Epal ermanoetike tstunesik ta cholmantal li mantaletik ti te chvinaj li ta slikeb pajina ta jw.org. Yuʼun jutuk mu skotoluk velta jaʼ chalbe skʼoplal li albil kʼopetik yakal chkʼot ta pasel avie xchiʼuk mu vokoluk ta takbel chaʼiik li buchʼutik xojtikinike. Xi chal jun ermanoe: «Li mantaletik te taleme sta-o tajek ti kʼu yelan ta jcholtik mantal avie».

Ta skoj ti nopolik noʼox chjel li kʼusi xvinaj li ta slikeb pajinae, ¿kʼuxi xuʼ jtatik li mantaletik ti te toʼox oye?

• Li ta slikebal pajina ta jw.org netʼo ti bu chal: «Kʼelo mas» ti te chvinaj ta akʼole o mi ta aselular chakʼele te xkom ta yolon ti bu chal: «Li kʼusitik mas kʼelbile». Mi laje, tstakot batel ti bu chal: «Mantaletik ti jaʼtik to vinaj ta slikebal pajinae». Te chata li mantaletik ti jaʼtik to lokʼe.

• Ochan ta jw.org ti bu chal: «Vunetik xchiʼuk yan kʼusitik», laje ti bu chal: «Jeltos mantaletik». Vaʼun, tʼujo ti bu chal: «Yan mantaletik». Li ta JW Library® ochan ti bu chal: «Biblioteca», laje ti bu chal: «Catálogo de artículos». Vaʼun, tʼujo ti bu chal: «Yan mantaletik». Te chata li mantaletik ti te to’ox vinaj li ta slikebal pajina ta jw.org.