¿Mi ta jsaʼ jnakʼobbailtik ta stojolal li Jeovae?
«Li Mucʼul Diose tscolta li yajtuneltaque; mu xʼacʼbat stoj smulic li bochʼo xchʼunojic ti jaʼ chcoltaatic yuʼune [o ti jaʼ snakʼobbailike]» (SAL. 34:22).
KʼEJOJ: 49, 32
1. ¿Kʼu yelan chaʼi sbaik junantik ermanoetik ta skoj ti oy bu tspas smulike?
JUN velta li jtakbol Pabloe chibaj yoʼonton, jaʼ yuʼun xi laj yale: «¡Solel toj abol jba!» (Rom. 7:24). Li avi eke, epal ermanoetik chchibajik akʼo mi yakʼojbeik yipal ta spasel li kʼusi lek chil Jeovae. Taje jaʼ ta skoj ti oy kʼusitik ti mu jechuk chbat ta pasel yuʼunike xchiʼuk ta skoj ti jpasmulilutike. Junantik ti spasoj tsots smulike tsnopik ti muʼyuk ch-akʼbatik-o perton yuʼun li Jeovae.
2. 1) Jech kʼuchaʼal chal Salmo 34:22, ¿kʼu yuʼun skʼan mu svul yoʼonton ta skoj ti oy-o smul chaʼi sba li jun yajtunel Diose? 2) ¿Kʼusi ta jkʼeltik li ta xchanobil liʼe? (Kʼelo li rekuadro: « ¿Mi jaʼ van jun albil kʼop o mi jaʼ noʼox oy kʼusi chakʼ jchantik?»).
2 Mi la jsaʼ jnakʼobbailtik ta stojolal li Jeovae muʼyuk me ta jten-o jbatik ta skoj ti lijchʼaye (kʼelo Salmo 34:22). Pe, ¿kʼusi skʼan xal ti jaʼ jnakʼobbailtik li Jeovae? ¿Kʼusi skʼan jpastik sventa xkʼuxubinutik xchiʼuk ti xakʼutik ta pertone? Yoʼ jtakʼtik batele, kalbetik skʼoplal li jteklum sventa nakʼobbail ti chalbe skʼoplal li Mantal akʼbatik li j-israeletike. Li Mantaletik taje laj yichʼ kʼextael li ta kʼin Pentekostes ta sjabilal 33. Pe ta skoj ti jaʼ smantaltak li Jeovae, chakʼ ta ilel kʼusi tsnop ta sventa li kʼusi chopol chichʼ pasele, ta sventa li buchʼu tsaʼ smule xchiʼuk kʼalal tsutes yoʼontone. Yoʼ xkaʼibetik smelolale, likuk jkʼeltik kʼu yuʼun oy toʼox li lumetik taje.
«ACʼO STʼUJIC COMEL LUMETIC SVENTA ANACʼUBBAILIC»
3. Li ta Israele, ¿kʼusi tspasbeik li buchʼutik chmilvanike?
3 Jaʼ jun tsatsal mulil ta sat Jeova kʼalal tsmil jun krixchano li jun j-israele. Kʼalal jech chkʼot ta pasele, li yutsʼ yalal buchʼu yichʼ milele, «jaʼ oy ta sventa acʼo smil ec li [jmilvaneje]» (Núm. 35:19). Jaʼ jech tstoj li kʼusi la spas li jmilvaneje. Li buchʼu tspak sutele skʼan ta anil noʼox spas yoʼ mu sokesik li Albil Balumile, yuʼun li Jeovae laj yal ti tsokes balumil li xchʼichʼel jun krixchanoe. Xi laj yal mantale: «Mu me xasoquesbeic scʼoplal li banamil bu chbat naclanique» (Núm. 35:33, 34).
4. ¿Kʼusi chkʼot ta stojolal li j-israel ti mu yolbajuk milvane?
