Kʼalal ta jchantik li Vivliae, jsabetik me mas skʼoplal. Maʼukuk noʼox me naka jnojes jnopbentik. Yuʼun ta jkʼan ta jnabetik mas skʼoplal li skʼupil talelaltak Jeovae, vaʼun mas to ta jkʼantik. Sventa spas kuʼuntike, xiuk jakʼbe jbatike: «¿Kʼusi chakʼ jchan ta stojolal Jeova li loʼil liʼe?».

Xuʼ xasabe mas skʼoplal li stalelaltak ti mas ojtikinbile, jech kʼuchaʼal li kʼanelale, li pʼijilale, li tukʼilale xchiʼuk li juʼelale. Pe oy to yan kʼupilik sba stalelaltak. ¿Bu xuʼ jtabetik skʼoplal taje?

Te chatabe mas ta 50 stalelaltak Jeova li ta Índice de las publicaciones Watch Tower. Sventa xatae batan ti bu chal: «Jehová», mi laje bu chal: «Cualidades por nombre». Kʼalal yakal chachan li Avivliae, kʼelo kʼusi talelal chakʼan chachanbe mas skʼoplal. Vaʼun, chano batel (mi jaʼ noʼox oy avuʼun li Saʼobil sventa xchanik mas li stestigotak Jeovae, batan ti bu chal: «Jeova Dios», mi laje «Stalelaltak Jeova»).