Jecheʼ relijion; tsmojin sjol li relijionetike
¿Mi jun noʼox Dios chichʼik ta mukʼ skotol li relijionetike?
¿Mi lek chil Jeova skotol li relijionetik akʼo mi jelel li kʼusitik chakʼik ta chanele?
Mt 7:13, 14; Jn 17:3; Ef 4:4-6
-
Loʼiletik ta Vivlia ti tskoltautike:
-
Jos 24:15. Li Josuee laj yal ti skʼan jtʼujtik mi jaʼ chijtun ta stojolal Jeova o mi ta stojolal yan diosetik.
-
1Re 18:19-40. Li Jeovae la stunes j-alkʼop Elias sventa xal ti mu xichʼ kapel li yichʼel ta mukʼ Jeova xchiʼuk li yichʼel ta mukʼ jecheʼ diosetik jech kʼuchaʼal li Baale.
-
¿Kʼu yelan chil Jeova li sdiostak jyanlumetik xchiʼuk li buchʼutik chichʼik ta mukʼe?
Li buchʼutik chichʼik ta mukʼ Jeova ta alel ti tspasik li kʼusitik likem ta jecheʼ relijione, ¿kʼu yelan chaʼi sba Jeova ta skoj taje?
Is 1:13-15; 1Ko 10:20-22; 2Ko 6:14, 15, 17
-
Loʼiletik ta Vivlia ti tskoltautike:
-
Eks 32:1-10. Li Aarone la xchʼun li kʼusi albat yuʼun j-israeletike, jaʼ yuʼun la spasbe slokʼol jkot chʼiom tot vakax sventa spasbeik la skʼinal li Jeovae; pe ilin tajek li Jeovae.
-
1Re 12:26-30. Li ajvalil Jeroboane mu skʼan ti xbatik ta templo ta Jerusalen li krixchanoetike, jaʼ yuʼun la spas lokʼoletik sventa xichʼik la ta mukʼ li Jeovae; vaʼun jaʼ jech la saʼ smul li jteklume.
-
¿Kʼusi albatik yuʼun Jeova li j-israeletik sventa mu skap sbaik xchiʼuk li buchʼutik chichʼik ta mukʼ jecheʼ diosetike?
¿Kʼusi la spas Jeova kʼalal lik yichʼik ta mukʼ yan diosetik li steklumale?
Jue 10:6, 7; Sl 106:35-40; Jer 44:2, 3
-
Loʼiletik ta Vivlia ti tskoltautike:
-
1Re 11:1-9. Li ajvalil Salomone tijbat yoʼonton yuʼun yajniltak sventa xichʼ ta mukʼ li yan diosetike xchiʼuk jaʼ jech la stijbe yoʼonton li yantik eke, vaʼun kap sjol yuʼunik li Jeovae.
-
Sl 78:40, 41, 55-62. Ta skoj ti la stoy sbaik xchiʼuk laj yichʼik ta mukʼ jecheʼ diosetik li j-israeletike, li Asafe laj yal ti chopol laj yaʼi sba li Jeovae, jaʼ yuʼun pʼajatik li j-israeletike.
-
¿Kʼu yelan laj yil Jesus li kʼusi chakʼik ta chanel li jecheʼ relijionetik ti maʼuk jech chal li ta Skʼop Diose?
-
Loʼiletik ta Vivlia ti tskoltautike:
-
Mt 16:6, 12. Li Jesuse laj yal ti xkoʼolaj ta levadura li kʼusi chakʼik ta chanel li jfariseoetik xchiʼuk jsaduseoetike, yuʼun ta anil chpuk batel li kʼusi chalike xchiʼuk tsokesik li kʼusi chal ta Skʼop Diose.
-
Mt 23:5-7, 23-33. Li Jesuse laj yal ta jamal ti jaʼ noʼox jloʼlavanejetik xchiʼuk jecheʼ kʼusi chakʼik ta chanel li jchanubtasvanejetik ta mantal xchiʼuk li jfariseoetike.
-
Mr 7:5-9. Li Jesuse laj yal ta jamal ti mu lekuk kʼusi chakʼik ta chanel li jchanubtasvanejetik ta mantale xchiʼuk li jfariseoetike, yuʼun jaʼ mas tsots skʼoplal chaʼiik li kʼusi nopem xaʼiik spasele maʼuk li kʼusi chal ta Skʼop Diose.
