Jlivro ti chal loʼiletik ta Vivliae
Li 116 loʼiletike te lokʼem ta Vivlia. Lek tukʼ ta aʼibel smelolal xchiʼuk yichʼoj kʼupilik sba lokʼoletik.
Slikeb loʼil
Li loʼiletike te lokʼem tal ta Vivlia ti stuk noʼox jeche, chalbe skʼoplal kʼuxi la spas talel skotol kʼusitik li Diose ti jaʼ sventa li krixchanoetike.
LOʼIL 1
Lik spas kʼusitik ti Diose
Li sloʼilal Génesise chal li kʼusitik yich pasele, kʼun ta aʼibel smelol xchiʼuk kʼupil sba
LOʼIL 2
Jun alakʼ sba nichimaltik
Jech kʼuchaʼal chal li ta Génesise, li Diose tskʼan ox ta yoʼonton ti jechuk sbatel osil jech kʼu chaʼal li kʼupil sba Edene
LOʼIL 3
Li baʼyel vinik xchiʼuk li baʼyel antse
Dios la spas li Adán xchiʼuk Evae laj yak ta nichimaltik Edén. Jaʼik li baʼyel nupultsakale.
LOʼIL 4
Kʼuxi la xchʼayik li nichimaltik Edene
Li ta slivroal Génesis chalbe skʼoplal ti kʼu yelan chʼay li paraisoe.
LOʼIL 5
Chlik jun tsatsal kuxlejal
Kʼalal muʼyuk xa te oyik ta nichimaltik Edén li Evae, laj yil ep svokolik. Ti lajuk xchʼunbeik smantal Diose, li yalab xnichʼnabike muyubajik ek ti jechuke
LOʼIL 6
Jun lekil nichʼonil xchiʼuk jun chopol nichʼonil
Li sloʼilal Cain xchiʼuk Abel ta Génesise, chakʼ ta ilel ti kʼu yelan skʼan jtojbetik ta vokol li Diose xchiʼuk ti kʼu yelan skʼan jel jtalelaltik ta anil noʼoxe.
LOʼIL 7
Jun vinik ti mu snaʼ xiʼe
Li stsatsal yoʼonton Enoque, jaʼ te vinaj kʼalal toj chopol li krixchanoetik ta sjoylejale.
LOʼIL 8
Mukʼta natil tsatsal krixchanoetik ta Balumil
Li ta kapitulo 6 ta Génesise, te chalbe skʼoplal tsatsal krixchanoetik, toj chopolik, chilbajinik li krixchanoetike, taje, nefilim sbiik ti jaʼik xnichiʼnabtak anjeletik ti yalik tal ta balumile xchiʼuk la jyichʼbeik yelanil sbekʼtal krixchanoetik.
LOʼIL 9
Tspas jun arka ti Noee
Li Noé xchiʼuk yutsʼ yalale kuxul komik li ta nojelal ta voʼe, yuʼun la xchʼunbeik smantal Dios akʼo me muʼyuk la xchʼunik li yan krixchanoetike.
LOʼIL 10
Li mukʼta Nojelal ta voʼe
Li krixchanoetike la stseʼintaik li pʼijubtasel albatik ta Noee, pe kʼalal tal li tsatsal voʼe muʼyuk xa tseʼinik. Chano kʼuxi kuxul ikom ta arka li Noé, li yutsʼ yalal xchiʼuk chonbolometike.
LOʼIL 12
Tspasik jun tayal kʼelob osil li krixchanoetike
Li Diose mukʼu lek iyil, jaʼ yuʼun li kastigo laj yichʼike ta to xil-o svokol skotol krixchanoetik li avie.
LOʼIL 13
Abraham: yamigo Dios
¿Kʼu yuʼun laj yikta skotol kʼusitik lekik ta sna Abraham sventa xnaki ta karpanaetik sjunul xkuxlejale?
LOʼIL 14
Ta xichʼ pasel ta preva li xchʼunel yoʼonton Abrahame
Li Diose ¿kʼu yuʼun laj yalbe Abraham ti akʼo yakʼ ta matanal li Isaaque?
