Li ta Vivliae, li jpʼel kʼop ta ebreo ti navá xie, chichʼ jelubtasel kʼuchaʼal «yalel batel albil kʼop», jaʼo kʼalal chichʼ alel junuk aʼyej ti akʼbil ta naʼele, aʼyej sventa chapanel, junuk chanubtasel sventa talelalil o junuk smantal Dios. Jech xtok, te smakojbe skʼoplal li yalel batel kʼusi yaloj Dios ti chkʼot ta pasele. Li albil kʼopetik yuʼun Esekiele chalbe skʼoplal skotol taje (Esek. 3:10, 11; 11:4-8; 14:6, 7; 37:9, 10; 38:1-4).

• KʼUSI AKʼBAT YIL

• SKʼELOBILTAK

• CHAKʼ TA ILEL

Li slivroal Esekiele chal li kʼusitik laj yakʼ ta ilel li Diose, skʼelobiltak, lokʼolkʼopetik xchiʼuk jeltos kʼuxi laj yakʼ ta ilel li albil kʼopetike.

Junantik albil kʼopetik li ta slivroal Esekiele maʼuk noʼox jun velta chkʼot ta pasel. Jech kʼuchaʼal liʼe, li albil kʼopetik ti chal ti chchaʼta yav li melel yichʼel ta mukʼ Diose kʼot ta pasel kʼalal chaʼsutik ta Albil Balumil li j-israeletike, pe oy to yan kʼuxi chkʼot ta pasel. Jech kʼuchaʼal chvinaj li ta kapitulo 9 li ta livro liʼe, oy epal albil kʼopetik ti chal ti chchaʼta yav li melel yichʼel ta mukʼ Dios ti chkʼot ta pasel avi xchiʼuk ta mas tsʼakale.

Ta mas voʼone, laj yichʼ kʼelel kʼusi toʼox skʼan xal li albil kʼopetik yuʼun Esekiel sventa xichʼ alel ti jaʼ skʼoplal junuk krixchano, junuk loʼil o yan kʼusitik ti chkʼot ta pasele (tipos y antitipos). Pe li livro liʼe, muʼyuk chal mi jaʼ skʼoplal junuk krixchano, jtosuk kʼusi o ti bu chkʼot ta pasele, jaʼ noʼox jech chichʼ alel mi jech chal li Vivliae. * Li livro liʼe, jaʼ mas chalbe skʼoplal kʼusi ora kʼot ta pasel li albil kʼopetik yuʼun Esekiele. Jech xtok, chalbe skʼoplal kʼusi chakʼ jchantik li albil kʼopetik laj yale, li krixchanoetik laj yalbe skʼoplale, li jeltos lumetike xchiʼuk li kʼusitik kʼot ta pasele.