XCHANOBIL 12
Oyuk slekil xchiʼuk xkʼuxul avoʼonton
1 Tesalonisenses 2:7, 8
KʼUSI SMAKOJBE SKʼOPLAL: Lokʼuk ta avoʼonton li kʼusi chavale xchiʼuk akʼo ta ilel ti oy ta avoʼonton li buchʼutik chaʼibote.
KʼUXI TA PASEL:
-
Nopo ta stojolal li buchʼutik chchikintabote. Sventa xachapan li avoʼontone, nopbo skʼoplal li kʼusi yakal tsnuptanike xchiʼuk akʼo persa snopel ti kʼu yelan chaʼi sbaike.
-
Nopo lek li kʼusi chavale. Li buchʼutik chchikintabote akʼo xtijbat yoʼonton, xpatbat yoʼonton xchiʼuk stsatsubtasat-o li kʼusi chavale. Mu xaval li kʼusi kʼuxik ta aʼiele xchiʼuk mu xanaʼle o mu xalaban li buchʼutik muʼyuk chtunik ta stojolal Jeovae o ta sventa li kʼusi xchʼunojike.
-
Oyuk ta avoʼonton li yantike. Sventa spas avuʼune, lekuk ta aʼiel li yechʼomal avee xchiʼuk lekuk ta kʼelel ti kʼu yelan chapas asate. Nopo kʼusi van xuʼ xavakʼ ta aʼiel ta sventa ti kʼu yelan chapas senyail ta asate xchiʼuk stseʼetuk noʼox asat ta jujulikel.
