Totil meʼiletik
¿Kʼusitik srasonal yuʼun Jeova ti laj yakʼbe slikeb li nupunele?
¿K’u yelan skʼan stsakik ta venta yalab xnichʼnabik li totil meʼiletike?
Kʼelo xtok «Ololetik; chex kerem tsebetik».
-
Loʼiletik ta Vivlia ti tskoltautike:
-
Je 33:4, 5. Li Jakobe jaʼ sbendision Jeova laj yil ti akʼbat xnichʼnabtake.
-
Eks 1:15, 16, 22; 2:1-4; 6:20. Li Amram xchiʼuk Jokebede laj yakʼ ta vokol xkuxlejalik sventa xchabi li yuni keremik ti jaʼ li Moisese.
-
Li totil meʼiletike, ¿kʼusi skʼan spas ta stojolal li yalab xnichʼnabike?
Dt 6:6, 7; 11:18, 19; Pr 22:6; 2Ko 12:14; 1Ti 5:8
-
Loʼiletik ta Vivlia ti tskoltautike:
-
1Sa 1:1-4. Li Elkanae nopem xaʼi chikʼ batel yutsʼ yalal ta Silo sventa xbatik li ta kʼine xchiʼuk chakʼ persa ti xikʼ batel xnichʼnabtak sventa jmojuk xichʼik ta mukʼ li Jeovae.
-
Lu 2:39, 41. Li Jose xchiʼuk Maria ti te nakalik ta Nasarete nopem xaʼi chbat xchiʼuk yalab xnichʼnabik ta Jerusalen sventa spasik li Kʼin Koltaele.
-
¿Kʼu yuʼun lek ti xichʼ chanubtasel li alab nichʼnabiletik sventa xchʼunbeik smantal Jeovae?
Kʼelo xtok 2Ti 3:14, 15.
-
Loʼiletik ta Vivlia ti tskoltautike:
-
1Sa 2:18-21, 26; 3:19. Li Samuele ay iktaatuk yuʼun stot smeʼ ta axibalna sventa te xlik tunuk, jech-o chvulaʼanat yuʼun stot smeʼ xchiʼuk ch-akʼbat li kʼusitik chtun yuʼune. Vaʼun, li Samuele la skʼan tajek Jeova xchiʼuk tukʼ-o tun ta stojolal.
-
Lu 2:51, 52. Li Jesuse jech-o la xchʼunbe smantal stot smeʼ akʼo mi maʼuk tukʼil krixchanoetik.
-
¿Bu xuʼ staik lekil tojobtasel li totil meʼiletik sventa stsʼites li yalab xnichʼnabike?
Dt 6:4-9; Ef 6:4; 2Ti 3:14-17
-
Loʼiletik ta Vivlia ti tskoltautike:
-
Jue 13:2-8. Kʼalal laj yaʼi Manoa ti chchiʼin yol li yajnile, laj to sjakʼbe Dios ti kʼu yelan skʼan stsʼites li skeremike.
-
Sl 78:3-8. Li Jeovae tskʼan ti akʼo xakʼbe xchan yalab xnichʼnabik li kʼusitik xchanojik xa tal ta Vivlia li totil meʼiletike.
-
¿Kʼu yuʼun xuʼ van xnamaj ta stojolal Dios li jun kerem o tseb ti ta slumal xa onoʼox Jeova chʼiik tale?
-
Loʼiletik ta Vivlia ti tskoltautike:
-
Je 6:1-5; Jud 6. Akʼo mi ta sienal xa noʼox jabil kuxiik xchiʼuk Jeova li anjeletike, oy junantike lik stoy sbaik ta stojolal.
-
1Sa 8:1-3. Li j-alkʼop Samuele tukʼ kʼusitik tspas xchiʼuk tukʼ chtun ta stojolal Jeova. Akʼo mi jech, li xnichʼnabtake chloʼlavanik sventa spasik kanal takʼin xchiʼuk mu jamaluk chkʼopojik.
-
Li totil meʼiletike, ¿bakʼin xuʼ xchanubtasik ta smantal Dios li yalab xnichʼnabike?
-
Loʼiletik ta Vivlia ti tskoltautike:
-
Dt 29:10-12, 29; 31:12; Esd 10:1. Kʼalal tstsob sbaik li j-israeletik sventa xchanbeik smantal Jeovae, chikʼ batel li yalab xnichʼnabik sventa oyuk kʼusi xchanik eke.
-
Lu 2:41-52. Li Jose xchiʼuk Mariae nopem xaʼiik chikʼik batel li Jesus xchiʼuk li yan yalab xnichʼnabik sventa xbat spasik li Kʼin Koltael li ta templo ta Jerusalene.
