Loʼiletik ta Vivlia ti tskoltautike:

• 2Kr 26:​3-5, 16-21. Li ajvalil Usiase lik stoy sba, yuʼun muʼyuk la xchʼunbe smantal Dios xchiʼuk ilin kʼalal tojobtasate. Ta skoj taje akʼbat kastigo yuʼun li Diose, yuʼun ipaj ta lepra.

• Lu 18:​9-14. Li Jesuse laj yal ti kʼu yelan chil Jeova li s-orasion jtoybaetik xchiʼuk li buchʼu bikʼit chakʼ sbaike.

Loʼiletik ta Vivlia ti tskoltautike:

• 2Kr 12:​5-7. Li ajvalil Reoboam xchiʼuk li bankilaletik ta Judae la sbikʼtajes sbaik ta stojolal Jeova, vaʼun muʼyuk xichʼik lajesel.

• 2Kr 32:​24-26. Akʼo mi jaʼ toʼox tspas kʼusitik lekik li ajvalil Esekiase, lik stoy sba. Pe akʼat ta perton yuʼun Jeova ta skoj ti la sbikʼtajes sbae.

Loʼiletik ta Vivlia ti tskoltautike:

• Je 33:​3, 4. Li Jakobe bikʼit laj yakʼ sba, yuʼun chapaj li skʼopik xchiʼuk Esaue akʼo mi kontra toʼox ch-ilat.

• Jue 8:​1-3. Li jchapanvanej Jedeone bikʼit laj yakʼ sba xchiʼuk laj yalbe li viniketik ta Efrain ti jaʼ mas tsots skʼoplalike, vaʼun jaʼ jech lamaj li kʼope.

 Loʼiletik ta Vivlia ti tskoltautike:

• Is 53:7; Flp 2:​7, 8. Jech kʼuchaʼal albil xa onoʼox skʼoplale, li Jesuse bikʼit laj yakʼ sba, yuʼun tal ta balumil xchiʼuk lokʼ ta yoʼonton xakʼ xkuxlejal akʼo mi kʼux xchiʼuk kʼexlal sba ti kʼu yelan laj yichʼ milele.

• Lu 14:​7-11. Li Jesuse laj yal ti oy sbalil kʼalal bikʼit chkakʼ jbatike, yuʼun laj yalbe skʼoplal jun loʼil ti bu skʼan xijchoti kʼalal chijtake ta ikʼel ta junuk veʼele.

• Jn 13:​3-17. Kʼalal la spokbe yakan yajtakboltak li Jesuse, jaʼ jech laj yakʼanbe yil ti skʼan bikʼit xakʼ sbaik eke, yuʼun li abtelal taje jaʼ noʼox tspas li mosoiletike.