¿KʼUXI XUʼ JTSALTIK LI PʼAJBAILE?
1 | Mu xa tʼujvan
Li kʼusi chal Vivliae:
«Mu snaʼ xtʼujvan li Diose, yuʼun buyuk noʼox slumal lek ilbil li buchʼu chiʼta xchiʼuk ti tspas kʼusi tukʼe» (ECHOS 10:34, 35).
¿Kʼusi skʼan xal?
Li Jeovae * muʼyuk tspʼajutik ta skoj jlumaltik, jtsʼunbaltik, jkoloraltik o stalel jkuxlejaltik, yuʼun jaʼ mas tsots skʼoplal chil li kʼusi ta jnoptike xchiʼuk ti kʼu yelan chkaʼi jbatike. Xi chal li Vivliae: «Li krixchanoe jaʼ noʼox tskʼel li kʼusi xil ta sate, pe li Jeovae jaʼ tskʼelbe li kʼusi oy ta yoʼontone» (1 Samuel 16:7).
Paso liʼe:
Akʼo mi mu xkiltik li kʼusi oy ta yoʼonton li jun krixchanoe, pe xuʼ me jchanbetik stalelal Jeova ti mu snaʼ xtʼujvane. Mu xanop ti koʼol skotol li krixchanoetike, akʼo persa ta yojtikinel ta jujuntal. Mi chavakʼ venta ti chlik apʼaj yantik ta skoj slumal o stsʼunbale, kʼanbo koltael Dios sventa xajel li anopbene xchiʼuk ti xalokʼes ta avoʼontone (Salmo 139:23, 24). Jpʼel skʼoplal ta skoltaot Dios sventa xjel li anopbene (1 Pedro 3:12).
^ par. 6 Li sbi Diose jaʼ Jeova (Salmo 83:18).
«Muʼyuk bu xkil ti jun koʼonton [...] xchiʼuk jun krixchano ti sak skolorale. Avie oy xa kutsʼ kalal ta spʼejel balumil» (TITUS).
Xuʼ van chakʼupin skʼelel xtok liʼe
¡VIK'ILUK ME JSATIK!
¿Mi oy kʼusi chopol chanop ta stojolal yantik?
¿Kʼuxi xuʼ xkakʼtik venta mi chopol kʼusi ta jnoptik ta stojolal li yantike?
