LI JKʼEL˗OSIL TA TOYOLE 2018, numero 1 | ¿Mi jtunel-o kuʼuntik li Vivliae?
¿MI JTUNEL-O KUʼUNTIK LI VIVLIAE?
Li avie ep chkaʼitik aʼyejetik xchiʼuk ep kʼusitik achʼ chlokʼanuk talel. ¿Mi toj jtunel-o li Vivlia akʼo mi voʼne xa tajek slokʼele? Xi chal stuk li Vivliae:
«Laj yakʼ ta naʼel Dios skotol li Tsʼibetike xchiʼuk toj jtunel» (2 Timoteo 3:16).
Li revista liʼe chalbe skʼoplal mi ta melel xuʼ sbeiltasutik ta jkuxlejaltik li Vivliae.
¿Mi jtunel kuʼuntik li beiltaseletik ta Vivliae?
Ta skoj ti ep xa bu xuʼ jtatik aʼyejetik ta anil noʼoxe, ¿mi oy to van sbalil ti jsaʼtik koltael li ta Vivlia ti oy xa van ta chaʼmil jabil laj yichʼ tsʼibaele?
Mu xlaj-o skʼoplal li kʼusi chal Vivliae
Muʼyuk sokem-o li kʼusi chal Vivlia ta sventa li kʼusitik achʼ chanbil tal skʼoplale. Li tojobtaseletik yichʼoje toj jtunelik-o xchiʼuk muʼyuk chlaj-o sbalil.
¿Mi yaloj xa onoʼox li kʼusi muʼyuk toʼox nabile?
Li Vivliae ma’uk sventa poxiletik, pe oy mantaletik ti jech chal k’ucha’al li sientifikoetike.
1 Tskoltautik yoʼ mu jtikʼ jbatik ta vokoliletik
Kʼelavil ti kʼuxi staojik koltael li ta tojobtaseletik chakʼ Diose xchiʼuk ti kʼuxi muʼyuk stikʼoj-o sbaik li ta tsatsal kʼopetik chvul ta jkuxlejaltike.
2 Tskoltautik xchapanel li kʼusitik ta jnuptantike
Li Vivliae tskoltautik ta xchapanel li kʼusi ta jnuptantike, li at-ontone, ti jtuk chkaʼi jbatike o ti jaʼ to ta tsʼakal chkiktatik spasel li kʼusitike.
3 Tskoltautik yoʼ xkuch kuʼuntik li vokoliletike
Kʼalal ta jnuptantik vokoliletik ti muʼyuk xchapanobil jech kʼuchaʼal tsatsal chamel o kʼalal oy buchʼu chcham kuʼuntike. ¿Mi xuʼ van skoltautik li Vivliae?
Li Vivlia xchiʼuk li jkuxlejaltike
Li Vivliae tskoltautik yoʼ xkuch kuʼuntik li kʼusitik ta jnuptantik liʼ ta balumile. Chakʼ kiltik xtok kʼu yelan li jkuxlejaltik ta tsʼakale.
¿Kʼusi chanop li voʼote?
Kʼelo li kʼusi chal jlom krixchanoetik xchiʼuk li kʼusi chal Vivlia sventa xakʼot ta yamigo li Diose.