Loʼiletik ta Vivlia ti tskoltautike:

• Je 24:1-4, 7. Li Abraan ti oy xa sjabilale oy ta yoʼonton ti sabe lek yajnil li xnichʼone xchiʼuk ti jaʼuk yajtunel Jeovae; mu skʼan ti xnupun xchiʼuk li jkanaan tseb ti chichʼik ta mukʼ yan diosetike.

• Je 28:1-4. Li Isaake laj yalbe Jakob ti mu xnupun xchiʼuk junuk jkanaan tsebe, ti jaʼuk xikʼ li buchʼu chtun ta stojolal Jeovae.

Loʼiletik ta Vivlia ti tskoltautike:

• 1Re 11:1-6, 9-11. Li Jeovae kap sjol ta stojolal li ajvalil Salomone, yuʼun muʼyuk la xchʼun li pʼijubtasele xchiʼuk laj yikʼ li jyanlum antsetike, vaʼun jaʼ tijbat yoʼonton sventa xichʼ ta mukʼ yan diosetik.

• Ne 13:23-27. Jech kʼuchaʼal li Jeovae, li ajvalil Neemias ilin ta stojolal li jtoybaetik ti laj yikʼik li jyanlum antsetik ti muʼyuk chichʼik ta mukʼ Diose, jaʼ yuʼun tsots laj yakʼanbe mantal.

Loʼiletik ta Vivlia ti tskoltautike:

• 1Sa 25:2, 3, 14-17. Akʼo mi jkʼulej li Nabal ti jaʼ smalal li Abigaile, maʼuk lekil malalil, yuʼun toj chopol yoʼonton.

• Pr 21:9. Mi muʼyuk lek ta jtʼujtik buchʼu chijnupun xchiʼuke, muʼyuk xijmuyubajutik xchiʼuk ep ta jta jvokoltik yuʼun.

• Ro 7:2. Li jtakbol Pabloe laj yal ti kʼalal chnupun li jun antse, oy onoʼox me bu tspasat ta mantal yuʼun li smalal ti jaʼ jmulavil krixchanoe; jaʼ yuʼun li jun pʼijil antse skʼan snop lek baʼyuk li buchʼu chnupun xchiʼuke.

Loʼiletik ta Vivlia ti tskoltautike:

• Pr 24:27. Kʼalal skʼan to xnupun xchiʼuk ti xil xnichʼnab li jun vinike, skʼan xakʼ ta ilel ti baxbol ta abtele xchiʼuk ti xkʼel xa yuʼun li yutsʼ yalale.

Loʼiletik ta Vivlia ti tskoltautike:

• Rut 2:4-7, 10-12. Li Boase laj yil ti baxbol ta abtel li Rute, laj yaʼi li kʼusi chalik ta stojolale, la skʼel ti kʼu yelan oy ta mantale xchiʼuk ti kʼu yelan chichʼ ta mukʼ li yutsʼ yalale.

• Rut 2:8, 9, 20. Li Rute laj yakʼ venta ti toj lek yoʼonton li Boase, ti lek xtʼolpʼije xchiʼuk ti skʼanoj Jeovae.

Loʼiletik ta Vivlia ti tskoltautike:

• Pr 5:18, 19. Li buchʼutik nupunemike oy kʼusitik xuʼ spasik ti chakʼbe sbaik ta ilel ti skʼanoj sbaike, pe jaʼ noʼox xuʼ jech spasik li buchʼutik nupunemike.

• Kan 1:2; 2:6. Kʼalal snovio sbaik li jchabichij xchiʼuk li jsulem tsebe, laj yakʼbe sbaik ta ilel kʼanelal ti ta smelolal noʼoxe xchiʼuk muʼyuk kʼusi chopol la spasik.

• Kan 4:12; 8:8-10. Li jsulem tsebe lek laj yakʼ ta ilel stalelal xchiʼuk ti snaʼ spajtsan sbae; li Vivliae chal ti xkoʼolaj ta nichimaltik ti lek joybile.

Loʼiletik ta Vivlia ti tskoltautike:

• Je 21:8-12. Li Jeovae laj yalbe Abraan ti akʼo xchikintabe kʼusi chal li yajnil ti Sara sbie akʼo mi mu lekuk chaʼi li kʼusi ch-albate.

• Pr 31:10, 11, 16, 28. Li pʼijil vinike muʼyuk chalbe yajnil kʼusi skʼan spas xchiʼuk li kʼusi mu stakʼ spase xchiʼuk maʼuk te sat li kʼusi muʼyuk lek chbat ta pasel yuʼune, yuʼun tskʼupil kʼopta li yajnile xchiʼuk tspat yoʼonton ta stojolal.

• Ef 5:33. Li kʼusi la stsʼiba li jtakbol Pabloe te chakʼ ta ilel ti skʼan akʼo xalbe yajnilik li malaliletik ti skʼanojike.

Loʼiletik ta Vivlia ti tskoltautike:

• Pr 1:8; 1Ko 7:4. Li Diose oy kʼusi yakʼojbe sbainik spasel li ajnilaletik xchiʼuk meʼiletik ta yutsʼ yalalike.

• 1Ko 11:3. Li jtakbol Pabloe laj yal ti oy onoʼox buchʼu tspasutik ta mantal jkotoltike, jaʼ xa noʼox muʼyuk buchʼu tspasat ta mantal li Buchʼu skotol xuʼ yuʼune.

• Ebr 13:7, 17. Skotol li viniketik xchiʼuk antsetike skʼan onoʼox xchʼunbeik smantal li buchʼutik tsbeiltasik tsobobbaile.

Loʼiletik ta Vivlia ti tskoltautike:

• Je 18:12; 1Pe 3:5, 6. Li Sarae «kajval» xut li Abraane, taje chakʼ ta ilel ti yichʼoj lek ta mukʼ li smalale.

 Loʼiletik ta Vivlia ti tskoltautike:

• Je 24:62-67. Li Rebekae la spatbe yoʼonton Isaak kʼalal cham li smeʼe.

• 1Sa 25:14-24, 32-38. Li Abigaile bikʼit laj yakʼ sba kʼalal ay skʼopon li Davide, yuʼun li smalale toj bol. Ti jech la spas li Abigaile muʼyuk xlaj ta milel li buchʼutik te ta snae.

• Est 4:6-17; 5:1-8; 7:1-6; 8:3-6. Li Estere chib velta laj yakʼ ta vokol xkuxlejal sventa spoj li steklumal Diose, yuʼun bat xchiʼin ta loʼil smalal akʼo mi muʼyuk xtae ta ikʼel.