¿Bu xuʼ xata koltael sventa lekuk xbat li akuxlejale?
Jech kʼuchaʼal laj xa kiltik tale, sventa lekuk xbat xkuxlejalik li krixchanoetike spatoj yoʼontonik ta sventa li chanune, li takʼine, ti lekuk stalelalike o li kʼusi albil chkʼot ta xkuxlejalike. Taje muʼyuk chkoltavan, pe maʼuk skʼan xal ti muʼyuk xa bu xuʼ jtatik koltael sventa lekuk xbat li jkuxlejaltike.
JUN LEKIL JBEILTASVANEJ
Kʼalal oy kʼusi ta jnop ta jpastike, ta van jakʼbetik li buchʼu mas xa oy sjabilale. Jaʼ yuʼun, mi ta jkʼan lek chbat jkuxlejaltike ta jsaʼtik koltael ta stojolal li buchʼu mas xa xtojobe xchiʼuk li buchʼu mas pʼije. Li koltael taje te oy li ta Chʼul Tsʼibetik ti laj yichʼ tsʼibael leʼ xa van ta 3,500 jabile, taje jaʼ li Vivliae.
¿Kʼu yuʼun xuʼ jpat koʼontontik li ta Vivliae? Yuʼun li buchʼu laj yakʼ ta naʼele jaʼ li buchʼu mas pʼij ta sjunul vinajel balumile, jaʼ «li Buchʼu mu snaʼ xlaj yoraile». Xi chichʼ albel skʼoplale: «Muʼyuk alikeb xchiʼuk muʼyuk apajeb» (Daniel 7:9; Salmo 90:2). Li Isaias 45:18 chal: «Ti jaʼ Jpasvanej yuʼun vinajele, ti jaʼ melel Diose, ti jaʼ li buchʼu la spas li balumile». Chalbutik stuk ti jaʼ Jeova li sbie (Salmo 83:18).
Ta skoj ti likem tal ta stojolal Jpasvanej kuʼuntik li Vivliae, muʼyuk chchanubtasvan ti oy junuk tsʼunbalil ti mas tsots skʼoplale. Tunem tajek li tojobtaseletik yichʼoj tale xchiʼuk skoltaoj krixchanoetik ta buyuk noʼox lumal, jaʼ li livro ti mas jelubtasbil ta jeltos kʼopetike xchiʼuk ti mas pukbil ta spʼejel balumile. * Jaʼ yuʼun, buchʼuuk noʼox krixchanoal xuʼ xaʼibe smelolal xchiʼuk xbeiltasat, yuʼun li Vivliae xi chale:
«Mu snaʼ xtʼujvan li Diose, yuʼun buyuk noʼox slumal lek ilbil li buchʼu chiʼta xchiʼuk ti tspas kʼusi tukʼe» (ECHOS 10:34, 35).
Jech kʼuchaʼal jun lekil totil ti skʼanoj xchiʼuk ti tskolta li xnichʼnabe, li Jeovae jaʼ jun totil ti skʼanojutik xchiʼuk ti tskoltautik ta Skʼope, li Vivliae (2 Timoteo 3:16). Xuʼ me xapat avoʼonton li ta Skʼop Diose. Ta skoj ti jaʼ la spasutik li Diose, snaʼoj li kʼusi jaʼ sventa jlekilaltike.
¿Kʼusi skʼan xapas sventa xakʼupin taje? Taje te ta jtakʼtik li ta mantal chtale.
^ par. 6 Mi chakʼan chanabe mas yaʼyejal li Vivliae xchiʼuk ti kʼu yelan chichʼ pukele ochan ta www.pr418.com, akʼbo klik ti bu chal CHANUBTASELETIK TA VIVLIA > LI SLOILAL VIVLIAE.
^ par. 16 Mi chakʼan chanabe to mas yaʼyejale, kʼelo li kapitulo 3 li ta livro «Kʼupino akuxlejal ta sbatel osil» ti pasbil yuʼun stestigotak Jeovae, xuʼ xayales ta www.pr418.com/tzo ti bu chal VUNETIK XCHIʼUK YAN KʼUSITIK > LIVROETIK XCHIʼUK FOYETOETIK.
Xuʼ van chakʼupin skʼelel xtok liʼe
LI JKʼEL˗OSIL TA TOYOLE
Li kʼusi chtal ta tsʼakale
Chiʼuk-o batel li spatobil avoʼonton ta sventa li kʼusi yaloj tspas Dios ta jelavel liʼ ta balumil xchiʼuk ta stojolal li krixchanoetike.
LI JKʼEL˗OSIL TA TOYOLE
¿Mi jtunel kuʼuntik li beiltaseletik ta Vivliae?
Ta skoj ti ep xa bu xuʼ jtatik aʼyejetik ta anil noʼoxe, ¿mi oy to van sbalil ti jsaʼtik koltael li ta Vivlia ti oy xa van ta chaʼmil jabil laj yichʼ tsʼibaele?
LI JKʼEL˗OSIL TA TOYOLE
Li Vivlia xchiʼuk li jkuxlejaltike
Li Vivliae tskoltautik yoʼ xkuch kuʼuntik li kʼusitik ta jnuptantik liʼ ta balumile. Chakʼ kiltik xtok kʼu yelan li jkuxlejaltik ta tsʼakale.
KʼUSITIK TSJAKʼIK TA SVENTA VIVLIA
¿Mi yaloj xa onoʼox Vivlia kʼu yelan stalelal krixchanoetik li avie?
Li Vivliae kak xa onoʼox yaloj ti tsok tajek stalelal li krixchanoetike.
