Stalel onoʼox ti chij˗ilin kʼalal oy buchʼu chopol kʼusi tspasbutike. Pe li Diose mu skʼan ti jpak jkʼoplaltike. Tstij koʼontontik yoʼ jaʼuk xkakʼbetik sbaine, yuʼun yaloj ta jamal ti poʼot tslajes li choplejale (Salmo 37:7, 10).

Kʼalal ta jpak jkʼoplaltike, mas to chlik˗o li kʼope. Mi oy buchʼu chopol kʼusi spasojbutike, mu jpakbetik sutel. Jpajtsan jbatik xchiʼuk kakʼtik ta ilel slekil koʼontontik. Bakʼintike jaʼ lek ti mu jtsaktik ta mukʼe (Proverbios 19:11). Bateltik xtoke, skʼan van jchapan li jkʼoptike. Jech kʼuchaʼal mi oy kʼusi chopol laj kichʼtik pasbele, skʼan van xkalbetik polisia o li buchʼutik oy yabtelike.

¿Pe mi mu xchapaj˗o yilel akʼo mi ta slekil avoʼonton chapas? ¿O mi la avakʼ xa avipal, pe ti mu xchapaj˗o yilele? Akʼo mi jech, mu me xapak akʼoplal. Yuʼun xuʼ me stsatsaj˗o li kʼope xchiʼuk xuʼ xlik˗o pʼajbail. Jaʼ lek akʼbo sbain li Diose. Li ta Salmo 37:3-5 xi chale: «Pato avoʼonton ta stojolal, vaʼun lek kʼusi tspas ta atojolal».