¡VIK'ILUK ME JSATIK! 2018, numero 2 | ¿Kʼuxi xuʼ xamuyubaj ta avutsʼ avalal?
¿Kʼuxi xuʼ xamuyubaj ta avutsʼ avalal?
Li avie, oy ep utsʼ alalil ti yakal chchʼak sbaike, pe ¿kʼu yuʼun tsobolik li junantike? ¿Kʼuxi yutojik?
-
Li ta sjabilaltik 1990 kʼalal ta 2015, epaj li buchʼutik la xtuchʼ snupunelik ta Estados Unidose, j˗oʼlol epaj la xtuchʼ snupunelik li buchʼu 50 sjabilalike, jaʼ oxib to velta jelav li buchʼu 65 sjabilalike.
-
Junantik buchʼutik xchanojbeik skʼoplale chalik ti skʼan la kʼupil kʼoptael li ololetik ta skotol li kʼusitik tspasike, pe yantike chalik ti skʼan la tsitsele. Ta skoj taje, li totil meʼiletike mu xa snaʼ kʼusi tspasik.
-
Mi sta svaʼlej li kerem tsebetike, mu kʼusi snaʼik spasel.
Pe oy kʼusi lek xuʼ xkʼot ta pasel:
-
Li nupultsʼakaletike xuʼ xmuyubajik xchiʼuk ti jmojuk oyike.
-
Li totil meʼiletike xuʼ ta slekil yoʼonton chchanubtas li yalab xnichʼnabike.
-
Mi la sta svaʼlej li kerem tsebetike, xuʼ me baxbolik spasel li kʼusi sbainojike.
¿Kʼuxi ta pasel? Li revista liʼe chalbot 12 ta tos kʼuxi xuʼ xamuyubaj xchiʼuk avutsʼ avalal.
1. Pasik li kʼusi avalojike
Oxtos tojobtaseletik sventa mu xtuchʼ li anupunelike.
2. Jmojuk xakolta abaik
¿Mi anup achiʼil abaik o mi jaʼ noʼox jmoj nakaloxuk?
3. Ichʼo abaik ta mukʼ
¿Kʼusi xuʼ jpastik o chkaltik sventa ichʼbiluk ta mukʼ xaʼi sba li jnup jchiʼiltike?
4. Akʼbo abaik perton
¿Kʼusi tskoltaot sventa mu xakʼelbe spaltail li anup achiʼile?
5. Chiʼino abaik lek ta loʼil
Oxtos kʼusitik tskoltaot sventa xanopaj ta stojolal li avalab anichʼnabe.
6. Albo mantal
¿Mi chchibaj˗o van yoʼonton akerem o atseb mi la avakʼbe mantale?
7. Akʼbo xchan lekil talelaletik
¿Kʼusitik lekil talelal skʼan xavakʼbe xchan li avalab anichʼnabe?
8. Vinajuk ta atalelal
Totil meʼiletik, mi chakʼanik chchʼunik amantal li avalab anichʼnabike, skʼan xavakʼik ta ilel ta atalelalik.
9. Buchʼuot ta melel
Li jun kerem o tsebe, ¿kʼusi xuʼ spas sventa jpʼel ta yoʼonton li kʼusi xchʼunoje?
10. Spatuk yoʼontonik ta atojol
Tsots skʼoplal ti spat yoʼontonik ta atojolal li atot ameʼ kʼalal chachʼi tale.
11. Baxbolukot ta abtel
Mi chakʼupin avabtel ta akerem tsebale, jaʼ me tskoltaot sventa spas avuʼun skotol li kʼusi chakʼan ta jelavele.
12. Oyuk kʼusi ta avoʼonton stael
Mi la ata li kʼusitik chakʼane, mas chapat avoʼonton ta atojolal, mas lek chavil aba xchiʼuk avamigotak xchiʼuk mas xamuyubaj.
Yan koltael sventa utsʼ alalil
Li beiltaseletik ta Vivliae xuʼ skoltaot sventa xamuyubaj ta avutsʼ avalal.
