Kʼelo Jenesis 25:29 k’alal ta 34 sventa xavil mi lek kʼusi kʼot ta nopel yuʼun li Esau xchiʼuk Jakobe.

Sabo mas skʼoplal. ¿Kʼusi kʼotem xa onoʼox ta pasel? (Jen. 25:​20-28). ¿Kʼusi kʼot ta pasel ta tsʼakal? (Jen. 27:​1-46).

Chajo ta kʼelel kʼusi smakoj. Li vaʼ kʼakʼale, ¿kʼusi sderechoik xchiʼuk kʼusi tsbainik li ba nichʼoniletike? (Jen. 18:​18, 19; w10-S 1/5 paj. 13).

• ¿Mi persa van skʼan jaʼuk ba nichʼonil li buchʼu chkʼot ta snitilulal Mesiase? (w17.12 paj. 14, 15).

Nopbo skʼoplal li kʼusi chachane xchiʼuk akʼo ta akuxlejal. ¿Kʼu yuʼun jaʼ mas tsots skʼoplal laj yil Jakob li ba nichʼonil ti jaʼ mu jechuk laj yil li Esaue? (Ebr. 12:​16, 17; w03-S 15/10 paj. 28, 29). ¿Kʼu yelan laj yil Jeova li Jakob xchiʼuk Esaue, xchiʼuk kʼu yuʼun? (Mal. 1:​2, 3). ¿Kʼusi la spas jechuk Esau sventa lekuk kʼusi xkʼot ta nopel yuʼune?

• Xi xanopbe skʼoplale: «Li kʼusi jnopoj ta jpas sjunul xemanae, ¿mi jtsakoj ta venta li kʼusitik sventa mantale, jech kʼuchaʼal li yichʼel ta mukʼ Jeova ta kutsʼ kalale?».