¿Kʼusi chal li Vivliae?
¿Mi tstakʼ skotol orasionetik li Diose?
¿KʼUSI VAN ORASIONAL STAKʼ LI DIOSE?
Skotol
Junantik
Mi junuk
LI KʼUSI CHAL LI VIVLIAE
«Li Mucʼul Diose nopol oy ta stojol li bochʼo [...] xvocoletic ta stojole» (Salmo 145:18).
¿KʼUSI TO MAS CHAL LI VIVLIAE?
Li Diose muʼyuk chchikintabe s-orasion li buchʼutik yalel mu xchʼunbeik smantale (Isaías 1:15). Pe mi tsjel stalelalik li krixchanoetik taje, xuʼ me lek xil sbaik xchiʼuk li Diose (Isaías 1:18).
Sventa stakʼ j-orasiontik li Diose, jechuk jkʼantik jech kʼuchaʼal chal li ta skʼope, ti te ta jtatik ta Vivliae (1 Juan 5:14).
¿Mi persa van vaʼalutik, chotolutik o kejelutik kʼalal ta jpastik orasione?
JLOM KRIXCHANOETIKE TSNOPIK ti kʼalal ta jpastik orasione persa skʼan xijkeji, ta jnijan jbatik o ta jnupʼ jkʼobtik. ¿Kʼusi chanop li voʼote?
LI KʼUSI CHAL LI VIVLIAE
Li Diose xchikintaojbe s-orasion krixchanoetik kʼalal jaʼo vaʼal, chotol o kejel la skʼoponike (1 Crónicas 17:16; 2 Crónicas 30:27; Esdras 10:1; Echos 9:40). Li Diose muʼyuk tskʼanbutik ti ta vaʼal, chotol o kejelutik kʼalal ta jkʼopontike.
¿KʼUSI TO MAS CHAL LI VIVLIAE?
Li Diose chchikintabe li buchʼutik bikʼit chakʼ sbaike (Salmo 138:6).
Xuʼ jpastik orasion ta kʼusiuk noʼox kʼopal xchiʼuk xuʼ ta koʼontontik noʼox jpastik (2 Crónicas 6:32, 33; Nehemías 2:1-6).
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Mi chaʼibutik Dios kʼalal ta jkʼanbetik koltaele?
¿Mi ta melel tskʼan tskoltautik Dios kʼalal chkil jvokoltike?