4 ¿Kʼusi chkʼot ta stojolal junuk j-israel kʼalal mu yolbajuk milvane? Akʼo mi mu yolbajuk la spas, pe laj xa spas tsots smul ta skoj ti milvane (Gén. 9:5). Ta skoj ti mu yolbajuk milvane, li Jeovae chakʼbe ta ilel li xkʼuxul yoʼontone. Jaʼ yuʼun, xuʼ xjatav batel ta junukal li ta vakib jteklumetik sventa nakʼobbaile, taje jaʼ sventa mu xpakbat yuʼun yutsʼ yalal li buchʼu la smile. Tskʼan te oyuk-o jaʼ to mi cham li bankilal palee (Núm. 35:15, 28).
5. Li lumetik sventa nakʼobbaile, ¿kʼuxi xuʼ skoltautik ta yojtikinel mas li Jeovae?
5 Li Jeovae laj yalbe mantal Josue ti akʼo stʼuj junantik jteklumetike, xi laj yale: «Acʼo stʼujic comel lumetic sventa anacʼubbailic». Vaʼun chʼul lumetik kʼot ta sat (Jos. 20:1, 2, 7, 8). Jaʼ yuʼun xi jakʼbe jbatike: «Li lumetik sventa nakʼobbaile, ¿kʼuxi tskoltautik sventa jnaʼtik ti kʼuxutik ta yoʼonton li Diose? Xchiʼuk, ¿kʼuxi xuʼ xkʼot ta jnakʼobbailtik li Jeovae?».
SKʼAN ‹XKʼOT XCHOL LEK YAʼYEJ TA STOJOLAL LI BANKILALETIKE›
6, 7. 1) ¿Kʼusi skʼan spasik li bankilaletik kʼalal oy buchʼu mu yolbajuk milvane? (Kʼelo li lokʼol ta slikebale). 2) ¿Kʼu yuʼun skʼan skʼopon bankilaletik li jmilvaneje?
6 Li jun j-israel ti mu yolbajuk la smil jun krixchanoe, skʼan xbat ta anil ta stiʼ li lum sventa nakʼobbaile xchiʼuk skʼan ‹xchol lek yaʼyej ta stojolal li bankilaletike›. Vaʼun li bankilaletike skʼan lek xchʼamik li buchʼu milvane (Jos. 20:4). Kʼalal mi echʼ xa ox kʼuuk sjalile, tstakik sutel ta slumal yoʼ xichʼ chapanel yuʼun li bankilaletike (kʼelo Números 35:24, 25). Pe mi laj yakʼik venta ti mu yolbajuk milvane tstakik sutel yan velta li ta lum sventa nakʼobbaile.
7 ¿Kʼu yuʼun skʼan xchiʼin ta loʼil bankilaletik li buchʼu milvane? Jaʼ sventa sakuk li tsobobbail ta Israele xchiʼuk yoʼ xkʼuxubinat yuʼun Jeova li jmilvaneje. Jun vinik ti chchanbe skʼoplal li Vivliae laj yal ti xuʼ xichʼ-o milel li jmilvanej mi mu skʼopon li bankilaletike. Xi laj yale: «Xkoʼolaj ti yolbaj chakʼbe sba svokol ta skoj ti mu skʼan xchʼam li kʼuxubinel yuʼun Diose». Jech kʼuchaʼal chkiltike, li buchʼu milvane xuʼ xichʼ koltael, pe skʼan saʼ xchiʼuk xchʼam li koltaele. Yuʼun mi mu snakʼ sba ta junuk lum sventa nakʼobbaile xuʼ xlaj ta milel yuʼun li buchʼu tspake.
8, 9. ¿Kʼu yuʼun skʼan skʼanbe koltael moletik li buchʼu spasoj tsots smule?
8 Li avie, mi oy jun yajtunel Jeova ti Sant. 5:14-16). Xchibal, yuʼun li moletike jaʼ xuʼ skoltaik li jpasmulil ti sutesoj yoʼonton yoʼ lekuk xil sba yan velta xchiʼuk li Jeovae xchiʼuk tskoltaik sventa mu xa jechuk spas (Gal. 6:1; Evr. 12:11). Yoxibal, yuʼun li moletike yichʼojik lek chanubtasel xchiʼuk chapanel yoʼ xuʼ skoltaik li jpas mulil yoʼ muʼyuk smul chaʼi sbae. Jaʼ yuʼun, li Jeovae tskoʼoltas ta «jnacʼubbailtic cʼalal chtal tsots icʼal voʼ» li moletike (Is. 32:1, 2). ¿Mi mu jechuk ti jaʼ skʼelobil ti chkʼuxubinutik li Jeovae?
