Jvokʼ xchanobil 10
Li Jeovae jaʼ Ajvalil ta skotol li kʼusitik oye, yuʼun jaʼ tspas ta mantal xchiʼuk jech-o tspas batel. Jech kʼuchaʼal liʼe, jun veltae la spoj Jeremias kʼalaluk laj yichʼ jipel ochel ta jun posoe. Jech xtok la spoj li Sadrak, Mesak xchiʼuk Abednego kʼalaluk tikʼatik ochel ta jun orno ti tsanal skʼakʼale xchiʼuk la spoj li Daniel kʼalaluk laj yichʼ jipel ochel ta xchʼenal leonetike. Pe maʼuk noʼox, yuʼun la skolta li Ester yoʼ xuʼ spoj li steklumale. Jaʼ yuʼun li Jeovae muʼyuk ta xakʼ ti te oyuk-o sbatel osil li choplejale. Li albil kʼop ta sventa li jun mukʼta lokʼolile xchiʼuk ta sventa li mukʼta teʼe chakʼbutik ta ilel ti poʼot xa tslajes skotol choplejal li Ajvalilal yuʼun Diose xchiʼuk ti poʼot xa tspas mantal liʼ ta balumile.
Ta jvokʼ liʼe
XCHANOBIL 57
Take batel ta cholmantal li Jeremiase
Li bankilaletik ta jteklume ilinik tajek kʼalal la xchol mantal li Jeremiase.
XCHANOBIL 58
Laj yichʼ lajesel li Jerusalene
Ta skoj ti lik yichʼik ta mukʼ jecheʼ diosetik li jteklum Juda xchiʼuk Jerusalene iktaatik yuʼun li Jeovae.
XCHANOBIL 59
La xchʼunbeik smantal Jeova li chanvoʼ keremetike
Chanvoʼ li keremetik ti tukʼ laj yakʼ sbaik ta stojolal Jeova akʼo mi te oyik ta spasob mantal ajvalil ta Babilonia.
XCHANOBIL 60
Li Ajvalilal ti te oy-o sbatel osile
Li Daniele chal kʼusi skʼan xal li labal sba xvayich Nabukodonosore.
XCHANOBIL 61
Muʼyuk la skejan sbaik
Li Sadrak, Mesak xchiʼuk Abednegoe muʼyuk la skejan sbaik ta stojolal li lokʼol ta oro ti jaʼ spasoj li ajvalil ta Babiloniae.
XCHANOBIL 62
Jun ajvalilal ti xkoʼolaj kʼuchaʼal mukʼta teʼe
Li kʼusi la xvaychinta li Nabukodonosore laj yakʼ ta ilel li kʼusi chkʼot ta stojolal ta tsʼakale.
XCHANOBIL 63
Oy kʼusi laj yichʼ tsʼibael ta yibel na
¿Bakʼin laj yichʼ tsʼibael ta yibel na li jaypʼel kʼop ti mu xojtikinike? ¿Kʼusi skʼan xal?
XCHANOBIL 64
Te tikʼil ta xchʼen leonetik li Daniele
Jujun kʼakʼal xakʼopon Jeova jech kʼuchaʼal la spas li Daniele.
XCHANOBIL 65
Tskolta steklumal li Estere
Akʼo mi jyanlum xchiʼuk chamem stot smeʼ, kʼot ta meʼ ajvalil.
XCHANOBIL 66
La skʼel Mantal li Esdrase
Ta tsʼakale la xchikintaik kʼusi laj yal li Esdrase, vaʼun laj yalik ti chchʼunik mantale.
XCHANOBIL 67
Li smuroaltak Jerusalene
Li Neemiase laj yaʼi ti tstsakatik ta kʼop yuʼun yajkontraike. ¿Kʼu yuʼun muʼyuk xiʼ?
