¿Kʼusi chal li Vivliae?
¿Mi jaʼ la slikes jun krixchano li relijione?
JLOM KRIXCHANOETIKE TSNOPIK ti jaʼ noʼox la krixchanoetik la slikes tale. Jlom xtoke tsnopik ti jaʼ tstunes Dios yoʼ xijnopaj ta stojolale. ¿Kʼusi chanop li voʼote?
LI KʼUSI CHAL LI VIVLIAE
Xi chale: «Li ichʼel ta mukʼ [o relijion] ti sak xchiʼuk ti muʼyuk ikʼ ta sat Jdiostik xchiʼuk Jtotike» (Santiago 1:27). Jaʼ yuʼun li melel relijione likem tal ta stojolal Dios.
¿KʼUSI TO MAS CHAL LI VIVLIAE?
Sventa lek xil Dios li relijione skʼan me te xlokʼ ta Vivlia li kʼusi chakʼik ta chanele (Juan 4:23, 24).
Li relijionetik ti jaʼ noʼox smantaltak krixchanoetik chakʼik ta chanele, muʼyuk me kʼusi chtun-o (Markos 7:7, 8).
¿Mi persa skʼan oyuk jrelijiontik?
¿MI TA VAN XAVAL?
Tana
Moʼoj
Yikʼaluk van
LI KʼUSI CHAL LI VIVLIAE
«Skʼan me oyuk ta koʼonton jbatik ta jujuntal yoʼ jtijbe jba koʼontontik sventa jkʼan jbatik xchiʼuk ti jpastik li kʼusitik toj leke, jech xtok, mu me xkiktatik ti ta jtsob jbatik» (Evreos 10:24, 25). Li Diose tskʼan ti jmojuk tsobol xchiʼuk lekuk chapal li yajtuneltake.
¿KʼUSI TO MAS CHAL LI VIVLIAE?
Skʼan me jmojuk kʼusi xchʼunojik li buchʼutik chichʼik ta mukʼ li Diose (1 Korintios 1:10, 11).
Li buchʼutik te skʼoplalik li ta relijion ti lek chil li Diose skʼan me yermano sbaik ta spʼejel Balumil (1 Pedro 2:17).
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Kʼuxi ta tael li melel relijione?
Li ta Vivliae ta jtatik baluntos kʼusitik tspasik li melel relijione.
LI JKʼEL˗OSIL TA TOYOLE
¿Mi oy junuk relijion ti xuʼ jpat-o koʼontontike?
Epal jnitvanejetik ta relijione muʼyuk lek chakʼik ta ilel stalelalik. ¿Mi tsots skʼoplal chil Dios ti kʼu yelan jtalelaltike?
