Li ta slikebal slivroal Vivliae, jaʼ chalbe skʼoplal li kʼusitik toj kʼupilik sba la spas Jeova ta vinajel xchiʼuk ta balumile. Mi oy avalab anichʼnabe, skʼan xakolta sventa tsotsuk skʼoplal xilik li jeltos spasbentak Diose. Albo ti mu xkoʼolaj ti kʼu yelan kichʼojtik meltsanel xchiʼuk li chonbolometike, yuʼun li voʼotike xuʼ xijloʼilaj, xijrasonaj, xijkʼejin, xuʼ jmeltsantik kʼusitik xchiʼuk xuʼ jpastik orasion. Koltao avalab anichʼnab yoʼ xakʼik venta ti toj ep sjuʼel xchiʼuk ti toj pʼij li Jeovae, ti skʼanoj li kʼusitik spasoje xchiʼuk ti skʼanojutik tajeke.