-
¿Mi oy ta yoʼonton Jesus ti xchʼak sba li yajtsʼaklomtak sventa slikesik yan relijionetike?
-
Loʼiletik ta Vivlia ti tskoltautike:
-
Jn 15:4, 5. Li Jesuse laj yalbe skʼoplal steʼel uva sventa xalbe yajchankʼoptak ti skʼan teuk oyikuk-o ta stojolale xchiʼuk ti skʼan jechuk-o tsobolikuke.
-
Jn 17:1, 6, 11, 20-23. Kʼalal jun xa ox akʼobal skʼan xcham li Jesuse, la skʼanbe vokol Jeova ti mu xchʼak sbaik li yajchankʼoptake.
-
¿Mi jmoj kʼusi xchʼunojik xchiʼuk mi jmoj kʼu yelan chichʼik ta mukʼ Jeova li stsobobbail yajtsʼaklomtak Kristo ta baʼyel sigloe?
-
Loʼiletik ta Vivlia ti tskoltautike:
-
Ech 11:20-23, 25, 26. Li tsobobbailetik ta Antiokia xchiʼuk ta Jerusalene jmoj tsobol tskolta sbaik.
-
Ro 15:25, 26; 2Ko 8:1-7. Li tsobobbailetik ta baʼyel sigloe ta sjunul yoʼonton la skolta sbaik kʼalal chtun yuʼunik koltaele, vaʼun jaʼ jech laj yakʼik ta ilel ti jmoj tsobol oyik ta skoj ti skʼanoj sbaike.
-
¿Mi lek chil skotol relijionetik li Dios ti chalik ti xchʼunojik Kristoe?
¿Mi lek chil Dios ti kʼu yelan ch-ichʼat ta mukʼ yuʼun li buchʼutik mu jechuk tspasik li kʼusi laj yakʼ ta chanel Jesus xchiʼuk yajtakboltake?
-
Loʼiletik ta Vivlia ti tskoltautike:
-
Mt 13:24-30, 36-43. Li Jesuse laj yal ti ch-epaj li jecheʼ jchʼunolajeletik ti xkoʼolajik ta chopol tsʼiʼlele xchiʼuk ti te tstikʼ sbaik ochel li ta stsobobbail yajtsʼaklomtak Kristoe.
-
1Jn 2:18, 19. Kʼalal oy xa ox sjabilal li jtakbol Juane, laj yal ti ep xa ox tajek yajkontra Kristo li ta slajebaltik baʼyel sigloe.
-
¿Kʼusi chkʼot ta pasel ta tsobobbail mi te noʼox kʼelbil li buchʼutik chakʼik ta chanel jecheʼ chanubtaseletik xchiʼuk li buchʼutik mu lekuk stalelalike?
¿Kʼusi skʼan spasik li yajtsʼaklomtak Kristo sventa tsobolikuk noʼox oyike?
¿Kʼu yuʼun mu lekuk ti stikʼ sbaik ta jecheʼ relijion li yajtsʼaklomtak Kristoe?
¿Kʼu yuʼun lek ti xkalbetik krixchanoetik li kʼusitik mu meleluk chakʼik ta chanel li jecheʼ relijionetike?
¿Kʼu yuʼun mu labaluk chkaʼitik ti tskontrainutik li jecheʼ relijionetik ta skoj ti chkichʼtik ta mukʼ Jeovae?
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Mi oy kʼusi koʼol tspasik xchiʼuk yan relijionetik li stestigotak Jeovae?
¿Kʼusi chal Vivlia ta sventa taje?
KʼUSITIK TSJAKʼIK TA SVENTA VIVLIA
¿Mi tsnopajesutik ta stojolal Dios skotol li relijionetike?
Li ta Vivliae chalbutik chaʼtos ichʼel ta mukʼ ti jaʼ tskoltautik ta stakʼel li sjakʼobil liʼe.
Xchanobiltak ti xuʼ jtatik ta Vivliae
La xchʼak sba li ajvalilale
Epal j-israeletik laj yiktaik ta yichʼel ta mukʼ li Jeovae.
