XCHANOBIL 5
Li talelaletik chkakʼtik ta ilel kʼalal chijbat ta tsobajeletike
«Yakal chavalbeik-o skʼoplal li slajel Kajvaltik jaʼ to mi vule» (1 KOR. 11:26).
KʼEJOJ 18 Ta jtojkutik ta vokol li pojelale
LI KʼUSI TA JCHANTIKE *
1, 2. 1) ¿Kʼusi tskʼel Jeova kʼalal ep ta jtsob jbatik li ta Konmemorasion? (Kʼelo li lokʼol ta pajina 1). 2) ¿Kʼusi ta jkʼelbetik batel skʼoplal?
TA SMIYONAL xa noʼox ta jtsob jbatik li ta Konmemorasion ta spʼejel balumile. ¿Kʼusi tskʼel Jeova kʼalal jech ta jtsob jbatike? Li stuke tstsak ta venta ta jujuntal li buchʼutik chkʼotike. Chil li buchʼutik chkʼotilan jujun jabile xchiʼuk li buchʼutik chkʼotik ti chil svokolik ta skoj kontrainele. Yiloj xtok li buchʼutik muʼyuk chkʼotik ta skotol tsobajeletik ti chjelav jujun xemanae, pe ti persa chkʼotik li ta Konmemorasione. Jech xtok, ilbilik yuʼun Jeova li buchʼutik jaʼ to chkʼotik ta sba velta ta skoj ti tskʼan chbat skʼelik kʼu yelan chichʼ pasel li tsobajele.
2 Li Jeovae lek tajek chil kʼalal ta jtsob jbatik li ta Konmemorasione (Luk. 22:19). Pe li kʼusi mas lek chile jaʼ ti kʼu yuʼun chijbate maʼuk ti kʼu kepaltik ta jtsob jbatike. Li ta xchanobil liʼe ta jkʼeltik kʼusi talelalil tstij koʼontontik sventa xijbat li ta Konmemorasione xchiʼuk li ta yan tsobajeletik xchapanoj Jeova sventa li buchʼutik tskʼan chtunik ta stojolale.
(Kʼelo parafo 1, 2) *
KʼALAL BIKʼIT CHKAKʼ JBATIKE STIJ KOʼONTONTIK YOʼ XIJBAT TA TSOBAJELETIK
3, 4. 1) ¿Kʼu yuʼun chijbat li ta tsobajeletike? 2) ¿Kʼusi talelalil chkakʼtik ta ilel kʼalal chijbat ta tsobajeletike? 3) Jech kʼuchaʼal chal li 1 Korintios 11:23 kʼalal ta 26, ¿kʼu yuʼun skʼan xijbat li ta Konmemorasione?
3 ¿Kʼu yuʼun chijbat ta tsobajel jujun xemana? Yuʼun jaʼ jech chkichʼtik ta mukʼ li Diose xchiʼuk jaʼ te chchanubtasutik. Li buchʼutik tstoy sbaike tsnopik ti snaʼik xa skotole, jaʼ yuʼun mu xa skʼanik chanubtasel (3 Juan 9). Pe mu jechutik li voʼotike, yuʼun ta jkʼantik ti jaʼuk xchanubtasutik li Jeova xchiʼuk li s-organisasione (Is. 48:17, 18; Juan 6:45).
4 Kʼalal chijbat ta tsobajel jujun xemanae, te chkakʼtik ta ilel ti bikʼit chkakʼ jbatike xchiʼuk ti ta jkʼantik akʼo xchanubtasutik li Jeovae. Maʼuk noʼox chijbat ta Konmemorasion ta skoj ti jech skʼan pasele, moʼoj, yuʼun oy ta koʼontontik spasel li kʼusi laj yal komel Jesus liʼe: «Jech xapasilanik-o sventa jnaʼobil» (kʼelo 1 Korintios 11:23-26). Li tsobajeletik taje tstsatsubtas li spatobil koʼontontike xchiʼuk tsvules ta joltik kʼu to yepal skʼanojutik li Jeovae. Li stuke snaʼoj ti mu baluk noʼox ti jkoj ta jabil jtsatsubtas li koʼontontike, jaʼ yuʼun xchapanoj tsobajeletik jujun xemana xchiʼuk oy ta yoʼonton ti xijbate. Mi bikʼit chkakʼ jbatike, jaʼ tstij koʼontontik sventa xijbat xchiʼuk ti jchʼak jkʼakʼaltik yoʼ jchapan jbatik sventa li tsobajeletike.