LOʼIL 16
Jun lekil ants sventa chnupun xchiʼuk Isaac
¿Kʼusi kʼot-o ta lekil ajnilal li Rebecae? ¿Mi jaʼ van ti kʼupil sbae o mi oy kʼusi yan?
LOʼIL 17
Vachetik ti jelelike
Li totil Isaaque, jaʼ mas skʼanoj li Esaue, pe li Rebecae jaʼ mas skʼanoj li Jacobe.
LOʼIL 18
Chbat ta Harán li Jacobe
Jaʼ baʼyel laj yikʼ Lea li Jacobe akʼo me jaʼ skʼanoj tajek li Raquele.
LOʼIL 19
Smukʼta utsʼ-alal Jacob
¿Mi jaʼ te lik tal sbi li xlajchaʼvokʼal snitilulal Israel li ta sbiik xlajchaʼvoʼal nichʼnabtak Jacobe?
LOʼIL 20
La stikʼ sba ta vokolal ti Dinae
Ta skoj ti muʼyuk stʼuj lek yamigotake jaʼ laj yil-o svokol.
LOʼIL 21
Chpʼajat yuʼun sbankiltak li Josee
¿Kʼu van yuʼun ti tskʼan tsmilik li Josee akʼo me jaʼ yitsʼinike?
LOʼIL 22
Tikʼil ta chukel li Josee
Ti la stikʼik ta chukel li Josee maʼuk yuʼun oy kʼusi chopol la spas moʼoj yuʼun jaʼ ta skoj ti lek kʼusi la spase.
LOʼIL 24
La jyakʼ ta preva sbankiltak li Josee
¿Kʼuxi xuʼ xichʼ naʼel me ta melel jelelik xa jech kʼuchaʼal toʼox kʼalal la xchonik batele?
LOʼIL 25
Li utsʼ-alale bat nakluk ta Egipto
¿Kʼu yuʼun j-israeletik sbiinoj li yutsʼ yalal Jacobe, ti mu jaʼuk Jacobitaetike?
LOʼIL 26
Tukʼ yakʼoj sba ta Dios ti Jobe
Chʼay yuʼun skotol li Jobe li skʼulejale, li xnichʼnabtake xchiʼuk ipaj ta jun chopol chamel. Li Diose ¿mi yakal van yakʼbe stoj smul li Jobe?
LOʼIL 27
Jun chopol ajvalil tspas mantal ta Egipto
¿Kʼu yuʼun laj yakʼbe mantal li slumal Faraón sventa smilik skotol li uni j-israelal keremetike?
LOʼIL 28
Kuxul kom li neneʼ Moisese
Li smeʼ Moisese la snaʼ kʼuxi la spoj yol li ta mantal laj yal ajavalil ti skʼan xcham skotol li uni j-israel keremetike.
LOʼIL 29
Kʼu yuʼun jatav li Moisese
Li Moisese la snop ti chapal xaʼox sventa tskolta li j-israeletik kʼalal 40 xaʼox sjabilale, pe bu cha ta moʼoj toʼox.
LOʼIL 30
Jpets tsʼiʼlel ti xleblun skʼakʼale
Ta skʼelobiltak juʼelal laj yalbe Moisés ti kʼot xa yorail sventa slokʼes batel j-israeletik li ta Egiptoe.
LOʼIL 31
Ti Moisés xchiʼuk Aarone bat skʼelik li Faraone
¿Kʼu yuʼun muʼyuk xchikintabe Moisés xchiʼuk muʼyuk yakʼ lokʼuk batel j-israeletik li Faraone?
LOʼIL 32
Lajuneb vokoliletik
Li Diose la jyakʼbe lajuneb vokolil li Egiptoe, taje jaʼ ta skoj ti ajvalil Faraone muʼyuk la xchʼun ti akʼo yakʼ lokʼuk batel li j-israeletike.
LOʼIL 33
Echʼ xtuchʼik Tsajal Nab
Ta sjuʼel Dios la xchʼak Tsajal Nab li Moisese xchiʼuk ta takin balumil jelavik batel li j-israeletike.