tspas tsots smule, skʼan skʼanbe koltael li moletik ta tsobobbaile. ¿Kʼu yuʼun tsots skʼoplal ti skʼan jech spase? Baʼyel, yuʼun jaʼ Jeova svaʼanoj li moletik yoʼ xchapanik li buchʼu la spas tsots smule (9 Li epal yajtuneltak Jeovae staojbeik sbalil ti chkoltaatik yuʼun li moletike. Kalbetik skʼoplal jun ermano ti Daniel sbie. Li stuke la spas tsots smul xchiʼuk jelav jayibuk u ti muʼyuk laj yalbe li moletike. Xi chal li ermanoe: «Ta skoj ti jal muʼyuk kʼusi laj kale, la jnop ti mu xa xuʼ xi skoltaikune xchiʼuk chixiʼ mi oy buchʼu chaʼi li kʼusi la jpase». Jech xtok, jujun velta kʼalal tspas orasion li Daniele anil chtal ta snopben ti jaʼ baʼyel skʼan skʼanbe perton li Jeovae. Ta tsʼakale la skʼanbe koltael li moletike, xi chvul ta sjole: «Ti melel xkaltike, chixiʼ ta skʼanbel koltael li moletike. Pe kʼalal jech la jpase, xkoʼolaj ti la slokʼesbeikun kikatse. Koliyal taje xuʼ jun koʼonton ta jkʼopon li Jeovae». Jaʼ yuʼun li avie, jun xa yoʼonton xchiʼuk achʼtik toe laj yichʼ biiltasel ta jtunel ta tsobobbail.
«CHBAT SAʼ SNACʼUBBAIL TE TA LUMETIC»
10. ¿Kʼusi skʼan spas li buchʼu milvan mi tskʼan xichʼ kʼuxubinele?
10 Mi tskʼan chkʼuxubinat li buchʼu mu yolbajuk milvane, skʼan xchikinta li kʼusi chichʼ albele xchiʼuk xbat ta anil li ta lum sventa nakʼobbail ti mas nopol xile (kʼelo Josué 20:4). Skʼan xbat ta anil yoʼ mu xtaat ta be yuʼun li buchʼu tspake, jech xtok, skʼan te xnaki jaʼ to mi cham li bankilal palee. Ta skoj taje chikta yabtel, sna xchiʼuk mu stakʼ xlokʼ ta xanbal, pe skotol taje oy sbalil (Núm. 35:25). * Pe mi lokʼ batel li ta lum sventa nakʼobbail li jmilvaneje, yakal chakʼ ta ilel ti muʼyuk chopol chaʼi ti la smil li jun krixchanoe, jech xtok, xuʼ xakʼ ta vokol li xkuxlejale.
11. Li buchʼu sutesoj xa yoʼonton ta skoj li smule, ¿kʼusi skʼan spas yoʼ xakʼ ta ilel ti tsots skʼoplal chil li kʼuxubinel yuʼun Jeovae?
11 Li buchʼu tspas tsots smul avie oy kʼusi skʼan spas yoʼ xkʼuxubinat yuʼun li Diose. Skʼan xikta-o spasel li mulile xchiʼuk skʼan xikta li kʼusi xuʼ xnitat batel ta spasel li mulile. Li jtakbol Pabloe, xi laj yalbe skʼoplal li jchʼunolajeletik ta Korinto ti sutesoj xa ox yoʼontonike: «Anil xa noʼox laj avat avoʼontonik jech kʼuchaʼal tskʼan Diose». Xi to laj yal xtoke: «¡Jech, muʼyuk xa amul lakʼotik, jech, cha-ilinik xa yuʼun li choplejale, jech, chaxiʼik xa, jech, oy xa kʼusi lek chakʼanik, jech, ta sjunul xa avoʼonton chavakʼ avipalik sventa chajel li apaltailike!» (2 Kor. 7:10, 11). Mi chkakʼbetik yipal yoʼ mu xa jpastik jtosuk mulile, jaʼ jech chkakʼtik ta ilel ti tsots skʼoplal chkiltik ti kʼu yelan xkil jbatik xchiʼuk li Jeovae xchiʼuk ti tsots skʼoplal chkiltik li kʼuxubinel yuʼune.
