¿Kʼusi chal li Vivliae?
¿Buchʼu o kʼusi jaʼ li Diabloe?
¿MI TA VAN XAVAL ti Diabloe jaʼ...
... jun kuxlejal ti mu xvinaj ta kʼelele?
... jun slokʼol o senyail ti te oy ta koʼontontike?
... li kʼusi te noʼox ta jnopbentike?
LI KʼUSI CHAL LI VIVLIAE
Li Diabloe la skʼopon Jesus xchiʼuk laj yakʼ ta preva sventa mu xchʼunbe smantal li Diose (Mateo 4:1-4). Jaʼ yuʼun, chichʼ alel ti maʼuk noʼox te oy ta jnopbentike o ti jaʼ noʼox senyail li kʼusi chopole, yuʼun oy ta melel xchiʼuk toj chopol.
¿KʼUSI TO MAS CHAL LI VIVLIAE?
Chal ti lekil anjel toʼox li Diabloe, pe ti «muʼyuk onoʼox bu tukʼ laj yakʼ sba ta stojolal li kʼusi melele» (Juan 8:44). Pas ta jun jutkʼop xchiʼuk muʼyuk la xchʼun mantal.
Yan anjeletike la stoy sbaik jech kʼuchaʼal li Satanase (Apokalipsis 12:9).
Li Diabloe chakʼbe snop krixchanoetik ti muʼyuk oye (2 Korintios 4:4).
¿Mi xuʼ van tspas ta mantal skotol krixchanoetik li Diabloe?
JLOM KRIXCHANOETIKE TSNOPIK ti jaʼ noʼox jun loʼile xchiʼuk li yantike chiʼik-o tajek ti x-uʼuninatik yuʼun li pukuje. Li voʼote, ¿kʼusi chanop?
LI KʼUSI CHAL LI VIVLIAE
«Skotol li krixchanoetike oyik ta sjuʼel li buchʼu toj chopole» (1 Juan 5:19). Li Diabloe ta onoʼox stijbe yoʼonton ta sventa li kʼusitik tspas li krixchanoetike, pe mu spas ta mantal yuʼun skotol.
¿KʼUSI TO MAS CHAL LI VIVLIAE?
Chal ti Diabloe tstunes jutbil kʼopetik sventa tsloʼla epal krixchanoetik (2 Korintios 11:14).
Bakʼintik li pukujetike xuʼ tspas ta mantal li jun krixchanoe (Mateo 12:22).
Mi chichʼ kʼanbel koltael li Diose, xuʼ me xa kontrain li Diabloe xchiʼuk chakol ta stojolal (Santiago 4:7).
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Mi oy ta melel li pukujetike?
¿Buchʼutik li pukujetike? ¿Bu likik tal?
KʼUSITIK TSJAKʼIK TA SVENTA VIVLIA
¿Mi oy ta melel li Diabloe?
¿Mi oy ta melel li Diabloe o mi jaʼ noʼox li kʼusi chopol oy ta koʼontontike?
KʼUSITIK TSJAKʼIK TA SVENTA VIVLIA
¿Mi jaʼ la spas Diablo li Diose?
¿Kʼu yuʼun laj yal Jesus ti «muʼyuk onoʼox bu tukʼ laj yakʼ sba ta stojolal» kʼusi melel li Diabloe?
KʼUSITIK TSJAKʼIK TA SVENTA VIVLIA
¿Mi xuʼ van oy kʼusi spasbutik li Diabloe?
¿Kʼusi xuʼ spasbe krixchanoetik li Diabloe xchiʼuk kʼuxi xuʼ mu xijtsʼuj li ta spetsʼtake