LOʼIL 35
Ta xakʼ smantaltak li Jeovae
¿Kʼusi chib mantaletik mas tsotsik skʼoplal li ta lajuneb Mantaletike?
LOʼIL 36
Chʼiom tot vakax ti pasbil ta kʼanal takʼine
¿Kʼu yuʼun ti tskʼan tsmuyubtaik jkot chʼiom tot vakaxe?
LOʼIL 37
Jun karpana sventa chichʼ muyubtael li Diose
Li ta jun kuarto ta yutile, jaʼ te oy li xkaxail smantal Diose
LOʼIL 38
Lajchaʼvoʼ jpaʼivanejetik
Li Moisese la stak batel lajchaʼvoʼ jpaʼivanejetik ta Kanaan. Li lajunvoʼike yan kʼusi laj yalik jech kʼuchaʼal li chaʼvoʼe. ¿Buchʼu xchʼunbeik li j-israeletike?
LOʼIL 39
Ayan xnich li snamteʼ Aarone
¿Kʼu yuʼun ayan xnichimaltak li jun namteʼe xchiʼuk ti ayan almendraetik ti yijunebik xae?
LOʼIL 40
La smaj mukʼta ton li Moisese
Li Moisese la jyal ti jaʼ la slokʼes li voʼe, pe jaʼ noʼox la yakʼ akʼo x-ilin li Jeovae.
LOʼIL 41
Kiletel chon ti pasbil ta kovre takʼine
¿Kuʼun la stak tal kiletel chonetik li Jeovae, ti oy svenenoal sventa xtiatik li j-israeletike?
LOʼIL 42
Chkʼopoj jkot meʼ buro
Balaam chkʼoponat yuʼun smeʼ sburo, yuʼun chmakʼbat sbe yuʼun anjel.
LOʼIL 43
La jyichʼ biiltasel ta jbabe li Josuee
Li Moisese tsots to, ¿pe kʼu yuʼun jaʼ xa kom ta xkʼexol li Josuee?
LOʼIL 44
La snakʼ jpaʼivanejetik li Rahabe
¿Kʼuxi tskolta Raab li chib viniketike xchiʼuk kʼusi vokol tskaʼn
LOʼIL 45
Xtuchʼel li ukʼum Jordane
Kʼotik ta ukʼum Jordán li paleetike, ochik ta yut voʼ te xkuchojik li xkaxail smantal Diose, skotol li j-israeletike lik jelavikuk ta jot ukʼum
LOʼIL 46
Li smuroaltak Jericoe
¿kʼuxi van xuʼ chkoltavan jun chʼojon yoʼ mu xjin yalel jvokʼuk li muroe?
LOʼIl 48
Li pʼijil jgabaonetike
Akʼome tskʼan chloʼlabanik, li Josué xchiʼuk li j-israeletike chkʼot ta pasel li kʼusi laj yalike.
LOʼIL 49
Paj ta xanvil li Kʼakʼale
Li Jeovae tskolta Josué yuʼun muʼyuk jech kʼotem ta pasel xchiʼuk muʼ bu chkʼot ta pasel yan velta.
LOʼIL 50
Chaʼvoʼ antsetik ti mu snaʼ xiʼike
Li Baraque jaʼ laj stsob batel j-israletik li ta pas kʼope. ¿Kʼuyun laj yichʼ albel slekilal li Jaele?
LOʼIL 51
Rut xchiʼuk Noemí
Li Rute, skomtsan sna yoʼ xbat xchiʼin Noemí xchiʼuk xtun ta stojolal Jeova.
LOʼIL 52
Gedeon xchiʼuk 300 sviniktak
Li Diose, stʼuj viniketik ta jun preva ti akʼo yuchʼik voʼe, te chvinal li buchʼu tsots yoʼontonike.
LOʼiL 53
Li kʼusi la jyal ta melel tspas li Jeftee
Li kʼusi la jyalbe li Jeovae maʼuk noʼox ta stuk, yuʼun ja ta stojolal ek li tsebe.
LOʼIL 55
Jun uni kerem chtun ta stojolal Dios
Li Diose tstunes li uni kʼox kerem Samuel, sventa xbat yalbe aʼyel li bankilal Pale Elíe.
