Loʼiletik ta Vivlia ti tskoltautike:

• Lu 9:​46-48. Li Jesuse la stukʼibtas li yajtakboltake, yuʼun laj yil li kʼusi oy ta yoʼontonike: ti tskʼan tsots skʼoplalike.

Loʼiletik ta Vivlia ti tskoltautike:

• Je 6:​5-7. Ta skoj ti chopol kʼusi oy ta yoʼontonik li krixchanoetike, epaj li choplejale. Jaʼ yuʼun, li Diose laj yakʼ taluk nojelal ta voʼ ta spʼejel balumil.

• 1Re 11:​1-10. Ta skoj ti muʼyuk la xchabi yoʼonton li Salomone, laj yikʼ jyanlum antsetik ti jaʼ tijbat yoʼonton sventa xichʼ ta mukʼ yan diosetike.

• Mr 7:​18-23. Li Jesuse laj yal ti jaʼ te chlik talel ta koʼontontik li kʼusi chopole xchiʼuk ti jaʼ tstij koʼontontik spasel li kʼusi chopol chil Diose.

Loʼiletik ta Vivlia ti tskoltautike:

• Ef 6:​14-18; 1Te 5:8. Kʼalal laj yalbe skʼoplal kabtejebtik ta mantal li jtakbol Pabloe, te laj yal ti jaʼ chchabi koʼontontik ta mantal li tukʼilale, li xchʼunel oʼontonale xchiʼuk li kʼanelale, taje xkoʼolaj ti ta jlaptik li smak koʼontontike.

Loʼiletik ta Vivlia ti tskoltautike:

• 2Kr 25:​1, 2, 17-27. Li ajvalil Amasiase laj toʼox spas li kʼusi lek chil Jeovae, pe mu ta sjunuluk yoʼonton la spas; yuʼun ta tsʼakale la stoy sba, muʼyuk la xchʼunbe smantal Jeova, vaʼun laj yil-o svokol.

• Mt 7:​17-20. Li Jesuse jamal laj yal ti kʼalal muʼyuk lek kʼusi oy ta koʼontontike, jaʼ ta jpastik li kʼusi chopole, jech kʼuchaʼal jpets teʼ ti chopol chakʼ sate.

Loʼiletik ta Vivlia ti tskoltautike:

• 2Re 20:​1-6. Li ajvalil Esekiase ta sjunul yoʼonton tun ta stojolal Jeova, jaʼ yuʼun kʼalal tsots ipaje, la skʼanbe koltael li Jeovae.

• Mt 21:​28-32. Li Jesuse laj yal ti jaʼ te chvinaj kʼusi oy ta yoʼonton jun krixchano ta skoj li kʼusi tspase, maʼuk li kʼusi chlokʼ ta ye tspase.

 Loʼiletik ta Vivlia ti tskoltautike:

• 1Sa 16:​1-13. Li j-alkʼop Samuele laj yaʼibe smelolal ti maʼuk tskʼel jpat jxokontik li Jeovae, yuʼun jaʼ tskʼel li kʼusi oy ta koʼontontike.

• 2Kr 6:​28-31. Li kʼusi laj yal ta s-orasion li ajvalil Salomon kʼalal laj yakʼbe ta skʼob Jeova li temploe, chakʼ kiltik ti xil kʼusi oy ta koʼontontik li Jeovae xchiʼuk jaʼ tstsak ta venta yoʼ skoltautik.