Tskʼan chchabiot li Diose
TE TA jtatik lekil tojobtasel li ta Vivliae, yuʼun likem talel ta stojolal Dios. Melel onoʼox ti maʼuk slivroal poxil li Vivliae, pe li kʼusitik chale tskoltautik sventa stsal kuʼuntik kʼalal toj tsots ta jvul koʼontontike, kʼalal chopolik li kʼusi ta jnoptike, kʼalal oy kʼusi kʼux chkaʼitike, kʼalal iputik ta jnopbentik o ta jbekʼtaltike.
Jech xtok, li Vivliae chalbutik ti Jeova a Diose jaʼ noʼox stuk snaʼ li kʼusi ta jnoptike xchiʼuk ti kʼu yelan chkaʼi jbatike, yuʼun jaʼ Jpasvanej kuʼuntik. Tskʼan chchabiutik xchiʼuk tskʼan tskoltautik kʼalal jaʼo chkil jvokoltike. Jech kʼuchaʼal liʼe, nopbo skʼoplal li chib teksto ta Vivlia liʼe. Xuʼ tspat avoʼonton.
«Nopol oy Jeova ta stojolal li buchʼutik muʼyuk xa te tsakal chaʼi li yoʼontonike; tskolta li buchʼutik chat yoʼontonike» (SALMO 34:18).
«Jtsakoj lek abatsʼikʼob voʼon ti Jeovaune, voʼon li Adiosune, xi chkalbote: ‹Mu xaxiʼ. Voʼon ta jkoltaot›» (ISAIAS 41:13).
¿Pe kʼuxi tskoltautik Jeova sventa xkuch batel kuʼuntik kʼalal iputik ta jnopbentike? Li ta yan mantaletik chtale te chavakʼ venta ti tskʼan chchabiutik li Jeovae, yuʼun ep kʼutik yelan tskoltautik.
a Li sbi Diose jaʼ Jeova (Salmo 83:18).