12. ¿Kʼusi van skʼan xikta li jun yajtunel Jeova yoʼ xkʼuxubinate?
12 ¿Kʼusi van skʼan xikta li jun yajtunel Jeova yoʼ xkʼuxubinate? Skʼan xikta skotol li kʼusi xuʼ xnitat batel ta spasel jtosuk mulile akʼo mi lek tajek chil (Mat. 18:8, 9). Jech kʼuchaʼal liʼe, xuʼ van lek tajek chkaʼitik xchiʼinel li kamigotike, pe ¿mi chkiktatik xchiʼinel kʼalal chkakʼtik venta ti xuʼ sokes li jtalelaltike? Mi mu jnaʼ jpajtsan jbatik ta yuchʼel poxe, ¿mi yolbaj xa ta xkuchʼtik? Mi oy ta jnopbetik skʼoplal mulivajele, ¿mi yolbaj xa ta jkʼeltik pelikulaetik ti tstij koʼontontik ta mulivajel, pajinaetik ta Internet o yan kʼusitike? Jvules ta joltik ti toj tsots skʼoplal chil Jeova kʼalal chkakʼtik persa sventa tukʼuk-o xkakʼ jbatike. Chakʼ tajek jmuyubajeltik ti jnaʼojtik ti xi chalbutik li Jeovae: «Sbatel osil chajcʼanot» (Is. 54:7, 8).
«XUʼ TE CHBAT SNACʼ SBA»
13. Li milvaneje, ¿kʼu yuʼun xuʼ jun yoʼonton xkuxi li ta lum sventa nakʼobbaile?
13 Mi te xa oy ta yut lum sventa nakʼobbail li jmilvaneje, mu xa stakʼ kʼusi chopol spasbat. Xi laj yal li Jeovae: «Xuʼ te chbat snacʼ sba» (Jos. 20:2, 3). Jech xtok, li Jeovae muʼyuk laj yal ti akʼo xichʼ chapanel yan velta li buchʼu milvane. Jaʼ yuʼun, li yutsʼ yalal buchʼu chame mu xa xuʼ x-och yoʼ smil li jmilvaneje. Ta skoj ti muʼyuk tikʼil ta chukel li jmilvanej xchiʼuk ti chabibil yuʼun Jeovae, xuʼ x-abtej, xuʼ skolta yan krixchanoetik xchiʼuk xuʼ jun yoʼonton xtun ta stojolal li Jeovae.
Pato avoʼonton ti spasojot xa ta perton li Jeovae. (Kʼelo parafo 14-16).
14. ¿Kʼusi skʼan teuk-o ta sjol li buchʼu sutesoj xa yoʼonton ta sventa smule?
14 Junantik yajtuneltak Diose sutesoj xa yoʼontonik ta skoj li smulike, akʼo mi jech, oy-o smul chaʼi sbaik. Yantik xtoke tsnopik ti oy-o smul ch-ilatik yuʼun li Jeovae. Mi jaʼ jech chavaʼi aba eke, jpʼeluk ta avoʼonton ti xkʼuxubinojot xa li Jeovae xchiʼuk ti spasojot xa ta pertone. Taje jaʼ jech laj yakʼ venta li Daniel ti laj kalbetik skʼoplal ta parafo 9. Ta skoj ti la saʼ koltael ta stojolal li moletike, sak xa sjol yoʼonton xchiʼuk jun xa yoʼonton kuxul. Xi chal li Daniele: «Avie jnaʼoj lek ti Salmo 103:8-12).
xchʼayojbun xa jmul li Jeovae. Yuʼun li stuke batsʼi nom tsjip batel ta jtojolaltik li jmultike». Jech kʼuchaʼal laj xa jchantik talele, mu xa kʼusi stakʼ spasbat li jmilvanej mi te xa oy li ta yut lum sventa nakʼobbaile. Jech ek li Jeovae muʼyuk tsvules ta joltik yan velta li jmultike, yuʼun spasojutik xa ta perton (kʼelo15, 16. ¿Kʼusi sbalil ta jtatik ti jnaʼojtik ti laj yakʼ xkuxlejal ta jtojolaltik li Jesuse xchiʼuk ti jaʼ Bankilal Pale kuʼuntike?
