REKUADRO 16B
Tsjikʼ yoʼontonik xchiʼuk x-avetik, chichʼ smarkailik, chlilinatik: ¿bakʼin xchiʼuk kʼuxi chkʼot ta pasel?
Li ta kapitulo 9 li ta slivroal Esekiele, te chal jun albil kʼop ti chkʼot ta pasel avie. Mi chkaʼibetik smelolal kʼuxi kʼot ta pasel li albil kʼope, jun koʼontontik chkaʼi jbatik kʼalal mi laj yichʼ lajesel li chopol balumile
Tsjikʼ yoʼontonik xchiʼuk x-avetik
BAKʼIN: Ta slajebal kʼakʼal, kʼalal tskʼan to xvul li mukʼta tsatsal vokolile.
KʼUXI: Li krixchanoetik ti oy ta yoʼontonik mantale chakʼik ta ilel ta skʼopojelik xchiʼuk ta kʼusitik tspasik ti ibal sba chilik li kʼusitik chopol tspasik li balumil liʼe. Chchʼamik li mantal chichʼ cholel avie, jaʼ jech stalelalik kʼuchaʼal li Kristoe, chakʼ sbaik ta stojolal Jeova xchiʼuk chichʼik voʼ. Jech xtok, tskoltaik li yermanotak Kristoe.
Chichʼ smarkailik
BAKʼIN: Kʼalal jaʼo xyaket li mukʼta tsatsal vokolile.
KʼUXI: Li vinik ti stsakoj yav tinta sventa sekretarioe jaʼ skʼoplal li Jesukristo kʼalal mi la stsak tsots yabtel sventa xchapan li krixchanoetike. Chakʼbe smarkail li epal krixchanoetik sventa xvinaj ti jaʼik chijetike, vaʼun kuxul chkomik li ta Armajedone.
Chlilinatik
BAKʼIN: Ta Armajedon.
KʼUXI: Li Jesukristo xchiʼuk li yajsoltarotak ti te skʼoplalik li anjeletik xchiʼuk li 144 mil ti koʼol ch-ajvalilajik xchiʼuke chakʼbeik slajeb ta j-echʼel li chopol balumile xchiʼuk tspoj li yajtuneltak Jeova ti tukʼ yakʼoj sbaik sventa xkuxiik ta achʼ balumile.
