Bakʼintike, muʼyuk yorail kuʼuntik sventa jchan li Jvivliatike. Jaʼ yuʼun, ¿kʼusi tskoltautik sventa lekuk jtunes li jkʼakʼaltike? Li kʼusi baʼyel skʼan xapase, jaʼ ti xatunes lek li yorail achʼakojbe sventa xachanunaje. Sventa xatabe sbalile, jaʼ lek ti mu masuk ep xachanunaje.

Laje, kʼelo li kʼusi mas tsotsik skʼoplale (Efes. 5:15, 16). Xuʼ me xapas liʼe:

• Chano Avivlia jujun kʼakʼal (Sal. 1:2). Jtos kʼusi xuʼ xapase jaʼ ti xachan li kapituloetik chichʼ chanel ta tsobajeletik ta xokol kʼakʼale.

• Kʼelo ba’yel kʼusitik chichʼ chanel li ta tsobajeletike jech kʼuchaʼal li Xchanel Li Jkʼel-osil ta toyole xchiʼuk li kʼusi chichʼ chanel ta tsobajel ta xokol kʼakʼale. Chapano aba lek sventa xavakʼ aloʼil (Sal. 22:22).

• Mi mas la achʼakbe yorail chachanunaje, kʼelo li kʼusitik achʼ chlokʼanuk tal li ta revistaetik sventa skotol krixchanoetik, videoetik xchiʼuk li ta jw.org.

• Chano li kʼusi mas chakʼan chanabe skʼoplale. Xuʼ xasabe skʼoplal li kʼusi yakal chanuptane, li kʼusi chajakʼbe abae o jtosuk li kʼusi mas chakʼan chanabe skʼoplale. Te chatabe mas yaʼyejal ta jw.org ti bu chal: «Actividades para estudiar la Biblia».