LOʼIL 56
Saúl: baʼyel ajvalil ta Israel
Ta slikebal li Diose la stʼuj li Saule, pe ta tsʼakale la spʼaj. Li sloʼilal Saule oy kʼusi tsots skʼ0plal chakʼ jchantik.
LOʼIL 57
La jyichʼ tʼujel yuʼun Dios li Davide
¿Kʼusi laj yil ta stojolal David li Diose, ti muʼyuk laj yil li Samuele?
LOʼIL 58
David xchiʼuk Goliat
Li Davide maʼuk noʼox xchiʼuk sjimichʼ la stsal li Goliate, yuʼun oy kʼusi mas la stunes ti mas tsots yipe.
LOʼIL 59
Kʼu yuʼun chjatav li Davide
Ta slikebe, li Saule xmuyubaj toʼox xchiʼuk li Davide, pe ta tsʼakale tskʼan ox tsmil. ¿Kʼu yuʼun?
LOʼIL 60
Abigail xchiʼuk David
Li Abigaile bol vinik laj yalbe skʼoplal li smalale, pe akʼo mi jech, la spojbe xkuxlejal... akʼo mi mu jaluk kuxul kom.
LOʼIL 61
Och ta ajvalil li Davide
Li Davide chakʼ ta ilel ta stalelal ti xuʼ x-ajvalilaje, taje jaʼo kʼalal oy kʼusitik tspase xchiʼuk kʼalal oy kʼusitik muʼyuk tspase.
LOʼIL 62
Vokoliletik ta sna David
Li Davide la spas tsots smul, ta skoj taje ep kʼusitik chopol kʼot ta pasel ta sna, taje epal jabil jech kʼot ta pasel.
LOʼIL 64
Tsvaʼan chʼulna li Salomone
Akʼo mi pʼij tajek li Salomone, la sjelbeik yoʼonton sventa spas kʼusitik chopol xchiʼuk pas ta bol vinik.
LOʼIL 65
Chchʼak li ajvalilale
Kʼalal lik ajvalilajuk li Jeroboame , li steklumale lik spʼajik li smantaltak Diose.
LOʼIL 66
Li pukujil meʼ ajvalil Jezabele
Muʼyuk kʼusi chpajtsanat-o chaʼi kʼalal oy kʼusi tskʼan tspase.
LOʼIL 67
Tspat yoʼonton ta stojolal Jeova li Josafate
¿Kʼu yuʼun chʼabal yabtejeb chbatik ta pas leto li jkʼejimoletik ti jbabeik batele?
LOʼIL 68
Chaʼvoʼ ololetik chaʼkuxiik
¿Me xuʼ xichʼ chaʼkuxesel li buchʼu chamemike? Oy xa onoʼox jech kʼotem ta pasel.
LOʼIL 69
Li uni tsebe la skolta jun bankilal soltaro
Muʼyuk xiʼ ikʼopoj, ta skoj taje yichʼ pasel jun skʼelobil juʼelal.
LOʼIL 70
Jonás xchiʼuk li mukʼta choye
Li Jonase oy kʼusi tsots skʼoplal la xchan ta sventa ti skʼan pasel skotol li kʼusi chal Jeovae.
LOʼIL 71
Yaloj ta melel chakʼ jun paraiso li Diose
Uni bikʼit toʼox li baʼyel paraisoe, yan li liʼe jaʼ ta spʼejel Balumil.
LOʼIL 72
Li Diose la skolta li ajvalil Ezequiase
Ta jun noʼox akʼobale, jun yaj-anjel Jeovae la smil 185,000 j-asiria soltaroetik.
LOʼIL 73
Slajeb lekil ajvalil ta Israel
Kʼalal chex kerem toʼox li Josiase, oy kʼusi la spas ti skʼan xakʼ ta ilel stsatsal yoʼontone.
LOʼIL 74
Jun vinik ti mu snaʼ xiʼe
Li Jeremiase la snop ti toj kerem to sventa xpas ta j-alkʼope, pe li Diose snʼaoj ti xuʼ yuʼune.
LOʼIL 75
Chanvoʼ keremetik ta Babilonia
Lek noʼox bat xkuxlejalik akʼo me nom oyik ta yutsʼ yalalik.
