Jelilano ti kʼu stsatsal chakʼopoje. Akʼbo lek snukʼilal kʼalal jaʼ chaval li kʼusi mas tsotsik skʼoplale xchiʼuk ti xatijbe yoʼontonik li buchʼutik chchikintaike. Jaʼuk jech xapas xtok kʼalal chavalbe skʼoplal li chapanel yuʼun Diose. Kʼun noʼox xaval li kʼusi labal sba ta aʼiele, ti xibal sbae o ti chakʼ vul oʼontone.

Jelilano li yechʼomal avee. Mi lek ta aʼiel li ta akʼope, jichʼiluk anukʼ xakʼopoj kʼalal oy kʼusi chaval ti chakʼ muyubajele o kʼalal chavakʼ ta aʼiel li kʼusi mukʼ o nom toe. Jech xtok, masuk yij o mukʼ anukʼ xaval li kʼusi chakʼ vul oʼontone.

Anil o kʼunkʼun xakʼopoj. Mas anil xakʼopoj mi chakʼan chavakʼ ta aʼiel ti xamuyubaj noʼoxe. Mas kʼun xakʼopoj mi chakʼan chaval li kʼusi mas tsots skʼoplale.