Loʼiletik ta Vivlia ti tskoltautike:

• Job 42:​1, 2, 6-10; Snt 5:11. Li Jeovae laj yakʼbe ta ilel xkʼuxul yoʼonton li Jobe xchiʼuk laj yakʼbe ta ilel ti skʼan jechuk spas eke.

• Lu 15:​11-32. Sventa xakʼ ta ilel kʼu yelan xkʼuxul yoʼonton li Jeovae, li Jesuse laj yalbe skʼoplal jun totil ti chakʼbe ta ilel xkʼuxul yoʼonton skerem ti la sutes yoʼontone.

Loʼiletik ta Vivlia ti tskoltautike:

• Sl 51:​1-4. Kʼalal la saʼ smul li ajvalil Davide, chopol tajek laj yaʼi sba. Jaʼ yuʼun, la skʼanbe vokol Jeova ti xkʼuxubinate xchiʼuk ti x-akʼat ta pertone.

• Lu 18:​9-14. Li Jesuse laj yal jun loʼil ti chakʼ ta ilel ti ch-akʼbatik ta ilel xkʼuxul yoʼonton Jeova li buchʼutik bikʼit chakʼ sbaike xchiʼuk ti snaʼojik ti oy kʼusitik muʼyuk lek chbat ta pasel yuʼunike.

Loʼiletik ta Vivlia ti tskoltautike:

• 2Kr 33:​9-13, 15. Akʼo mi chopol toʼox tajek li ajvalil Manasese, la sutes yoʼonton xchiʼuk la skʼanbe vokol Jeova ti akʼo x-akʼbat ta ilel xkʼuxul yoʼontone, vaʼun och ta ajvalil yan velta xchiʼuk laj yakʼ ta ilel ta stalelal ti jelem xae.

• Jon 3:​4-10. Akʼo mi chopol tajek stalelal li jniniveetik xchiʼuk ti chmilvanike, la sutes yoʼontonik, vaʼun akʼbatik ta ilel yuʼun Dios li xkʼuxul yoʼontone.

Loʼiletik ta Vivlia ti tskoltautike:

• Mt 18:​23-35. Li Jesuse laj yakʼ kiltik ti muʼyuk chakʼbutik ta ilel xkʼuxul yoʼonton Jeova mi muʼyuk chkakʼtik ta ilel xkʼuxul koʼontontike.

• Lu 10:​29-37. Li Jeova xchiʼuk Jesuse jaʼ lek chilik li buchʼutik chakʼ ta ilel xkʼuxul yoʼontonike, pe muʼyuk lek chilik li buchʼutik muʼyuk xkʼuxul yoʼontonike. Taje, jaʼ jech laj yakʼ ta ilel Jesus kʼalal laj yalbe skʼoplal li jun lekil jsamaria vinike.