¿Mi chchikinta Dios kʼalal ta jkʼopontike?
Kʼalal chapas orasione, ¿mi chchikintabot xanaʼ li Diose?
¿KʼUSI CHAL LI VIVLIAE?
Chchikintabot li Diose. Xi jamal chal li Vivliae: «Li Jeovae nopol oy ta stojolal skotol li buchʼutik tskʼanbeik vokole, skotol li buchʼutik tskʼanbeik vokol ta melele [...]; chchikintabe kʼalal xvokolet tskʼanik koltaele» (Salmo 145:18, 19).
Li Diose tskʼan ti xakʼopone. Xi tstij koʼontontik li Vivliae: «Albeik Dios ta orasion li kʼusi chavul-o avoʼontonike, ta sjunul avoʼontonik xakʼanik vokol xchiʼuk tojik ta vokol kʼalal chapasik orasione» (Filipenses 4:6).
Oyot ta yoʼonton li Diose. Li Diose yiloj li kʼusi yakal chanuptane xchiʼuk li kʼusi chavul-o avoʼontone, jaʼ yuʼun tskʼan ta skoltaot. Xi chalbutik li Vivliae: «Akʼbeik me sbain skotol li kʼusi chavul-o avoʼontonike, yuʼun oyoxuk ta yoʼonton» (1 Pedro 5:7).