5. ¿Kʼu yuʼun chchʼamik li takel ta ikʼel chakʼ Jeova li buchʼutik bikʼit yakʼoj sbaike?
5 Skotol jabil epal krixchanoetik ti bikʼit yakʼoj sbaike chchʼamik li takel ta ikʼel tspas Jeova sventa oyuk kʼusi xchanik ta stojolale (Is. 50:4). Li krixchanoetike jutuk mu skotoluk velta jaʼ baʼyel chbatik li ta Snaʼobil slajel Kristoe, vaʼun jaʼ tsʼakal to chbatik li ta tsobajel jujun xemanae (Zac. 8:20-23). Akʼo mi jal xa kocheltik ta mantal o mi achʼ to, pe jkotoltik oy ta koʼontontik xchʼamel li chanubtasel chakʼ li Jeovae yuʼun jaʼ tskoltautik xchiʼuk chakʼ jkolebaltik (Sal. 40:17). Stuk noʼox me jech kʼalal ta jchʼamtik li takel ta ikʼel sventa xijbat ta tsobajeletike, yuʼun jaʼ te chchanubtasutik li Jeovae xchiʼuk li skʼanbil Nichʼone (Mat. 17:5; 18:20; 28:20).
6. Ta skoj ti bikʼit yakʼoj sba li jun vinike, ¿kʼuxi koltaat sventa xbat li ta Snaʼobil slajel Kristoe?
6 Jujun jabil chkakʼtik persa stakel ta ikʼel krixchanoetik li ta Konmemorasione. Li buchʼutik bikʼit yakʼoj sbaike xchʼamojik li takel ta ikʼel taje xchiʼuk staojbeik sbalil. Jun skʼelobile, jaʼ li kʼusi kʼot ta pasel leʼ xa bal jayibuk jabile. Oy jun ermano la stak ta ikʼel jun vinik li ta Konmemorasione, li vinike laj yal ti mu xuʼ yuʼune. Pe jaʼ laj to yile, kʼot ta Konmemorasion li vinik la stak ta ikʼele xchiʼuk lek tajek laj yaʼi ti kʼu yelan laj yichʼ chʼamele. Jaʼ yuʼun lik batuk ta skotol tsobajel ti ch-echʼ jujun xemanae. Kʼajomal noʼox la xchʼay oxib tsobajel ta jun jabil, ¿kʼusi tijbat-o yoʼonton ti lik batuk ta tsobajeletike? Xi laj yal ta tsʼakal li ermano ti takvan ta ikʼele: «Li vinike bikʼit tajek yakʼoj sba». Jamal xvinaj ti jaʼ Jeova laj yikʼ tal ta steklumale, avi kʼakʼale, li vinik taje yichʼoj xa voʼ xchiʼuk jaʼ xa kermanotik (2 Sam. 22:28; Juan 6:44).
7. ¿Kʼuxi tskoltautik li tsobajel xchiʼuk li xchanel Vivlia sventa bikʼit xkakʼ jbatike?
7 Li kʼusi ta jchantik ta jujun tsobajel xchiʼuk li kʼusi ta jchan ta Jvivliatike, jaʼ tskoltautik sventa bikʼit xkakʼ jbatik. ¿Kʼusi ta jchantik ta tsobajel kʼalal junchib xa noʼox xemana skʼan li Konmemorasione? Jaʼ chichʼ chanbel skʼoplal li Jesuse xchiʼuk ti kʼu yelan bikʼit laj yakʼ sba yoʼ xakʼ xkuxlejal ta jtojolaltike. Jech xtok, kʼalal junchib xa noʼox kʼakʼal skʼan li Konmemorasione, chkichʼtik albel ti akʼo jchan Jvivliatik yoʼ bu chalbe skʼoplal li kʼusitik kʼot ta stojolal Jesus kʼalal chichʼ xa ox milele xchiʼuk kʼalal laj yichʼ chaʼkuxesele. Mi la jchantike, jaʼ me tskoltautik yoʼ epuk sbalil xkiltik li kʼusi la spas Jesuse, ti jchanbetik ti bikʼit laj yakʼ sbae xchiʼuk ti jpastik li kʼusi tskʼan Jeova akʼo mi mu kʼunuk chkaʼitike (Luk. 22:41, 42).
LI STSATSAL KOʼONTONTIKE TSKOLTAUTIK YOʼ XIJBAT TA TSOBAJELETIK
8. ¿Kʼuxi laj yakʼ ta ilel Jesus ti tsots yoʼontone?
