XCHA’VOKʼAL
‹La asokesbe skʼoplal ti bu chʼul kuʼune› | Laj yichʼ sokesel li melel yichʼel ta mukʼ Diose
LI KʼUSI TA JKʼELTIK TA XCHAʼVOKʼALE: Sok ta mantal xchiʼuk sok stalelal li Juda xchiʼuk Jerusalene
Li Jeovae skʼanoj toʼox tajek li j-israeletike xchiʼuk «ep sbalil» toʼox chil (Eks. 19:5, tsʼib ta yok vun). Pe ¿mi la stojik ta vokol li j-israeletike? Muʼyuk, ¡yuʼun kʼajomal lik yichʼik ta mukʼ jecheʼ diosetik li ta stemplo Jeovae! Toj lajel kʼot yoʼonton yuʼunik li Jeovae xchiʼuk sokesbat skʼoplal. ¿Kʼu yuʼun jech lik spasik ti toj chopole? ¿Kʼusi chakʼ jchantik li albil kʼopetik laj yal Esekiel ti chichʼ jinesel li Jerusalene? ¿Kʼusi chakʼ jchantik ti kʼu yelan xil sba Israel xchiʼuk li yan lumetik ti te nopol oyike?
Ta jvokʼ liʼe
KAPITULO 5
«Kʼelavil li kʼusitik toj chopol xchiʼuk ibalik sba tspasik liʼe»
Li Esekiele oy kʼusitik laj yil ti chakʼ ta ilel ti sokemik ta mantal li jteklume.
KAPITULO 6
«Vul xa ta atojolal li lajebale»
Li kʼusitik la spas Esekiele chakʼ ta ilel ti ilin tajek Jeova ta stojolal li Jerusalene.
KAPITULO 7
Li mukʼta lumetike tsnaʼik ti voʼon Jeovaune
Li lumetik ti la spʼajbeik li sbi Jeovae, ti la skontrainik xchiʼuk ti la sokesbeik steklumale persa tstoj smulik. ¿Kʼusi chakʼ jchantik ti kʼu yelan laj yil sbaik Israel xchiʼuk li yan lumetike?
