Jvokʼ xchanobil 5
Kʼalal echʼ xa ox chib u xtuchʼojik jelavel Tsajal Nab li j-israeletike, te kʼotik ta vits Sinai. Kʼalal te xa ox oyike, li Jeovae la spas jun trato xchiʼuk j-israeletik yoʼ xkʼotik ta slekil teklumale. Jaʼ yuʼun li Jeovae laj yakʼbe skotol li kʼusitik chtun yuʼunike xchiʼuk la xchabi xtok. Laj yakʼbe mana sveʼik, la skʼel ti mu xlaj li skʼuʼ spokʼike xchiʼuk la skʼel lek bu xuʼ xkomik yoʼ mu kʼusi snuptanike. Mi oy avalab anichʼnabe koltao ta yaʼibel smelolal ti kʼu yuʼun akʼbatik Mantaletik li j-israeletike, ti akʼbatik li axibalna xchiʼuk li Paleale. Akʼbo snaʼik ti kʼu yuʼun toj tsots skʼoplal ti xkʼotuk ta pasel kuʼuntik li kʼusi kalojtike, ti skʼan bikʼituk xkakʼ jbatik xchiʼuk ti tukʼuk-o xkakʼ jbatik ta stojolal li Jeovae.
Ta jvokʼ liʼe
XCHANOBIL 23
Laj yalbeik Jeova ti chchʼunik mantale
Kʼalal te oyik ta vits Sinai li j-israeletike, jamal laj yalbeik Dios ti chchʼunbeik smantale.
XCHANOBIL 24
Muʼyuk la spasik li kʼusi laj yalik ta jamale
Kʼalal jaʼo akʼbat Lajuneb Mantal li Moisese, li jteklume laj xa ox spasik tsatsal mulil.
XCHANOBIL 26
12 viniketik
Li Josue xchiʼuk Kalebe mu jechuk stalelalik jech kʼuchaʼal li lajunvoʼ ti ay skʼelik li osil ta Kanaae.
XCHANOBIL 27
La stoy sbaik ta stojolal Jeova
Li Kore, Datan, Abiram xchiʼuk 250 ta voʼ viniketike muʼyuk stsakik ta venta ti jaʼ Jeova la skontrainike.