LOʼIL 76
Chlaj li Jerusalene
¿Kʼu yuʼun laj yakʼ Dios ti akʼo xichʼ lajesel ta yajkontratak li Jerusalene?
LOʼIL 77
Mi jaʼuk la skejan snijan sbaik
Li Diose, ¿mi ta van xkolta lokʼel li ta kʼakʼal orno li oxvoʼ jchʼunej mantal keremetike?
LOʼIL 79
Tikʼil ta yut xchʼen leonetik li Daniele
Li Daniele laj yichʼ albel ti chichʼ milele. ¿Mi xuʼ van mu jechuk kʼot ta pasel?
LOʼIL 80
Lokʼik ta Babilonia li j-israeletike
Li Ciro ti jaʼ ajvalil ta Persiae la spas li kʼusi albil onoʼox skʼoplale, jaʼ ti ch-och ta Babiloniae, pe li avie yan xaʼo kʼusi chakʼ kʼotuk ta pasel.
LOʼIL 81
Spatoj yoʼontonik ta stojolal Dios
Ta skoj ti jaʼ chchʼunbeik li Diose muʼyuk chchʼunuik junantik smantal krixchanoetik. ¿Mi ta to van staik bendision?
LOʼIL 82
Mardoqueo xchiʼuk Ester
Li Vastie jaʼ toʼox ju kʼupil sba meʼ ajvalil pe akʼo me jech laj stik ta ajvalil Ester li Asuero ¿kʼu yuʼun?
LOʼIL 83
Li smuroaltak Jerusalene
Kʼalal chchavaʼanik li muroe, li j-abteletike tskʼan lek chapal yabtejebik ta kʼakʼal akʼoval
Svakvokʼal
Svokʼel Jesús kʼalal to ta slajel
LOʼIL 84
Ta xichʼ vulaʼanel ta jun anjel li Mariae
Lekil aʼyel yuʼun Dios. Jaʼ chkʼot ta meʼil yuʼun jun Ajvalil sbatel osil.
LOʼIL 85
Chvokʼ ta snail vakax li Jesuse
¿Kʼu yuʼun te vokʼ ta sveʼum chonetik li Ajvalil ta tsʼakale?
LoʼIl 86
Li viniketike tstsʼakliik batel jpʼej kʼanal
¿Buchʼu sbeiltas batel li viniketik ta stojolal Jesuse? Yikʼaluk labal chavaʼi li stakʼobile
LOʼIL 87
Te oy ta chʼulna li kerem Jesuse
Li Jesuse oy kʼusi chal ti chʼayal to kʼot yoʼontonik li jchanubtasvanejetik ta chʼulnae.
LOʼIL 88
La jyakʼbe yichʼ voʼ Jesús li Juane
Chakʼbe yichʼ voʼ jpas mulil krixchanoetik li Juane. Li Jesuse muʼyuk kʼusi chopol spasoj. Pe ¿kʼu yuʼun chakʼbe yichʼ voʼ Jesus li Juane?
LOʼIL 89
Li Jesuse ta slokʼes jchonolajeletik ta xchʼulna Dios
Lek snaʼ xkʼanvan li Jesuse, pe kʼu yuʼun ti ch-iline.
LOʼIL 90
Chchiʼin ta loʼil jun ants ta poso
Li voʼ chakʼ Jesuse ¿Kʼuxi ti mu xa xaʼi taki oʼonal yan velta li antse
LOʼIL 91
Chchanubtasvan ta jun vits li Jesuse
Li loʼiletik ta jun vitse, oy bijil loʼil la yichʼ akʼel.
LOʼIL 92
Chchaʼkuxes animaetik li Jesuse
Ta sventa li sjuʼel Diose ta chaʼpʼel noʼox kʼop la xchaʼkuxesbe stseb Jairo li Jesuse.
LOʼIL 93
Tsmakʼlin epal krixchanoetik ti Jesuse
Ti la smakʼlin ta sjuʼel epal krixchanoetik li Jesiuse ¿kʼusi tsots skʼoplal laj yakʼ ta ilel?
