KʼUSI XUʼ JCHANBETIK SKʼOPLAL
Kʼusitik xuʼ jpastik sventa xkichʼtik ta mukʼ Jeova ta jtuktik xchiʼuk ta kutsʼ kalaltik
Li ta tsobajeletik xchiʼuk li ta jujun asambleae jmoj chkichʼtik ta mukʼ Jeova xchiʼuk li ermanoetike. Pe chkichʼtik ta mukʼ Jeova ta kutsʼ kalaltik xchiʼuk ta jujuntal xtok. Liʼe chkaltik batel junantik kʼusitik xuʼ jpastik sventa xkichʼtik ta mukʼ Jeova ta jtuktik xchiʼuk ta kutsʼ kalaltik:
-
Jchanbetik skʼoplal li kʼusitik ch-echʼ ta tsobajele. Jech xtok, xuʼ jchanilantik li kʼejimoletike xchiʼuk ti jmojuk jchapan jkomentariotike.
-
Jkʼeltik junuk loʼil ta Vivlia. Mi laje, xuʼ jpasbetik sdivujoal li kʼusi la jkʼeltike o jtsʼibatik li kʼusi laj yakʼ jchantike.
-
Jchanbetik skʼoplal kʼu yelan la spasik orasion junantik yajtuneltak Dios ta voʼne. Vaʼun, jnopbetik skʼoplal kʼuxi xuʼ skoltautik sventa masuk to xlekub ti kʼu yelan ta jpastik orasione.
-
Jkʼeltik junuk video li ta pajina jw.org. Laje, xuʼ jloʼiltatik xchiʼuk kutsʼ kalaltik li kʼusi la jkʼupintike o xuʼ jtsʼibatik.
-
Jchapan jbatik sventa cholmantal. Xuʼ van jchanilantik kʼu yelan xuʼ jlikes jloʼiltik.
-
Jkʼeltik li kʼusitik pasbile xchiʼuk jkʼeltik kʼusi chakʼ jchantik ta stojolal Jeova. Kalbetik skʼoplal kʼusi chakʼ jchantik xchiʼuk kutsʼ kalaltik mi te oyike. a
a Kʼelo li mantal «Chkojtikintik mas Jeova kʼalal ta jkʼelbetik li spasbentake» ti te lokʼem li ta revista Li Jkʼel-osil ta toyol ta marso ta 2023.
