Jvokʼ xchanobil 7
Li ta jvokʼ xchanobil liʼe chalbe skʼoplalik li Saul xchiʼuk li ajvalil Davide ti te van smakoj 80 jabiluke. Ta slikebale, bikʼit toʼox laj yakʼ sba xchiʼuk chchʼunbe toʼox smantal Jeova li Saule. Pe ta mas tsʼakal jutuke jel li stalelale, yuʼun la spʼaj li beiltasel yuʼun Jeovae. Jaʼ yuʼun li Jeovae la spʼaj li Saule, vaʼun laj yalbe Samuel ti akʼo stʼuj David sventa jaʼuk xkʼot ta ajvalile. Li Saule itʼixaj yoʼonton ta stojolal li Davide, jaʼ yuʼun ep ta velta tskʼan ox tsmil. Akʼo mi skʼan chmilat li Davide, pe muʼyuk bu la spak sutel. Pe li Jonatan ti jaʼ li xnichʼon Saule, snaʼoj ti jaʼ tʼujbil yuʼun Jeova li Davide, jaʼ yuʼun tukʼ laj yakʼ sba ta stojolal. Jech xtok akʼo mi oy tsots smul la spas li Davide la xchʼam li tojobtasel yuʼun Jeovae. Ti mi totil o meʼilote, koltao li avalab anichʼnab sventa xaʼibeik smelolal ti toj tsots skʼoplal ti chkakʼ jbatik ta beiltasel yuʼun li Jeovae.
Ta jvokʼ liʼe
XCHANOBIL 39
Li baʼyel ajvalil ta Israele
Li Jeovae laj yakʼ jchapanvanejetik ta Israel, pe tskʼanik junuk ajvalil. Jaʼ tʼujat li Saule, pe ta tsʼakale muʼyuk lek yichʼ ilel yuʼun Jeova. Pe, ¿kʼu yuʼun?
XCHANOBIL 40
David xchiʼuk Goliat
Li Jeovae la stʼuj yoʼ xkʼot ta ajvalil ta Israel li Davide. Li Davide laj yakʼ ta ilel ti chkʼot ta jun lekil ajvalile.
XCHANOBIL 41
David xchiʼuk Saul
¿Kʼu yuʼun chichʼ pʼajel li jun vinike? Pe, ¿kʼu yelan tstakʼ sutel li buchʼu chichʼ pʼajele?
XCHANOBIL 42
Li Jonatane mu snaʼ xiʼ xchiʼuk tukʼ laj yakʼ sba
Li skerem ajvalil Saule la yamigoin sbaik tajek xchiʼuk li Davide.
XCHANOBIL 43
Li Davide la spas tsots smul
Mi muʼyuk lek kʼusi chkʼot ta nopel kuʼuntike, chakʼ ep jvokoltik.
