal takʼine, jaʼ chkoltavan sventa xichʼ tojel li kʼusitik taje xchiʼuk jaʼ jech chijkoltavan ta sventa li abtelal ta spʼejel balumile. Jech oxal, akʼbil kajaetik li ta sjunul salon sventa asambleae. Ta jtojkutik tajek ta vokol li matanal takʼin chavakʼike. Li Jtsop Jbeiltasvaneje tskʼan tstojboxuk ta vokol ti chavakʼik li matanal takʼine, yuʼun jaʼ chkoltavan ta spasel li kʼusitik sventa Ajvalilal yuʼun Diose.

SMAKEL CHOTLEBALETIK. Ta jkʼanbotkutik jun mukʼta vokol, tsako me ta venta li yantike. Vuleso ta ajol ti jaʼ noʼox xuʼ xamakbe xchotleb li buchʼutik jmoj akaroalike, li avutsʼ avalale o li buchʼu chavakʼbe estudioe. Mu me xavikta kʼusitik ta chotlebal mi muʼyuk buchʼu chchoti tee.