Xuʼ me xata li bendision chak’ tal li Dios ti sna’ xkʼanvane
¿Mi oy ta avoʼonton ti teuk xanaki ti bu muʼyuk paskʼop, majbail o yan kʼopetike?
¿Mi oy ta avoʼonton ti muʼyukuk xa chameletik, vokoliletik xchiʼuk lajelale?
¿Mi oy ta avoʼonton ti muʼyukuk xa kʼusi chavul-o avoʼonton xchiʼuk ti xamuyubaj noʼoxe?
¿Mi xnop avuʼun ti muʼyuk xa chijxiʼ mi chtal nikel, nojelal ta voʼ o yan kʼusitike?
Taje ta onoʼox me xkʼot ta pasel. Li buchʼu la spas li jbalumiltik ti kʼupil sba tajeke jaʼ jun Dios ti lek snaʼ xkʼanvane xchiʼuk yalojbutik ta jamal ti xuʼ jun noʼox koʼontontik xijkuxi sbatel osile.
Li ta mantaletik chtale, ta xichʼ takʼel li sjakʼobiltak liʼe:
¿K’u yelan chilutik li Jpasvaneje?
¿Kʼusi chakʼ jchantik li Skʼop Diose?
¿Kʼusi laj yalik li j-alkʼopetik ta sventa li kʼusi yalojbe ta jamal krixchanoetik li Diose?
¿Kʼuxi tskoltautik Dios sventa xijmuyubajutik noʼox li avie xchiʼuk li ta jelavele?
Kalbetik junantik sprevailtak ti skʼanojutik li Jpasvanej kuʼuntike.
