Kʼelo Jueses 11:30 kʼalal ta 40 sventa xachan kʼusi la spas Jefte xchiʼuk stseb sventa xkʼot ta pasel yuʼun li kʼusi laj yakʼ ye spasele.

Sabo mas skʼoplal. Li j-israeletik ti tukʼ laj yakʼ sbaike, ¿kʼu yelan laj yilik kʼalal oy kʼusi chakʼ yeik spasel ta stojolal Jeovae? (Num. 30:2). ¿Kʼu yelan laj yakʼ ta ilel Jefte xchiʼuk stseb ti oy xchʼunel yoʼontonik ta stojolal Jeovae? (Jues. 11:​9-11, 19-24, 36).

Chajo ta kʼelel kʼusi smakoj. ¿Kʼusi laj yalbe ta jamal Jeova li Jeftee xchiʼuk kʼusi smakojbe skʼoplal? (w16.04 paj. 7 par. 12). Sventa xkʼot ta pasel yuʼun li kʼusi laj yal Jeftee, ¿kʼusi la spasik xchiʼuk li stsebe? (w16.04 paj. 7, 8 par. 14-16). Li avie, ¿kʼusi xuʼ xakʼ yeik spasel li yajtuneltak Jeovae? (w17.04 paj. 5-8 par. 10-19).

Nopbo skʼoplal li kʼusitik chachane. Xi xanopbe skʼoplale:

• ¿Kʼusi xuʼ skoltaun sventa xkʼot ta pasel ti laj kalbe Jeova ti chkakʼbe jkuxlejale? (w20.03 paj. 13 par. 20).

• ¿Kʼusitik skʼan xkikta spasel sventa masuk to xitun ta stojolal Jeovae?

• ¿Kʼusi xuʼ skoltaun sventa xkʼot ta pasel li kʼusi jamal laj kalbe jnup jchiʼil kʼalal linupunkutike? (Mat. 19:​5, 6; Efes. 5:​28-33).