8 Li yan stalelal Jesus ti xuʼ jchanbetike jaʼ ti tsots yoʼontone. Jnoptik kʼuxi laj yakʼ Mat. 20:17-19). Akʼo mi snaʼoj li kʼusitik tsnuptane, jpʼel ta yoʼonton ti chakʼ xkuxlejale. Kʼalal kʼot saʼatuk yuʼun li epal krixchanoetike, xi laj yalbe li tukʼil yajtakboltak kʼalal te oyik ta nichimaltik Jetsemanie: «Likanik, batik xa. ¡Kʼelo avilik! Nopaj xa tal li buchʼu chakʼun ta kʼabale» (Mat. 26:36, 46). Kʼalal kʼotike, laj yakʼ sba ta ojtikinel li Jesuse xchiʼuk xi laj yalbe li soltaroetike: ‹Mi voʼon chasaʼikune, akʼo batikuk li kajtakboltake› (Juan 18:3-8). ¿Mi mu jechuk ti laj yakʼ ta ilel stsatsal yoʼonton kʼalal jech la spase? Avi eke, li buchʼutik tʼujbil chbatik ta vinajel xchiʼuk li yan chijetike yakal chchanbeik stsatsal yoʼonton li Jesuse, pe ¿kʼuxi yakal chchanbeik?
ta ilel stsatsal yoʼonton kʼalal jutuk xa ox skʼan xchame. Li Jesuse snaʼoj ti chichʼ ‹labanel, tsitsel xchiʼuk ti chichʼ milel ta jtel teʼ› yuʼun li yajkontratake (Li kermanotaktike tstsatsubik-o kʼalal oy stsatsal koʼontontik chijbat ta tsobajele. (Kʼelo parafo 9). *
9. 1) ¿Kʼu yuʼun skʼan oyuk stsatsal koʼontontik sventa xijbat li ta tsobajeletike? 2) Kʼalal tukʼ chijtun ta stojolal Jeovae, ¿kʼuxi tstabeik sbalil li ermanoetik ti tikʼilik ta chukele?
9 Kʼalal oy kʼusitik ta jnuptantike, vokol chkaʼitik sventa xijbat ta tsobajel jujun xemana. Mi jech chavaʼi abae, skʼan oyuk stsatsal avoʼonton. Junantik ermanoetike chil svokolik ta chamel, chat noʼox yoʼontonik xchiʼuk chibajemik ta mantal. Yantik xtoke chil svokolik ta skoj ti chichʼik kontrainel yuʼun li yutsʼ yalalike o ta xichʼik kontrainel yuʼun li ajvalile. Jnoptik ta stojolal li ermanoetik ti tikʼilik ta chukel ta skoj li xchʼunel yoʼontonike. ¿Mi anaʼoj ti tstabeik sbalil ti kʼu yelan tukʼ chavakʼ abae? (Evr. 13:3). Kʼalal chaʼiik ti yakal chijtun-o ta stojolal Jeova akʼo mi oy kʼusitik ta jnuptantike, jaʼ chkoltaatik sventa tsotsuk xchʼunel yoʼontonik, ti oyuk stsatsal yoʼontonike xchiʼuk ti tukʼuk xakʼ sbaike. Li jtakbol Pabloe jaʼ jechtik yelan la snuptan. Kalal jaʼo te tikʼil ta chukel ta Romae, xmuyubaj noʼox kʼalal chaʼi ti yakal chtunik-o ta stojolal Jeova li yermanotake (Filip. 1:3-5, 12-14). Jaʼ yuʼun, kʼalal jutuk xa ox skʼan xlokʼ ta chukele o kʼalal mu toʼox jaluk slokʼele, la stsʼiba li karta sventa j-evreoetike, te laj yalbe batel yermanotak ti akʼo mu xikta sbaik ta tsobajel xchiʼuk xi to laj yale: «Jechuk-o xakʼan achiʼilik ta chʼunolajel jech kʼuchaʼal skʼanoj sbaik ta jujuntal li buchʼutik xchiʼil sbaik ta vokʼele» (Evr. 10:24, 25; 13:1).
10, 11. 1) ¿Buchʼutik skʼan jtaktik ta ikʼel li ta Snaʼobil slajel Kristoe? 2) Li Efesios 1:7, ¿kʼu yuʼun chal ti skʼan xkikʼtik tale?
