Jvokʼ xchanobil 14
Li baʼyel yajtsʼaklomtak Kristoe, la xcholbeik skʼoplal li lekil aʼyejetik ta sventa li Ajvalilal yuʼun Dios kʼalal to ta namal lumetik. Laj yichʼik beiltasel yuʼun Jesus sventa snaʼik bu chbat xcholik mantale. Jech xtok ta skʼelobil juʼelal la xchanubtasan li yajchankʼoptak yoʼ xcholbeik mantal li krixchanoetik ta jeltos kʼopetike. Akʼbat stsatsal yoʼontonik yuʼun Jeova yoʼ xkuch yuʼunik li tsatsal nutsel ta snuptanike.
Li jtakbol Juane akʼbat yil yuʼun Jesus li smukʼulal Jeovae. Ta yan velta xtoke akʼbat yil ti li Ajvalilal yuʼun Diose ta tslajesbe skʼoplal li Satanas xchiʼuk li sbalumile. Jech xtok li Juane laj yil ti ochem xa ta Ajvalil li Jesus xchiʼuk li 144 mil ti ch-ajvalilajik xchiʼuke. Laj yil xtok ti kʼu yelan tspas ta paraiso spʼejel li balumile xchiʼuk ti jun xa yoʼontonik chichʼik ta mukʼ Jeova stekel li krixchanoetike.
Ta jvokʼ liʼe
XCHANOBIL 94
Laj yichʼik chʼul espiritu li jchankʼopetike
¿Kʼusi skʼelobil juʼelal spas yuʼunik li jchankʼopetik ta skoj li chʼul espiritue?
XCHANOBIL 95
Muʼyuk kʼusi pajtsanatik-o
Li jchanubtasvanejetik ta relijion ti la smilik li Jesukristoe mu xakʼbeik xchol mantal li jtakboletike. Pe mukʼ spas yuʼunik.
XCHANOBIL 96
Tʼujat yuʼun Jesus li Sauloe
Skontrainoj yajtsʼaklomtak Kristo li Sauloe, pe taje jutuk xa skʼan xjel.
XCHANOBIL 97
Laj yichʼ chʼul espiritu li Kornelioe
Li Jeovae, ¿kʼu yuʼun laj yalbe Pedro ti akʼo batuk ta sna jun jyanlum krixchanoe?
XCHANOBIL 98
Chcholik mantal ta epal lumetik
Li jtakbol Pablo xchiʼuk li yantik xchiʼiltake lik xcholik mantal ta jeltos lumetik.
XCHANOBIL 99
Pas ta yajtsʼaklom Kristo jun jchabichukinab
¿Kʼuxi jmoj tsakal skʼoplal li nikel, li pukuj xchiʼuk jun espada li ta chanobil liʼe?
XCHANOBIL 100
Pablo xchiʼuk Timoteo
Li Pablo xchiʼuk Timoteoe ep jabil koʼol la xcholik mantal xchiʼuk laj yamigoin sbaik.
XCHANOBIL 101
Chikʼik batel ta Roma li Pabloe
Ep vokoliletik la snuptan Pablo kʼalal bat ta Romae, pe muʼyuk bu pajtsanat.
XCHANOBIL 102
Oy kʼusi akʼbat yil li Juane
Li Jesuse laj yakʼbe yil jtakbol Juan li kʼusitik chkʼot ta pasel ta mas tsʼakale.
XCHANOBIL 103
«Akʼo taluk li Ajvalilal avuʼune»
Li kʼusi akʼbat yil li jtakbol Juane chakʼ ta ilel kʼuxi tskʼatajes ta paraiso spʼejel balumil li Ajvalilal yuʼun Diose.