-
Li totil meʼiletike, ¿buchʼu skʼan xchanbeik stalelal sventa snaʼ kʼuxi xuʼ xchabiik li yalab xnichʼnabike?
-
Loʼiletik ta Vivlia ti tskoltautike:
-
Eks 19:4; Dt 32:11, 12. Li Jeovae la skoʼoltas sba ta jkot aguila ti chkuch batel ta xikʼ li yalabtak sventa skʼel xchiʼuk xchabie.
-
Is 49:15. Li Jeovae jamal chal ti tskʼel xchiʼuk chchabi ta xkʼuxul yoʼonton li yajtuneltake, mas to jech tspas kʼuchaʼal jun meʼil ti kʼux ta yoʼonton li yuni neneʼe.
-
Mt 2:1-16. Kʼalal neneʼ toʼox li Jesuse, tskʼan ox chmilat yuʼun li Satanase, yuʼun la sbeiltas batel jkʼelkʼanaletik yoʼ xbat skʼelik li chopol ajvalil Erodese. Pe li Jeovae la xchabi xchiʼuk laj yalbe Jose ti akʼo yikʼ batel ta Ejipto li yutsʼ yalale.
-
Mt 23:37. Li Jesuse la skoʼoltas kʼuchaʼal jkot meʼ alakʼ ti chchabi yalab ti kʼu yelan oy ox ta yoʼonton tskolta steklumal li Diose.
-
Li totil meʼiletike, ¿kʼu yuʼun skʼan xalbeik yalab xnichʼnabik ta sventa li chiʼinejbail ta vayele?
-
Loʼiletik ta Vivlia ti tskoltautike:
-
Le 15:2, 3, 16, 18, 19; Dt 31:10-13. Li ta Smantal Moisese jamal chalbe skʼoplal ta sventa li chiʼinejbail ta vayele xchiʼuk laj yal mantal Jeova ti teuk oyikuk ek li ololetik kʼalal jaʼo chalbeik skʼoplal ta yeloval krixchanoetike.
-
Sl 139:13-16. Li ta slivroal Salmose, li Davide la skʼupil kʼopta Jeova ti kʼu yelan labal sba spasoj li jbekʼtaltike xchiʼuk ti xuʼ xkil kalab jnichʼnabtike.
-
Pr 2:10-15. Li Jeovae chakʼ jpʼijiltik sventa jchabi jbatik li ta spetsʼtak chopol krixchanoetike.
-
¿Kʼu yuʼun skʼan ta kʼanelaluk xichʼik tukʼibtasel li alab nichʼnabiletike?
Pr 13:24; 29:17; Jer 30:11; Ef 6:4
Kʼelo xtok Sl 25:8; 145:9; Kol 3:21.
-
Loʼiletik ta Vivlia ti tskoltautike:
-
Sl 32:1-5. Li Ajvalil Davide kʼux laj yaʼi ti tukʼibtasat yuʼun Jeovae, pe patbat yoʼonton ti laj yaʼi ti chakʼ ta perton li buchʼutik tsutes yoʼontonik ta melele.
-
Jon 4:1-11. Akʼo mi kap sjol ta stojolal Jeova li j-alkʼop Jonase xchiʼuk ti muʼyuk la stsak ta ventae, ta slekil yoʼonton takʼav li Jeovae xchiʼuk akʼbat xchan ti akʼo xakʼ ta ilel xkʼuxul yoʼontone.
-
¿Kʼu yuʼun jaʼ svinajeb ti kʼanbilutik kʼalal chkichʼtik tukʼibtasele?
Xuʼ van chakʼupin skʼelel xtok liʼe
¡VIK'ILUK ME JSATIK!
Utsʼ alaliletik ti xmuyubajike: Vinajuk ta atalelal
Totil meʼiletik, mi chakʼanik chchʼunik amantal li avalab anichʼnabike, skʼan xavakʼik ta ilel ta atalelalik.
LI JKʼEL˗OSIL TA TOYOLE
Kʼalal chil yalab xnichʼnabik xchiʼuk ti kʼuyelan chil sbaik li jun nupultsʼakale
LI JKʼEL˗OSIL TA TOYOLE
¿Kʼusi skʼan xapas sventa xakʼot ta lekil totil o lekil meʼile?
¿Kʼuxi xuʼ xakolta avalab anichʼnab sventa lek xbat xkuxlejalike?
LI JKʼEL˗OSIL TA TOYOLE (SVENTA CHICHʼ CHANEL)
