¿Mi oy ta avoʼonton chatabe sbalil kʼalal chachanunaj atuke? Jkʼeltik batel kʼusi xuʼ xapas sventa mu kʼusi xchʼay avoʼonton.

• Tʼujo bu xuʼ lek xachanunaj. Xuʼ van xatʼuj ti bu lek chʼubabil xchiʼuk ti oyuk bu lek luse. Xuʼ van xachoti ta junuk mexa o xuʼ van xbat chanunajan ta osiltik.

• Saʼo ti bu xuʼ xachanunaj atuke. Li Jesuse «sob tajek lik ta yokʼomal» sventa xbat spas orasion xchiʼuk nom bu bat (Mar. 1:35). Mi chʼabal bu stakʼ ti bu atuk oyote, albo avutsʼ avalal o li buchʼutik te achiʼukan ta naklej ti chakʼan chachanunaje xchiʼuk albo ti mu xchʼayik avoʼontone.

• Mu me kʼusi xchʼay avoʼonton. Mi chatunes atelefono o tavleta kʼalal chachanunaje, ¿kʼu yuʼun mu xavakʼ ta silencio o xavakʼ ta modo avión sventa mu kʼusi xchʼay avoʼontone? Mi oy kʼusi tal ta ajol ti skʼan xapas kʼalal jaʼo chachanunaje, tsʼibao ta vun sventa xapas ta tsʼakal. Mi vokol chavaʼi xatsʼetanbe lek xchikinal kʼalal chachanunaje, ¿kʼuchaʼal mu xa xanav uni jlikeluk o ti xlik axachʼ abae?