Takʼin
¿K’u yuʼun toj xibal sba mi jaʼ bat ta koʼontontik li takʼine?
Kʼelo «Saʼel kʼulejal».
¿Kʼuxi jnaʼojtik ti oy ta yoʼonton Dios ti x-abtej li yajtuneltak sventa smakʼlin li yutsʼ yalalike?
Ekl 7:12; 10:19; Ef 4:28; 2Te 3:10; 1Ti 5:8, 18
-
Loʼiletik ta Vivlia ti tskoltautike:
-
Je 31:38-42. Li Jeovae laj yakʼbe bendision Jakob ta skoj ti tsots abtej sventa xakʼbe li kʼusi chtun yuʼun li yutsʼ yalale. Pe li Laban ti jaʼ yajval yabtel li Jakobe xchiʼuk ti jaʼ smolniʼe ep ta velta loʼlaat.
-
Lu 19:12, 13, 15-23. Li loʼil laj yalbe skʼoplal Jesuse chakʼ ta ilel ti nopem xaʼiik li krixchanoetik ti oy bu tstikʼ stakʼinik sventa spasik mas kanale.
-
¿Kʼusi beiltaseletik ta Vivlia tskoltautik snopel mi chkakʼtik ta chʼom o ta jchʼamuntik takʼine?
¿Kʼu yuʼun mu lekuk ti ta jech noʼox ta jtikʼ jbatik ta ilile?
-
Loʼiletik ta Vivlia ti tskoltautike:
-
Ne 5:2-8. Li j-israeletik ta skʼakʼalil Neemiase muʼyuk chakʼbeik ta ilel slekil yoʼontonik li buchʼutik yakʼojbeik ta chʼom stakʼinike.
-
Mt 18:23-25. Li lokʼolkʼop laj yal Jesuse chakʼ ta ilel ti xuʼ van xichʼ-o kastigo li buchʼu mu stoj yile.
-
¿Kʼusi skʼan jpastik kʼalal skʼan toʼox jtikʼ jbatik ta junuk pʼolmajel (negocio) xchiʼuk junuk krixchano, junuk ermano o junuk kutsʼ kalaltike?
-
Loʼiletik ta Vivlia ti tskoltautike:
-
Je 23:14-20. Kʼalal la sman jsep osil ti oy xchʼenal sventa te smuk Sara li Abraane, la saʼ stestigotak sventa mu kʼusi xkʼot ta pasel ta tsʼakal.
-
Jer 32:9-12. Li j-alkʼop Jeremiase la smanbe yosil sprimo, vaʼun la spasbe lek svunal, la spasbe skopiail xchiʼuk te la stoj ta yeloval testigoetik.
-
¿Kʼu yuʼun skʼan jkʼeltik lek ti kʼuxi ta jtunes li jtakʼintike?
¿Kʼu yuʼun skʼan jkʼel jbatik ti mu jlikestik-o kʼop xchiʼuk li ermanoetik ta skoj li takʼine?
¿Kʼuxi xuʼ jtunestik lek li takʼin sventa xijmuyubaj noʼoxe?