10 Kʼalal ta jtaktik ta ikʼel ta Snaʼobil slajel Kristo li kutsʼ kalaltik, li jchiʼiltik ta abtel xchiʼuk li jlakʼnatike, te chkakʼtik ta ilel ti oy stsatsal koʼontontike. ¿Kʼu yuʼun chkakʼ kipaltik sventa jtaktik ta ikʼel? Yuʼun ep tajek sbalil chkiltik li kʼusi la spas ta jtojolaltik li Jeova xchiʼuk Jesuse. Oy ta koʼontontik xtok ti snaʼik kʼuxi xuʼ stabeik sbalil li pojelal laj yakʼ Jeova ta «slekil yutsil yoʼontone» (kʼelo Efesios 1:7; Apok. 22:17).
11 Jech xtok, kʼalal chijbat ta tsobajeletike oy yan talelal chkakʼtik ta ilel ti toj tsots skʼoplale. Li Jeova xchiʼuk Jesuse yakʼojik lek ta ilel li talelal taje.
LI KʼANELALE TSTIJ KOʼONTONTIK YOʼ XIJBAT TA TSOBAJELETIK
12. 1) Li tsobajeletike, ¿kʼuxi tskoltautik sventa jkʼantik mas li Jeova xchiʼuk Jesuse? 2) Jech kʼuchaʼal chal li 2 Korintios 5: 14 xchiʼuk 15, ¿kʼuxi xuʼ jchanbetik stalelal li Jesuse?
12 Li kʼanelal chkaʼitik ta stojolal Jeova xchiʼuk Jesuse jaʼ tstij koʼontontik yoʼ xijbat ta tsobajeletik, vaʼun kʼalal chijbate jaʼ tstsatsub-o mas li kʼanelal chkaʼitik ta stojolalike. ¿Kʼu yuʼun? Yuʼun li ta tsobajeletike nopajtik noʼox tsvules ta joltik li kʼusi spasojik ta jtojolaltike (Rom. 5:8). Li tsobajel ti bu mas tsvules ta joltik ti skʼanojutik li Jeova xchiʼuk ti skʼanoj li yan krixchanoetike, jaʼ li Konmemorasione. Solel ep tajek sbalil chkiltik li kʼusi spasojik ta jtojolaltike, jaʼ yuʼun kakʼtik persa ta xchanbel stalelalik jujun kʼakʼal (kʼelo 2 Korintios 5:14, 15). Jech xtok, li kʼanelale tstij koʼontontik yoʼ xkichʼtik ta mukʼ Jeova ti laj yakʼ ta matanal li Xnichʼone. Xuʼ me jaʼo chkichʼtik ta mukʼ kʼalal chkakʼ jloʼiltik ta tsobajeletike.
13. Albo smelolal kʼuxi xuʼ xavakʼ ta ilel ti akʼanoj li Jeova xchiʼuk Jesuse.
13 ¿Kʼuxi xuʼ xkakʼbetik yil Jeova xchiʼuk Jesus ti jkʼanojtike? Jaʼo kʼalal oy kʼusi chkakʼtik persa spasele. Junantik tsobajel ta xokol kʼakʼale jaʼo ch-echʼ kʼalal chlaj yoʼonton ta abtel li ermanoetike, jaʼ yuʼun xuʼ van lubem noʼox chaʼi sbaik. Jech xtok, li tsobajel ta savado o domingoe jaʼo ch-echʼ kʼalal chkux yoʼontonik li krixchanoetike. ¿Mi chakʼ van venta Jeova ti chijbat ta tsobajel akʼo mi lubem xa chkaʼi jbatike? Tana. Li stuke ep tajek sbalil chil kʼalal chkakʼtik persa chijbat ta tsobajel akʼo mi tsots chkaʼitik (Mar. 12:41-44).
14. ¿Kʼusi slekil kʼelobil laj yakʼ kiltik li Jesuse?
14 Li buchʼu xuʼ lek jchanbetik stalelal sventa xkakʼtik ta ilel kʼanelal ta stojolal yantike jaʼ li Jesuse. Li stuke maʼuk noʼox cham ta stojolal li yajchankʼoptake, moʼoj, yuʼun jaʼ mas tsots skʼoplal laj yil ti kʼu yelan chaʼi sbaike. La xchiʼinan ta loʼil akʼo mi lubem chaʼi sba xchiʼuk ti tsvul yoʼontone (Luk. 22:39-46). Jech xtok, laj yakʼ ta yoʼonton skoltael li yantike, maʼuk ti xichʼ koltael stuke (Mat. 20:28). Mi jaʼ jech jkʼanojtik li Jeova xchiʼuk li kermanotaktike, ta me xkakʼ kipaltik sventa xijbat li ta Konmemorasione xchiʼuk li ta yan tsobajeletik chjelav jujun xemanae.
