Chapano li avoʼontone. Kʼalal yakal chachapan abae, nopbo smelolal ti toj tsots skʼoplal li mantal chavetʼese. Chano lek li mantale sventa ta sjunuluk avoʼonton xaval.

Nopo ta stojolal li buchʼutik chaʼibote. Nopbo skʼoplal ti kʼu yelan xuʼ xkʼot ta yoʼonton yantik li kʼusi chavale o li kʼusi chachane. Kʼelo lek kʼuxi xuʼ xajelubtas li mantal sventa masuk to tsots skʼoplal xilike.

Lokʼuk ta avoʼonton li mantal chavetʼese. Ta muyubajeluk noʼox xakʼopoj. Paso senyail ta asat ti jaʼ svinajeb ti chlokʼ ta avoʼonton li kʼusi chavale xchiʼuk paso senyail ta akʼob jech kʼuchaʼal nopem onoʼox xavaʼi chakʼopoje.