Li Jeovae laj yakʼbe epal bendision li Salomone, yuʼun akʼbat spʼijil xchiʼuk akʼbat ti akʼo svaʼan li temploe. Akʼo mi jech kʼunkʼun namaj ta stojolal li Jeova. Mi oy avalab anichʼnabe koltao ta yaʼibel smelolal ti buchʼutik namajesat ta stojolal Jeova li Salomone, jaʼik li buchʼutik muʼyuk chichʼik ta mukʼ li Jeovae. Ta skoj taje la xchʼak sba li ajvalilale xchiʼuk oy ajvaliletik ta Israel ti toj chopolike, yuʼun la stijbeik yoʼonton krixchanoetik ti akʼo svalopatinik mantale xchiʼuk ti akʼo xlik yichʼik ta mukʼ li jecheʼ diosetike. Ti kʼu sjalil taje, li yaj-alkʼoptak Jeovae laj yichʼik nutsel xchiʼuk laj yichʼik milel. Jech xtok li meʼ ajvalil Jesabele laj yakʼ ti akʼo svalopatinik mantal li lajuneb nitilulal yuʼun Israele. Ti kʼu sjalil taje toj vokol li xkuxlejalike. Akʼo mi jech, oy to ep  j-israeletik ti tukʼ tunik ta stojolal li Jeovae, jech kʼuchaʼal li ajvalil Jeosafat xchiʼuk li j-alkʼop Eliase.