Li kʼusi chtal ta tsʼakale
¿Mi oy ajakʼojbe aba kʼusi chkʼot ta pasel ta jtojolaltik li ta jelavele? Li Vivliae chal ti oy kʼusitik labalik sba poʼot xkʼot ta pasel ti te tsakal jkʼoplaltik jkotoltike.
Li Jesuse laj onoʼox yal komel kʼuxi xuʼ jnaʼtik mi «nopol xa li Ajvalilal yuʼun Diose» (Lukas 21:31). Laj yal ti chkʼot ta pasel mukʼtik paskʼop, tsatsal nikeletik, tsatsal viʼnal xchiʼuk tsatsal chameletik. Taje jaʼ li kʼusi yakal xa chkʼot ta pasel li ta jkʼakʼaliltike (Lukas 21:10-17).
Li Vivliae chal ti kʼalal jutuk xa ox xkʼan xichʼ akʼbel slajeb li ajvaliletik liʼ ta balumile te chkiltik ti yantik sok batel stalelal li krixchanoetike. Kʼelo avil li albil kʼop ta 2 Timoteo 3:1-5. a ¿Mi mu jechuk ti jaʼ jech stalelal li krixchanoetik avi kʼakʼale?
¿Kʼusi skʼan xal taje? Jaʼ ti poʼot xa tajek xakʼ talel lekilal liʼ ta balumil li Ajvalilal yuʼun Dios sventa xlekub li jkuxlejaltike (Lukas 21:36). Li Diose jamal yaloj ta Vivlia ti oy kʼusi lek tspas ta stojolal li balumile xchiʼuk ta stojolal li krixchanoetike. Jkʼeltik junchibuk skʼelobiltak.
JUN LEKIL AJVALIL
Li Jesuse «vaʼanat ta ajvalil, laj yichʼ ichʼel ta mukʼ xchiʼuk akʼbat ta skʼob li ajvalilale sventa xlik tunikuk ta stojolal li jteklumetike, li mukʼtik lumetike xchiʼuk li buchʼutik jeltos skʼopike. Li ajvalilal tspase te-o sbatel osil, muʼyuk chlaj-o skʼoplal» (DANIEL 7:14).
¿Kʼusi skʼan xal? Jaʼ ti jun xa noʼox koʼontontik chijkuxi sbatel osil liʼ ta balumil ta skoj ti jaʼ xa ch-ajvalilaj li Xnichʼon Diose.
MUʼYUK XA CHIJ-IPAJ
«Mi junuk jnaklej ta balumil xi chale: ‹Toj ipun›» (ISAIAS 33:24).
¿Kʼusi skʼan xal? Jaʼ ti muʼyuk xa kʼusi ta jnuptantike xchiʼuk muʼyuk xa bu chij-ipaj. Jech xtok, muʼyuk xa bu chijcham ta sbatel osil.
JUN OʼONTONAL
«Tslajesbe skʼoplal li paskʼopetik ta spʼejel balumile» (SALMO 46:9).
¿Kʼusi skʼan xal? Jaʼ ti jun xa noʼox koʼontontike, muʼyuk xa bu chlik-o paskʼop.
CHNOJ TA LEKIL KRIXCHANOETIK LI BALUMILE
«Chchʼay skʼoplal li buchʼutik toj chopolike [...]. Yan li manxoetike jaʼ chuʼuninik li balumile» (SALMO 37:10, 11).
¿Kʼusi skʼan xal? Chlaj skʼoplal li chopol krixchanoetike, jaʼ xa noʼox chkuxiik li lekil krixchanoetik ti chchʼunbeik smantal Diose.
TSPAS TA PARAISO SPʼEJEL LI BALUMILE
«Ta xlik svaʼan snaik sventa te chnakiik, ta stsʼun s-uvaik sventa tslobeik sat» (ISAIAS 65:21, 22).
¿Kʼusi skʼan xal? Spʼejel li balumile tspas ta jun kʼupil sba nichimaltik. Li Diose chkʼot yuʼun ta pasel li kʼusi ta jkʼanbetik ta orasione jaʼ ti akʼo kʼotuk ta pasel li kʼusi tskʼan yoʼonton ta sba balumile (Mateo 6:10).
a Xuʼ xakʼel li Vivlia ta Internet ta www.pr418.com.
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Kʼusitik tspas li Ajvalilal yuʼun Diose?
Kʼelavil kʼusi tspas li Ajvalilal yuʼun Dios kʼalal mi lik spas mantal ta balumile.