15 Li voʼotike oy mas srasonaltak kuʼuntik yoʼ jpat koʼontontik ti chkʼuxubinutik li Jeovae. Jech kʼuchaʼal la jchantik ta slikebale, li jtakbol Pabloe chibaj yoʼonton xchiʼuk solel toj abol sba laj yaʼi. Akʼo mi jech, laj yakʼbe-o yipal yoʼ xchʼay ta sjol li smultake, jaʼ yuʼun xi laj yale: «¡Koliyal Dios ta stojolal Jesukristo ti jaʼ Kajvaltike!» (Rom. 7:25). Ta skoj ti sutesoj xa ox yoʼontone, la xchʼun ta melel ti pasat xa ta perton yuʼun Jeova koliyal li pojelal laj yakʼ Jesuse. Li avie eke sak xa li jol koʼontontike xchiʼuk xijmuyubaj noʼox ta melel (Evr. 9:13, 14). Ta skoj ti jaʼ Bankilal Pale kuʼuntik li Jesuse, «xuʼ lek tsʼakal [skolta] xtok li buchʼutik yakal chnopajik ta stojolal Dios ta sventae, yuʼun kuxul-o sbatel osil sventa chkʼopoj ta stojolalik» (Evr. 7:24, 25). Li ta skʼakʼalil Vivliae, li yabtel tspas bankilal paleetike jaʼ ti tskoltaik j-israeletik yoʼ snaʼik ti pasbatik xa perton yuʼun li Jeovae. Li avi eke, li Bankilal Pale kuʼuntike chakʼbutik srasonaltak yoʼ jchʼuntik ti xuʼ «jtatik kʼuxubinel xchiʼuk slekil yutsil oʼontonal sventa tskoltautik kʼalal jaʼo yoraile» (Evr. 4:15, 16).
16 Jaʼ yuʼun chaʼa, mi chakʼan chkʼot ta anakʼobbail li Jeovae skʼan xavakʼ xchʼunel avoʼonton ti laj yakʼ ta matanal xkuxlejal li Jesuse. Mu xanop ti jaʼ sventa yan krixchanoetik li matanal taje yuʼun jaʼ sventa voʼot (Gal. 2:20, 21). Mi avakʼoj xa xchʼunel avoʼonton li ta matanal pojelal laj yakʼ Jesuse, xuʼ chakʼot ta perton li Jeovae xchiʼuk xuʼ chata li kuxlejal ta sbatel osile. Taje jaʼ jun matanal laj yakʼbot li Jeovae.
17. ¿Kʼu yuʼun chakʼan ti jaʼuk anakʼobbail li Jeovae?
17 Li lumetik sventa nakʼobbaile jaʼ skʼelobil ti kʼu yelan chkʼuxubinvan li Jeovae. Yuʼun laj yakʼ ta ilel ti chʼul chil li kuxlejale. Jech xtok, jaʼ chakʼ ta ilel ti kʼu yelan xchabiutik avi li moletik ta tsobobbaile, ti kʼusi smakoj ti ta jsutes koʼontontik ta melele xchiʼuk ti kʼu yuʼun jchʼunojtik lek ti chakʼutik ta perton li Jeovae. Jaʼ noʼox xuʼ xkʼot ta jpojobbailtik li Jeovae. Pe, ¿mi jaʼ jpojobbailtik chkiltik? (Sal. 91:1, 2). Li ta yan xchanobile ta jkʼeltik kʼu yelan skoltautik li lumetik sventa nakʼobbail yoʼ jchanbetik li stukʼil xchiʼuk xkʼuxul yoʼonton li Jeovae.
^ par. 10 Epal vunetik ti chalbe skʼoplal li judaetike, chal ti xuʼ xbat chiʼinatikuk ta naklej yuʼun yutsʼ yalal li ta lum sventa nakʼobbaile.