Loʼiletik ta Vivlia ti tskoltautike:

• 1Re 19:​1-18. Kʼalal laj yichʼ kontrainel li j-alkʼop Eliase, laj yalbe Jeova ti kʼu yelan chaʼi sbae, vaʼun patbat yoʼonton.

• Ech 7:​9-15. Kʼalaluk laj yichʼ kontrainel yuʼun sbankiltak li Josee, koltaat yuʼun Jeova, muʼyuk x-iktaat, pojat xchiʼuk tunesat sventa skolta li yutsʼ yalale.

Loʼiletik ta Vivlia ti tskoltautike:

• 2Re 18:​17-35. Li Rabsake ti jaʼ yajkʼopojel li ajvalil ta Asiriae la xchopol kʼopta li Jeovae xchiʼuk la slaban li jnaklejetik ta Jerusalene.

• Lu 22:​63-65; 23:​35-37. Li Jesuse chopol kʼoptaat yuʼun li yajkontratake xchiʼuk kʼexlaltasat kʼalal jaʼo chukule xchiʼuk kʼalal jaʼo te jokʼol ta jtel teʼe.

Loʼiletik ta Vivlia ti tskoltautike:

• Ech 7:57–8:1. Kʼalal jutuk xa ox skʼan xichʼ milel yuʼun epal krixchanoetik li jchankʼop Estebane, la skʼanbe vokol Dios ti akʼo yakʼbe ta ilel xkʼuxul yoʼonton li buchʼutik chkontrainvanike ti te skʼoplal li Saulo ta Tarsoe.

• Ech 16:​22-34. Akʼo mi laj yichʼ majel xchiʼuk laj yichʼ latsʼbel yakan ta latsʼob teʼ li jtakbol Pabloe, ta slekil yoʼonton la skʼopon li jchabichukinabe, vaʼun pasik ta jchʼunolajel xchiʼuk yutsʼ yalal.

Loʼiletik ta Vivlia ti tskoltautike:

• 2Kr 32:​1-22. Li ajvalil Esekiase la spat yoʼonton ta stojolal Jeova xchiʼuk la stsatsubtasbe yoʼonton li jteklum kʼalal tsakatik ta kʼop yuʼun li ajvalil Senakeribe, vaʼun lek kʼusi kʼot ta pasel.

• Ebr 12:​1-3. Li Jesuse kʼexlaltasat yuʼun li yajkontratake, pe muʼyuk bu xchibaj-o.

 Loʼiletik ta Vivlia ti tskoltautike:

• Job 1:​6-22; 2:​1-10. Li Jobe muʼyuk la skontrain Jeova ta skoj li svokoltake akʼo mi mu toʼox snaʼ ti jaʼ ch-akʼbat svokol yuʼun li Satanase. Yuʼun tukʼ-o laj yakʼ sba ta stojolal Jeova, la smuyubta-o xchiʼuk laj yakʼ ta ilel ti jaʼ jun jutkʼop li Satanase.

• Da 1:​6, 7; 3:​8-30. Li Ananias, Misael xchiʼuk Asariase (Sadrak, Mesak xchiʼuk Abednego) tukʼ laj yakʼ sbaik xchiʼuk la xchʼunbeik-o smantal Jeova akʼo mi chichʼik xa ox milel. Ti jech la spasike, li ajvalil Nabukodonosore la skʼupil kʼopta-o Jeova ta yeloval krixchanoetik.

Loʼiletik ta Vivlia ti tskoltautike:

• Ech 11:​19-21. Li baʼyel yajtsʼaklomtak Kristoe la spuk sbaik batel kʼalal laj yichʼik kontrainele, vaʼun puk batel ta epal lumetik li lekil aʼyejetike.

• Flp 1:​12, 13. Kʼalal laj yaʼi jtakbol Pablo ti puk xa batel li lekil aʼyejetike, muyubaj-o tajek akʼo mi te tikʼil ta chukel.

Loʼiletik ta Vivlia ti tskoltautike:

• Ech 19:​24-29. Junantik krixchanoetik ta Efeso ti tspasbeik slokʼol santoetike la skontrainik li yajtsʼaklomtak Kristo ti tspukbeik batel skʼoplal li lekil aʼyeje, yuʼun la snopik ti muʼyuk xa chchʼam li santoetik tspasike.

• Gal 1:​13, 14. Kʼalal skʼan toʼox xkʼot ta yajtsʼaklom Kristo li Pabloe (Saulo), laj toʼox spakbe skʼoplal li kʼusi xchʼunoj judaetike, jaʼ yuʼun la skontrain toʼox li yajtsʼaklomtak Kristoe.