«Akʼo taluk li Ajvalilal avuʼune»: Ep tajek buchʼutik jech tskʼan ta s-orasionik
¿Mi oy akʼanoj junuk velta ti akʼo taluk li Ajvalilal yuʼun Diose? Taje ep buchʼutik jech skʼanojik li ta s-orasionike. ¿Kʼu yuʼun? Yuʼun li Jesuse laj yalbe yajchankʼoptak ti xiuk skʼanike: «Akʼo taluk li Ajvalilal avuʼune».
Li yajchankʼoptak Jesuse muʼyuk to’ox lek laj yaʼibeik smelolal ta sventa li Ajvalilal yuʼun Diose. Jun veltae xi la sjakʼbeik li Jesuse: «Kajval, ¿mi yuʼun yakal xa chchaʼta yav avuʼun li ajvalilal ta Israel avie?». Labal to van laj yaʼiik ti muʼyuk jamal takʼbatik li kʼusi la sjakʼike (Echos 1:6, 7). Pe ¿mi jaʼ van skʼan xal ti muʼyuk xa chkaʼibetik smelolal kʼusi jaʼ li Ajvalilal yuʼun Diose xchiʼuk ti kʼusi ora chtale? Mu jechuk.
Li ta revista liʼe chichʼ takʼel batel li sjakʼobiltak liʼe:
¿Kʼu yuʼun chtun kuʼuntik li Ajvalilal yuʼun Diose?
¿Buchʼu stʼujoj Dios sventa x-och li ta Ajvalilale?
¿Bakʼin chlik spas mantal liʼ ta balumile?
¿Kʼusi tspas ta jtojolaltik li Ajvalilal yuʼun Diose?
¿Kʼu yuʼun skʼan xa noʼox jkoltatik li Ajvalilal yuʼun Diose?
¿Kʼusi jaʼ li Ajvalilal yuʼun Diose?
Xuʼ van chakʼupin skʼelel xtok liʼe
LI JKʼEL˗OSIL TA TOYOLE
Kʼusitik chichʼ jakʼel ta sventa Vivlia
LI KʼUSI BAʼYEL SKʼAN JCHANTIK TA VIVLIAE
¿Kʼusi jaʼ li Ajvalilal yuʼun Diose?
Kʼalal la xchol mantal li Jesuse, jaʼ mas laj yalbe skʼoplal li Ajvalilal yuʼun Diose. Li krixchanoetike voʼne xa lik skʼanik ti xtal li ajvalilal taje.
KʼUSITIK TSJAKʼIK TA SVENTA VIVLIA
¿Kʼu yelan skʼan jpas orasion? ¿Mi jaʼ jech skʼan jpas kʼuchaʼal li padrenuestroe?
Li orasion ti padrenuestro sbie maʼuk noʼox me li orasion chchikinta li Diose.
