1 ¿Mi jaʼ ta smul Dios ti chkil jvokoltike?
¿Kʼu yuʼun ti skʼan jnaʼtike?
Epal krixchanoetike mu skʼan xnopajik ta stojolal Dios ta skoj ti tsnopik ti jaʼ ta smul ti chkil jvokoltike.
Nopo ta sventa liʼe
Ep jnitvanejetik ta relijione chalik o chakʼik ta aʼiel ti jaʼ ta smul Dios ti chkil jvokoltike. Junantike chalik ti...
-
... jaʼ jun kastigo yuʼun Dios li nikel, nojelal ta voʼ o yan kʼusitike.
-
... kʼalal chcham junuk olole jaʼ ta skoj ti chtun yuʼun uni anjeletik li Diose.
-
... tskolta sba ta paskʼop li Diose.
Pe ¿mi oy van kʼusitik muʼyuk lek chakʼik ta chanel ta stojolal Dios li jnitvanejetik ta relijione? ¿Mi lek van chil Dios li kʼusi chakʼik ta chanele?
SVENTA XANABE MAS SKʼOPLALE
Kʼelo ta jw.org li video ¿Kʼu yuʼun skʼan jchantik li Vivliae?
Li kʼusi chal Vivliae
Li Diose maʼuk chakʼ li jvokoltike
Ti jaʼuk chakʼbe yil svokol krixchanoetik li Diose mu xa sta-o jechuk ti kʼu yelan stalelale, yuʼun li Vivliae xi chale:
«Yuʼun tukʼ skotol li kʼusitik tspase. [...] Melel kʼusi chal xchiʼuk tukʼ yoʼonton» (DEUTERONOMIO 32:4).
«¡Mi jaʼuk onoʼox bu tsnop tspas kʼusi chopol li melel Diose, mi jaʼuk onoʼox bu tspas kʼusi muʼyuk lek li Buchʼu skotol xuʼ yuʼune!» (JOB 34:10).
«Muʼyuk tsokes tukʼilal li Buchʼu skotol xuʼ yuʼune» (JOB 34:12).
Li Diose spʼajoj li relijionetik ti muʼyuk lek kʼusi chakʼik ta chanel ta stojolale
Jech kʼuchaʼal liʼe, spʼajoj li relijionetik ti chalik ti jaʼ chakʼ jvokoltik li Diose xchiʼuk li buchʼutik tskolta sbaik ta paskʼop xchiʼuk li ta pas choplejale.
«Li j-alkʼopetike yakal chalik ta jbi [ta sbi Dios] albil kʼopetik ti mu meleluke. Muʼyuk la jtakik batel, muʼyuk laj kalbeik mantal xchiʼuk mi jaʼuk la jkʼoponik. Kʼalal chalboxuk albil kʼopetike, jaʼ chalik li kʼusi mu meleluk akʼbil yilike [...] xchiʼuk li loʼlavanej oy ta yoʼontonike» (JEREMIAS 14:14).
Li Jesuse laj yal ta jamal li kʼusi muʼyuk lek tspas li relijione
«Mu skotoluk ch-ochik ta Ajvalilal ta vinajel li buchʼutik ‹Kajval, Kajval› xiyutikune, jaʼ noʼox ch-ochik li buchʼutik tspasik kʼusi tskʼan yoʼonton li Jtot ta vinajele. Ep buchʼutik xi chalbeikun li vaʼ kʼakʼale: ‹Kajval, Kajval, ¿mi mu ta abiuk laj kalkutik albil kʼopetik, mi mu ta abiuk la jlokʼeskutik pukujetik xchiʼuk mi mu ta abiuk ti ep la jpaskutik skʼelobil juʼelale?›. Pe xi chkalbeike: ‹¡Mi jaʼuk xakojtikinoxuk! ¡Lokʼanik batel, voʼoxuk ti jpaschoplejaloxuke!›» (MATEO 7:21-23).
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Mi jaʼ ta smul Dios ti oy vokolile?
Mi junuk krixchano kolem li ta il vokolile, mi jaʼuk li buchʼutik lek ch-ilatik yuʼun Diose. ¿Kʼu yuʼun?
KʼUSITIK TSJAKʼIK TA SVENTA VIVLIA
¿Kʼu yuʼun ep lajik ta milel li judaetike? ¿Kʼu yuʼun muʼyuk la smak ta be li Diose?
Ep buchʼutik tsjakʼbe sbaik ti kʼu yuʼun yakʼoj to permiso Dios ti oy to li vokoliletike. Te chatabe stakʼobil ta Vivlia.
LI JKʼEL˗OSIL TA TOYOLE
Li vokolile: ¿mi jaʼ kastigo yuʼun Dios?
¿Mi chakʼ talel chamel Dios sventa xakʼbe kastigo ta skoj smul li krixchanoetike?