LOʼIL 94
Skʼanoj li ololetike
Jesus laj xchanubtas jtakboletik ti ep kʼusi xuʼ xchanbeik li ololetik akʼo mi oy xa sjabilalike.
LOʼIL 95
Kʼuxi chchanubtasvan li Jesuse
Li loʼil laj yal Jesus ta sventa lekil jsamaria nopolik noʼox la stunesan.
LOʼIl 97
Xkoʼolaj kʼuchaʼal jun ajvalil tal li Jesuse
Epal krixchanoetik xmuyubajik, pe oy junantike muʼyuk.
LOʼIL 98
Ta vits Olivatik
Li Jesús chalbe li chanvoʼ jtakboletik li kʼusi chkʼot ta li ta jkʼakʼaliltike.
LOʼIL 99
Ta jkʼol na ta toyol
¿kʼu yuʼun laj yalbe yajtakboltak Jesus ti skʼan akʼo spasik jujun jabil Snaʼobil slajele
LOʼIL 100
Te oy ta nichimaltik li Jesuse
¿kʼu yuʼun ta jun tsʼutsʼel noʼox la svalopatin Jesus li Judase?
LOʼIL 101
Ta smilik li Jesuse
Kʼalal yakal chichʼ jokʼanel jtel teʼ li Jesuse oy kʼusi laj yal ta sventa Paraiso.
LOʼIL 103
Och ta yut na manchuk mi bajal li stiʼe
Li jchankʼopetike ¿Kʼu yuʼun mu xojtikinik li Jesus ti chaʼkuxieme?
LOʼIL 104
Sut batel ta vinajel li Jesuse
Kʼalal skʼan to xmuy batel ta vinajele laj yalbe tsots mantal li jtakboletike.
LOʼIL 105
Muʼyuk xlokʼik ta Jerusalén
¿Kʼu yuʼun laj yakʼbe tal chʼul espiritu li li yajtsʼaklontak Kristo li ta Pentekostese?
LOʼIL 106
Kolik lokʼel ta chukel
Li jnitvanejetik ta relijione la stikʼik ta chʼukel li jtakboletik yoʼ xik taik xcholel mantal, pe Diose oy kʼusi tskʼan
LOʼIL 110
Timoteo yajkoltaobba Pablo
Li Timoteoe chlok batel ta sna bat xchiʼin Pablo ta cholmantal.
LOʼIL 111
Vay jun uni kerem
Li Eutikoe och svayel li ta baʼyel mantal la sjulubtas li Pabloe. Li kʼusi kot ta pasele jaʼ jun juʼelal.
LOʼIL 112
Kuxul kʼotik ta jun bikʼit balumil
Li buchʼutik te oy ta varkoe yaloj mi chchamik. Jaʼo te kʼoponat tal yuʼun Dios li Pabloe akʼbatik spaotbil yoʼonik.
LOʼIL 113
Te ta Roma li Pabloe
¿Kʼuxi xuʼ spas yuʼun li yabtel ta jtakbolal li Pabloe ti te tikʼil ta chukele?
XVAXAKVOKʼAL
Li kʼusi ta xal Vivliae ta xkʼot ta pasel
LOʼIL 114
Slajeb skotol li choplejale
¿Kʼu yuʼun jaʼ tstak tal yajsoltarotak Dios ta pas leto ta armajedon xchiʼuk li Jesus ti jaʼ jolile?
LOʼIL 115
Jun achʼ paraiso ta Balumil
Jaʼ toʼox jech kuxiik li krixchanoetike, jaʼ me jech chkʼot ta pasel yan velta.
LOʼIL 116
Kʼuxi xuʼ xi jkuxiutik ta sbatel osil
¿Mi jaʼ bal noʼox ti xkojtikintik jutuk Jeova xchiʼuk Jesuse? Mi moʼje ¿Kʼusi van yan skʼan jpastik
Sjakʼobiltak sventa Jlivro ti chal loʼiletik ta Vivliae
Tekstoetik ta Vivlia xchiʼuk sjakʼobiltak yoʼ xkoltaatik ololetik ta yaʼibel smelolal li loʼiletike.