15. ¿Buchʼutik skʼan mas oyuk ta koʼontontik skoltael?
Gal. 6:10). Kʼalal ta jtijbetik yoʼontonik sventa xtalik ta tsobajele, chkakʼtik ta ilel ti oy ta koʼontontike, pe mas to kʼalal chkikʼtik tal ta Konmemorasione. Li Jeova xchiʼuk Jesuse xmuyubajik tajek kʼalal chilik ti chchaʼtal ta tsobajel li buchʼutik yiktaoj sbaik ta mantale, jaʼ jech chkaʼi jbatik ek kʼalal chchaʼsutik tal ta stojolal li Jchabichij kuʼuntik ti jaʼ jun jkʼanvanej Totile (Mat. 18:14).
15 Stuk noʼox jech ti oy kermanotaktik ta spʼejel balumile xchiʼuk oy tajek ta koʼontontik stakʼel ta ikʼel li krixchanoetik sventa xkʼot ta kermanotike. Pe li buchʼutik skʼan mas jkoltatike, jaʼ «li buchʼutik koʼol xchʼunel koʼontontik jchiʼuktike», jaʼ xkaltik, li buchʼutik yiktaoj sbaik ta mantale (16. 1) ¿Kʼusi skʼan jtijbe jba koʼontontik ta spasel, xchiʼuk kʼuxi tskoltautik li tsobajeletike? 2) Li ta yuilal Konmemorasione, ¿kʼu yuʼun sta-o tajek ti jchantik li Juan 3:16?
16 Li xemanaetik chtale, skʼan xkakʼ kipaltik ti bu kʼalal xuʼ kuʼuntik yoʼ jtaktik ta ikʼel krixchanoetik li ta Snaʼobil slajel Kristo ti chkʼot ta pasel ta yakʼobalil viernes 19 yuʼun avril ta 2019 (kʼelo li rekuadro « ¿Mi ta jtaktik ta ikʼel yan krixchanoetik?»). Jech xtok, skʼan xkakʼtik persa ti jtijbe jba koʼontontik sventa xijtalilan li ta tsobajeletike. Poʼot xa me xtal slajeb li kʼusitik chopol ta balumile. Jaʼ yuʼun tsots tajek skʼoplal ti mu jchʼaytik jkojuke, yuʼun jaʼ me tskoltautik yoʼ xkakʼtik-o ta ilel ti bikʼit chkakʼ jbatike, ti oy stsatsal koʼontontike xchiʼuk ti jnaʼ xijkʼanvane (1 Tes. 5:8-11). Kakʼbetik yil Jeova xchiʼuk Jesus ti ta jtojtik ta vokol ti kʼu yelan yakʼojik ta ilel ti skʼanojutike (kʼelo Juan 3:16).
KʼEJOJ 126 Vikʼiluk-o me jsatik xchiʼuk tsotsuk-o me koʼntontik
^ par. 5 Li tsobajel mas tsots skʼoplal ta jpastike jaʼ li Snaʼobil slajel Kristo ti chichʼ pasel ta yakʼobalil viernes 19 yuʼun avril ta 2019. ¿Kʼu yuʼun chijbat li ta tsobajel taje? Yuʼun oy ta koʼontontik yichʼel ta mukʼ li Jeovae. Jaʼ yuʼun, li ta xchanobil liʼe ta jchantik kʼusi talelalil chkakʼtik ta ilel kʼalal chijbat li ta Konmemorasione xchiʼuk li ta tsobajeletik ch-echʼ jujun xemanae.
^ par. 50 LOKʼOL TA PAJINA 1: Ta spʼejel balumil chichʼ chʼamel ta smiyonal xa noʼox krixchanoetik ti chbatik li ta Veʼlil ta bat kʼakʼal yuʼun Kajvaltike.
^ par. 52 LI KʼUSI XVINAJ TA LOKʼOLETIKE: Jun ermano ti tikʼil ta chukele patbat tajek yoʼonton kʼalal la xchan li karta ti takʼbat tal yuʼun yutsʼ yalale. Xmuyubaj tajek yuʼun chakʼ venta ti muʼyuk bu tenbil komel yuʼun yutsʼ yalal xchiʼuk ti chtunik-o ta stojolal Jeova akʼo mi oy kʼopetik ti bu nakalike.